အကြံဉာဏ်သည် မည်ကဲ့သို့အသုံးဝင်သနည်း။

သင့်တွင် မေးစရာမေးခွန်း သို့မဟုတ် ပြဿနာရှိနေပါသလား။ သင်သည် အဖြေများ သို့မဟုတ် အကြံပြုချက်များ လိုအပ်နေပါသလား။ အကြံပြုဆွေးနွေးပွဲတွင် သင့်အား အကူအညီပေးမည့်သူများကို သင်ရှာဖွေတွေ့ရှိနိုင်မည်ဖြစ်သည်။ ယင်း အကြံပေး ပုဂ္ဂိုလ်များသည် သင့်မေးခွန်း၏ အဖြေကို သို့မဟုတ် သင် အကူအညီ ရယူနိုင်သည့် နေရာကို သိနေလိမ့်မည်ဖြစ်သည်။

အကယ်၍ သင်သည် အကြံပြုဆွေးနွေးပွဲကို သင့်ဘာသာသင် မတက်ရောက်လိုပါက မည်သို့ဖြစ်ပွားမည်နည်း။ ထိုအခါ သင်သည် တစ်ယောက်ယောက် ဥပမာသင်၏ ခင်ပွန်း သို့မဟုတ် ဇနီး၊ ယောက်ျားလေးချစ်သူ သို့မဟုတ် မိန်းကလေးချစ်သူ သို့မဟုတ် အခြား တစ်ယောက်ယောက်ကို ခေါ်သွားနိုင်ပါသည်။ အကြံပေးဌာနများစွာတို့သည်လည်း သင့်အား သူတို့ထံ ဖုန်းဆက်ခွင့်ပြုထားပါသည်။ ထိုအခါ သင်ဖုန်းဖြင့် မေးမြန်းသည့် မေးခွန်းများကို အကြံပေးပုဂ္ဂိုလ်များက ပြန်လည်ဖြေကြားပေးမည် ဖြစ်သည်။ ထို့ပြင် အွန်လိုင်းအကြံပေးဌာနများလည်း ရှိပါသည်။ သင်သည် မေးခွန်းများကိုအီးမေးလ် သို့မဟုတ် chat box မှတစ်ဆင့် မေးမြန်းနိုင်ပါသည်။

အကြံပေးဆွေးနွေးပွဲများကို အမည်မဖော်ပြထားပါ။ သင်၏ မေးခွန်းများနှင့် ပြဿနာများကို အကြံပေး ပုဂ္ဂိုလ်များကသာ ဆွေးနွေးဖြေကြားပေးမည်ဖြစ်သည်။ သူတို့အား သင်၏ မေးခွန်းများနှင့် ပြဿနာများကို အခြားမည်သူကိုမျှ ပြောပြခွင့်ပေးမထားပါ။ အကြံဉာဏ်မှာ ဘက်မလိုက်ပါ။ အကြံပေး ပုဂ္ဂိုလ်များသည် သင့်ကိုကူညီလိုကြပါသည်။ သင်သည် သူတို့ကို လျှို့ဝှက်ထားရမည့် အကြောင်းအရာများကို ပြောပြနိုင်ပါသည်။ သင်ကြောက်ရွံ့စရာမလိုပါ။ အကြံပေးဆွေးနွေးပွဲများမှာ အခမဲ့ဖြစ်ပါသည်။ သင်ရရှိသည့် အကြံဉာဏ်အတွက် အခကြေးငွေပေးစရာမလိုပါ။ တစ်ခါတလေတွင် သူတို့သည် သင့်အား အကူအညီ ချက်ချင်းပေးနိုင်မည်ဖြစ်သည်။ ကျန်သည့်အချိန်များတွင် သူတို့ထံမှ ရက်ချိန်းတောင်းရပါမည်။

ကျွန်ုပ်အတွက် အထူးအကြံပေး ဝန်ဆောင်မှုများ ရရှိနိုင်ပါသလား။

ရွှေ့ပြောင်းနေထိုင်ကြသူများအတွက် အထူးအကြံပေး ဝန်ဆောင်မှုများ ရရှိနိုင်ပါသည်။ The Migrationsberatung für erwachsene Zuwanderer (လူကြီးဝင်ရောက်လာသူများအတွက် ရွှေ့ပြောင်းမူဆိုင်ရာ အကြံဉာဏ် - MBE) နှင့် the Jugendmigrationsdienste (လူငယ်ရွှေ့ပြောင်းမှု ဝန်ဆောင်မှုလုပ်ငန်းများ - JMD) သည် အမည်မဖော်ပြထားပါ၊ ဘက်မလိုက်ပါ၊ အခမဲ့ဖြစ်ပါသည်။ MBE သည် အရွယ်ရောက်ပြီးသည့် ရွှေ့ပြောင်းလာသူများအားလုံးအား အကူအညီပေးသွားမည် ဖြစ်သည်။ JMD သည် အသက် ၁၂ နှစ်နှင့် ၂၇ နှစ်အကြားရှိသူများနှင့် ၎င်းတို့၏ မိဘများအား အကူအညီပေးပါမည်။ ပုံမှန်အားဖြင့် အကြံပေးပုဂ္ဂိုလ်များသည် ယင်းနေရာတွင် ဘာသာစကားအမျိုးမျိုးဖြင့် ပြောလေ့ရှိပါသည်။ အကယ်၍ အကြံပေးပုဂ္ဂိုလ်သည် သင်၏ မိခင်ဘာသာစကားမပြောတတ်ပါက သို့မဟုတ် သင်သည် ဂျာမန်ဘာသာစကားကို အတော်အသင့် ကောင်းစွာမပြောတတ်ပါက ဘာဖြစ်မည်နည်း။ ထိုအခါ စကားပြန်တစ်ယောက်က သင့်အား အကူအညီပေးနိုင်ပါသည်။ သူသည် ဘာသာစကားနှစ်မျိုးစလုံးကို ပြောတတ်ပါသည်။

