Leben mit Behinderung Foto (Ausschnitt): VGstockstudio/ Shutterstock.com

ဂျာမနီတွင် (၂၀၀၉)ခုနှစ်ကတည်းက ကုလသမဂ္ဂက ပြဌာန်းထားသော မသန်စွမ်းသူများ အခွင့်အရေး ကွန်ဗင်းရှင်းရှိသည်။ မသန်စွမ်းသူများသည် လူ့အဖွဲ့အစည်းတွင် တူညီသော အခွင့်အရေးများ ရရှိရမည်ဟု ဥပဒေက ပြဌာန်းထားပါသည်။ ဥပမာအားဖြင့် ဘီးတပ်ကုလားထိုင် (ဝှီးချဲ) အသုံးပြုသူများအား အဆောက်အဦးများ၊ ရထားများ၊ ဘတ်စ်ကားများထဲသို့ အခက်အခဲမရှိ ဝင်ရောက်နိုင်ရန်အတွက် ကြိုးစား အားထုတ်လျက်ရှိသည်။ ကားဆရာများသည် မသန်စွမ်းသူများ (သို့) ဝှီးချဲအသုံးပြုသူများ ကားတွင် စီးနင်း လိုက်ပါလိုပါက အတက်အဆင်းတွင် လွယ်ကူစေရန် ကားထွက်ပေါက်ကို လျှောကဲ့သို့ ထောက်မျိုးဖြင့် ချိတ်ဆက် ပေးသောကြောင့် မသန်စွမ်းသူများ အလွယ်တကူ အတက်အဆင်း ပြုနိုင်ပါသည်။ ဂျာမနီတွင် မျက်မမြင်များကို ၎င်းတို့၏ အမှတ်အသား (အဝါရောင် နောက်ခံတွင် အနက်ရောင် အစက်သုံးစက်) မှတစ်ဆင့် သိနိုင်သည်။ မျက်မမြင်များသည် တစ်ခါတစ်ရံ မျက်မမြင်လက်ပတ် ပတ်ထားတတ်ကြပြီး လမ်းလျှောက်တုတ် (သို့) လမ်းပြခွေးတို့ ပါတတ်ကြသည်။ မီးပွိုင့်များသည် အသံပေးသောကြောင့် မျက်မမြင်များသည် ၎င်းတို့ လမ်းကူးရမည့် အချိန်ကို သိနိုင်သည်။ အများပြည်သူ အဆောက်အဦး အများစုတွင်လည်း မျက်မမြင် ဘာသာစကားဖြင့် ရေးသား ဖော်ပြထားပါသည်။ တစ်ခါတစ်ရံ ဥပဒေကို မလိုက်နာဘဲ အခွင့်အရေး ချိုးဖောက်သော ခွဲခြားဆက်ဆံမှုများလည်း ကြုံရတတ်သည်။ ဤအကြောင်းအရာနှင့် ပတ်သက်ပြီး ကျွန်ုပ်တို့ ဝက်ဘ်ဆိုက်ဒ်ပေါ်ရှိ ရုပ်ရှင်ကို ကြည့်ရှုပါ။


Man sieht eine Hebevorrichtung mit einem blau-weißen Aufkleber, der ein Symbol mit einem Rollstuhlfahrer zeigt. © Goethe-Institut