Bilim. Ijod. Kashfiyot
Aynan 4-aprel sanasida Germaniyada "Kutubxonalarning uzoq tuni" tadbiri o'tkaziladi – bu tadbir kutubxonalarni bilim, uchrashuv va ilhom maskani sifatida namoyish etadi. Bizning kutubxonamiz ham ushbu tadbirga qo'shiladi va barchani unutilmas kechaga taklif etadi – ushbu kun Siz bilim, ijodkorlik va hamjamiyat muhitidan bahramand bo‘lishingiz mumkin.
Tadbirda interaktiv mahorat darslari, adabiy dasturlar va barqaror rivojlanishga oid qiziqarli tadbirlar o‘rin oladi. Dastlab kutubxona haqida taqdimot o‘tkazilib, uning ko‘p qirrali markaz ekanligi yoritib beriladi. Urug‘ kutubxonasi va turli mavzularga oid keng adabiyot tanlovi taqdim etiladi. Tadbirning eng diqqatga sazovor jihati – an’anaviy "Sumalak" taomini birgalikda pishirish bo‘lib, bu jarayon boy madaniy an’analar bilan boyitiladi. Shu bilan birga, atrof-muhitni muhofaza qilishga e’tibor qaratilib, gullar ekish aksiyasi o‘tkaziladi.
Kunduzgi dastur ijodiylik va barqarorlik mavzulariga bag‘ishlanadi. Upcycling ustaxonasida ishtirokchilar qayta ishlangan materiallardan foydali va dekorativ buyumlar yaratishadi, ijodiy ustaxonada esa eski kartonlardan o‘ziga xos niqoblar tayyorlashadi.
Texnologiya ixlosmandlari VR tajribalariga sho‘ng‘ishlari, jumladan, "Faust" asarining sahnalarini interaktiv tarzda boshdan kechirishlari yoki adabiy multimedia dunyosini kashf qilishlari mumkin. Shu bilan birga, raqamli musobaqalar orqali kutubxona bilan tanishish imkoniyati ham bo‘ladi.
Kechki dastur adabiyotga bag‘ishlanadi. Onleihe kitob klubi doirasida elektron kitoblar muhokama qilinadi, so‘ng yosh shoirlar uchun ochiq sahna tashkil etiladi. Keyinchalik mashhur yozuvchi o‘zining yangi kitobidan parchalar o‘qib, mehmonlar bilan muloqot qiladi. Issiq choy va pishiriqlar bilan yoqimli muhit yaratiladi. Kechaning yakunida esa adabiyot, san’at yoki ekologiyaga oid badiiy film namoyish etiladi.
Tadbirni interaktiv zonalar boyitadi: kitob almashish, stol o‘yinlari burchagi, o‘quv maydonchasi va fotosessiya burchagi.
Ushbu madaniy va ilhom baxsh etuvchi kechani o‘tkazib yubormang!
Ortga
