Susanne Hætta

Susanne Hætta

Govvadáiddár, govvejeaddji ja čálli

  • Dálkkádat rievdan

  • Finnmárkkus (Norgga)

Susanne Hætta lea sámi govvadáiddár, govvejeaddji ja čálli, Finnmárkkus eret, dáža Sámis. Hætta bargá sihke dáiddagovvemiin ja kommersiála govvemiin, muhto ámadaju- ja eanadatgovvemat leat su váimmu lagamusas. Su girjjit lea sámiid ja sámi áššiid birra ja leat almmuhuvvon máŋgga gillii. Sus lea servodatfágalaš oahppu ja journalistaduogáš.
Hætta lea čállán njeallje girjji: ovtta mánáidgirjji, ”Okta beaivi Ánniin”, ovtta biografiija dárogillii, ”Utsi – veien ut av det kriminelle livet”, ovtta govvagirji sámi artistta Mari Boine birra, ”Mari Moments - Mari Liibbat”, davvisámegillii ja eŋgelasgillii ja ovtta dáiddárportreahta Synnøve Persena birra “Luondduadjágasat – Dreamscapes”, davvisámegillii, duiskagillii ja eŋgelasgillii. Dál lea son doaimmaheaddji girjái álgoálbmotfestivála Riddu Riđđu birra go das lea 30-jagi ávvudeapmi 2021. Su ođđaseamos girji lea eŋgelasgillii ja lea dáiddáriid ovdamanniid birra Mázejoavkku.

Čállosat Susanne Hætta