អ្នកត្រូវអោយគេពិនិត្យមើលថា តើប័ណ្ណបើកបរអ្នកមានសុពលភាពនៅប្រទេសអាល្លឺម៉ង់ទេ? ប័ណ្ណបើកបរមកពីប្រទេសនៅក្រៅសហភាពអឺរ៉ុបមានសុពលភាពតែ ៦ ខែ ទេ នៅប្រទេសអាល្លឺម៉ង់។ បន្ទាប់ពីនោះមកអ្នកត្រូវទៅធ្វើការប្រឡងយកប័ណ្ណបើកបរអាល្លឺម៉ង់។ អ្នកត្រូវយករថយន្តអ្នកទៅចុះបញ្ជីនៅកន្លែងចុះបញ្ជីរថយន្ត។ ហើយអ្នកត្រូវយករថយន្តទៅអោយស្ថាប័ន ពិនិត្យបច្ចេកទេស TÜV ពិនិត្យមើល។ ស្ថាប័ន TÜV នេះពិនិត្យមើលគ្រឿងបច្ចេកទេសរថយន្តអ្នក។ បើរថយន្តអ្នកមានសុវត្ថិភាពផ្នែកចរាចរណ៍ គេនឹងបិទផ្លាក TÜV មួយនៅលើផ្លាកលេខរថយន្តអ្នក។ អ្នកក៏ត្រូវប្រមូលពត៌មានដែរអំពីបទបញ្ញត្តិចរាចរណ៍ទាំងឡាយ។ ពត៌មានអំពីរឿងនេះមាននៅកន្លែងដាក់ចំណងជើងថា ភាពចល័ត „Mobilität“ នៅគេហទំព័រ„Make it in Germany“ ។ 

 

នៅក្នុងក្រុងអ្នកអាចបើកល្បឿន ៥០ គីឡូម៉ែត្របាន ហើយនៅតាមកន្លែងខ្លះបើកបានត្រឹមតែ ៣០ គីឡូម៉ែត្រក្នុងមួយម៉ោងតែប៉ុណ្ណោះ។ នៅក្រៅក្រុងអ្នកអាចបើកល្បឿន ៦០ ទៅ ១០០គីឡូម៉ែត្រក្នុងមួយម៉ោងបាន។ នៅតាមផ្លូវហៃវេជួនកាលមានផ្លាកសញ្ញាកម្រិតល្បឿន។ នៅផ្លូវហៃវេមួយនោះគ្មានផ្លាកសញ្ញាកម្រិតល្បឿនទេឬ? នៅក្នុងករណីនេះអ្នកអាចបើកល្បឿនប៉ុន្មានក៏បានតាមតែចិត្តអ្នកចង់។

ពត៌មានអំពីរឿងនេះមាននៅកន្លែងលក់សំបុត្រជិះ និងនៅម៉ាស៊ីនលក់សំបុត្រជិះ នៅតាមស្ថានីយរថភ្លើង។ ឬក៏អ្នកមើលនៅគេហទំព័ររបស់ក្រុមហ៊ុនរថភ្លើង Deutschen Bahn។ អ្នកត្រូវមើលនៅគេហទំព័រ www.bahn.de នៅភាគខាងលើខាងឆ្វេងទំព័រត្រង់កន្លែងមានចំណងជើងថា „Auskunft und Buchung“។ នៅទីនោះអ្នកឃើញប្រឡង់មួយដាក់ថា „Von Bahnhof/Haltestelle oder Ort, Straße…“។ អ្នកត្រូវសរសេរពាក្យ „Köln Hbf“ ចូលទីនោះ។ ហើយនៅប្រឡង់ដែលមានដាក់ថា „… nach Bahnhof/Haltestelle oder Ort, Straße“ អ្នកត្រូវសរសេរពាក្យ„Berlin Hbf“ ចូលទីនោះ។ នៅភាគខាងក្រោម អ្នកត្រូវសរសេរដាក់ចូលថា តើអ្នកចង់ធ្វើដំណើរថ្ងៃណា និងម៉ោងប៉ុន្មាន។ បន្ទាប់មកអ្នកត្រូវចុច „Suchen“។​ អ្នកនឹងឃើញមានបញ្ជីរាយពេលម៉ោងនិងផ្លូវធ្វើដំណើរ និងថ្លៃជិះ។ អ្នកអាចទិញសំបុត្រជិះនៅស្ថានីយរថភ្លើងដោយផ្ទាល់បាន ឬទិញអនឡាញ ក៏បានដែរ។ បើអ្នកទិញសំបុត្រអោយបានមុនយូរបន្តិច អ្នកអាចរកសំបុត្រធូរថ្លៃបាន។ 

អ្នកចង់ជិះរថភ្លើងឬ? ក្នុងករណីនេះអ្នកអាចទៅទិញសំបុត្រជិះបាននៅនឹងម៉ាស៊ីនលក់សំបុត្ររបស់ក្រុមហ៊ុនរថភ្លើង Deutsche Bahn ។ ម៉ាស៊ីនលក់សំបុត្រមានរូបរាងដូចគ្នាទាំងអស់នៅប្រទេសអាល្លឺម៉ង់ទាំងមូល ហើយការប្រើប្រាស់វាក៏ដូចគ្នាដែរ។ ម៉ាស៊ីនទាំងនេះមាននៅតាមស្ថានីយរថភ្លើង។ គេសរសេរទិសដៅដំណើររបស់គេចូលទៅក្នុងនោះ។ គេអាចបង់ថ្លៃសំបុត្រជិះនោះដោយប្រើសាច់ប្រាក់ ឬក៏ដោយប្រើកាតឥណទាន EC Karte។ អ្នកអាចជ្រើសយកសំបុត្រជិះមួយដង សំបុត្រប្រចាំថ្ងៃ ឬសំបុត្រជិះជាក្រុមបាន។

អ្នកចង់ធ្វើដំណើរតាមរថយន្តក្រុងឬ? នៅពេលខ្លះគេក៏អាចទិញសំបុត្រជិះដោយផ្ទាល់ពីអ្នកបើកបានដែរ។ នៅតាមក្រុងធំៗគេតែងតែទិញសំបុត្រជិះពីម៉ាស៊ីនលក់សំបុត្រនៅតាមកន្លែងរថយន្តក្រុងឈប់ ឬក៏នៅ ស្ថានីយ។ គេឧស្សាហ៍ឃើញមានម៉ាស៊ីនលក់សំបុត្រជិះនៅក្នុងរថយន្តក្រុងដែរ។ ប៉ុន្តែនៅទីនោះគេច្រើនតែត្រូវមានប្រាក់ជាកាក់ ដើម្បីនឹងអាចទិញសំបុត្របាន។ បើអ្នកចង់ដឹងថា គេត្រូវធ្វើដូចម្តេចនោះ សូមមើលរឿង „Im Bus“ ដែលជាខ្សែភាពយន្តខ្លីមានឈ្មោះថា „Erste Wege in Deutschland“ នៅកន្លែងមានចុះចំណងជើងថា “ហាត់រៀនភាសាអាល្លឺម៉ង់“ ។

គេអាចឃើញមានពត៌មានអំពីកាលបរិច្ឆេទដំណើរនៅតាមផ្ទាំងដាក់ផ្សាយពត៌មាននៅតាមស្ថានីយ ឬក៏មើលអនឡាញតាមwww.bahn.de។