အကြံပေးပုဂ္ဂိုလ်များအား ကျွန်ုပ် မည်သည့် မေးခွန်းများ မေးမြန်းနိုင်ပါသနည်း။

JMD နှင့် MBE တို့သည် ဂျာမဏီနိုင်ငံတွင်နေထိုင်ခြင်းနှင့် ပတ်သက်သည့် မေးခွန်းများ၊ ပြဿနာများနှင့် ပတ်သက်၍ သင့်အား အကူအညီပေးမည် ဖြစ်သည်။ ဥပမာ ကျွန်ုပ်၏ ဗီဇာဖြင့် ဂျာမဏီနိုင်ငံတွင် မည်မျှကြာအောင် နေနိုင်ပါသနည်း။ အကယ်၍ ကျွန်ုပ်၏ မိသားစုသည် ပြဿနာများကြုံတွေ့နေရပါက ကျွန်ုပ်သည် မည်သည့်နေရာတွင် အကူအညီတောင်းရမည်နည်း။ ကျွန်ုပ်သည် ဂျာမန်ဘာသာစကားကို မည်သည့်နေရာတွင် သင်ယူနိုင်သနည်း။နေစရာကို မည်သည့်နေရာတွင် ရှာဖွေရမည်နည်း။ ကျွန်ုပ်သည် ဂျာမဏီနိုင်ငံတွင် အလုပ်လုပ်နိုင်ပါသလား။ ကျွန်ုပ် မည်သည့်နေရာတွင် အလုပ်ရှာနိုင်ပါသနည်း။ ကျွန်ုပ်သည် ငွေရေးကြေးရေး ပြဿနာများ ကြုံတွေ့နေရပါက ကျွန်ုပ်ဘာလုပ်ရမည်နည်း။ ကျွန်ုပ် နာမကျန်းဖြစ်နေလျှင် ကျွန်ုပ်ဘာလုပ်ရမည်နည်း။ အကယ်၍ ကျွန်ုပ်တွင် ကလေးငယ်ရှိပါက ကျွန်ုပ်ကို မည်သူက ကူညီမည်နည်း။ ကျွန်ုပ် မည်သည့်နေရာတွင် ယာဉ်မောင်းလိုင်စင် ရနိုင်ပါသနည်း။ ကျွန်ုပ် မည်သည့် ရထားလက်မှတ် အမျိုးအစား လိုအပ်ပါသနည်း။ ကျွန်ုပ်၏ အထောက်အထား စာရွက်စာတမ်းများကို မည်သည့်နေရာတွင် ထောက်ခံချက်ရယူနိုင်သနည်း။ အထူးသဖြင့် JMD သည် ကျောင်း / သက်မွေးဝမ်းကျောင်းစနစ်တွင် အသားကျစေရန်ကိုလည်း ကူညီပေးပါသည်။ 

ကျွန်ုပ်ဂျာမဏီတွင် နေထိုင်လျက်ရှိနေပါသည်။ အကြံပေး ဝန်ဆောင်မှုလုပ်ငန်းကို ကျွန်ုပ်မည်ကဲ့သို့ ရှာဖွေနိုင်ပါသနည်း။ 

သင်သည် ဂျာမနီတွင် နေထိုင်လျက်ရှိနေပြီး ရွှေ့ပြောင်း အကြံပေး ဝန်ဆောင်မှုလုပ်ငန်းတစ်ခုကို ဆက်သွယ်ရန် ကြိုးပမ်းနေပါသလား။ သင်သည် သင်နေထိုင်ရာနေရာနှင့်နီးသော ရွှေ့ပြောင်း အကြံပေး ဝန်ဆောင်မှုလုပ်ငန်းများ (MBE သို့မဟုတ် JMD) ကိုအရေးကြီးသော လိပ်စာများ ခေါင်းစဉ်အောက်တွင် ရှာဖွေနိုင်ပါသည်။ ထိုအခါ သင်သည် မြေပုံတစ်ခုပေါ်တွင် လိပ်စာသို့မဟုတ် ဖုန်းနံပါတ် စသည့် အချက်အလက်များနှင့်အတူ အဖြေများကို တွေ့ရမည် ဖြစ်သည်။ 

ကျွန်ုပ်သည် ကျွန်ုပ်၏ မိခင်နိုင်ငံထဲမှာပင် ရှိနေသေးသည်။ ကျွန်ုပ်ဆက်သွယ်နိုင်သည့် အကြံပေးဝန်ဆောင်မှု လုပ်ငန်းရှိပါသလား။

သင်သည် ဂျာမဏီနိုင်ငံသို့ မရောက်မီကတည်းကပင် အကြံပေးဝန်ဆောင်မှုလုပ်ငန်းတစ်ခုကိုရှာဖွေနေပါ သလား။ ယင်းအတွက် ထောက်ပံ့ပေးရန် အကြံပေးဝန်ဆောင်မှုလုပ်ငန်းတစ်ခုကို အင်တာနက်တွင် ရှိပါသည်။ အွန်လိုင်းအကြံပေးလင့်ခ်ကို နှိပ်ပါ။ ထိုနေရာတွင် သင်သည် အသေးစိတ်အချက်အလက်များတွေ့နိုင်ပါသည်။