Man sieht eine Straße in Berlin mit vielen Menschen, die über die Straße gehen und einem Bus und Trams im Hintergrund. © Goethe-Institut

ခြေကျင်နှင့် စက်ဘီး

ကျေးရွာများနှင့် မြို့ငယ်များတွင် သင်သည် နေရာအများစုကို ခြေကျင် သွားလာနိုင်ပါသည်။ ဂျာမနီနိုင်ငံတွင် လူအများစုသည် စူပါမားကတ် (သို့) အလုပ် စသည့် နေရာများသို့ စက်ဘီးဖြင့် သွားကြပါသည်။ လမ်းများစွာတို့တွင် လူသွားပလက်ဖောင်းဘေး၌ စက်ဘီးသွားရန်အတွက် စက်ဘီးလမ်း ရှိပါသည်။ စက်ဘီးလမ်း မရှိသည့် နေရာများတွင် လူကြီးများသည် ကားသွားလမ်းပေါ်တွင် စက်ဘီးမောင်းနိုင်ပြီး အသက် (၈) နှစ်အောက် ကလေးများမှာမူ  လူသွားပလက်ဖောင်းပေါ်တွင်သာ မောင်းရပါသည်။ အသက် (၁၀) နှစ်အောက် ကလေးများလည်း ပလက်ဖောင်းပေါ်တွင် မောင်းနိုင်ပါသည်။ လမ်းအသုံးပြုသည့် လမ်းသွားလမ်းလာများနှင့် စက်ဘီးစီးသူ များအတွက် ပြဋ္ဌာန်းထားသည့် အခြားသော စည်းမျဉ်းများလည်းရှိပါသည်။ ဥပမာ သင်သည် မီးပွိုင့် မီးနီနေသည်ကို ဖြတ်၍ စက်ဘီးစီးနင်းမိလျှင် ဘာဖြစ်မလဲ (သို့) စက်ဘီးမီးလုံး ပျက်နေတာကို သတိမထားဘဲ မောင်းနှင်မိလျှင် ဘာဖြစ်မလဲ စသည်တို့ ဖြစ်သည်။ ထိုသို့သော ပြစ်မှုများ ကြူးလွန် သည်ကို ယာဉ်ထိန်းရဲ မြင်တွေ့သွားပါက ဒဏ်ငွေ ပေးဆောင်ရမည် ဖြစ်ပါသည်။

Ansicht auf einen Gehweg mit abgestellten E-Rollern und Fahrrädern, im Hintergrund drei junge Männer und ein Schild einer Curry-Wurst-Bude. © Goethe-Institut

အများပြည်သူသုံးယာဉ်များ အသုံးပြုခြင်း

မြို့ကြီးများတွင် မြို့တွင်းရထားများ (S-Bahn)၊ မြေအောက်ရထားများ )U-Bahn)၊ ကားများကဲ့သို့ လမ်းပေါ်တွင် မောင်းနှင်သော ရထားများ )Straßenbahn) (သို့) ဂျာမနီ တောင်ပိုင်းအခေါ်အဝေါ်အရ (Trambahn) နှင့် ဘတ်စ်ကားများရှိပါသည်။ လက်မှတ်ဝယ်ယူရန်အတွက် ဘူတာရုံများနှင့် ကားဂိတ်များရှိ လက်မှတ်စက်များတွင် လက်မှတ် ဝယ်ယူနိုင်ပါသည်။ ဘူတာရုံများတွင် လက်မှတ် အရောင်းဌာနများလည်း ရှိပါသည်။ တစ်ခါတစ်ရံတွင် သင်သည် လက်မှတ်ကို ဘတ်စ်ကားပေါ်တွင်လည်း ဝယ်ယူနိုင်ပါသည်။ လက်မှတ်ဝယ်ရာတွင် တစ်ပတ်စာ၊ တစ်လစာ (သို့) တစ်နှစ်စာလက်မှတ် စသည်ဖြင့် အမျိုးမျိုးဝယ်ယူနိုင်ပါသည်။ အကယ်၍ သင်သည် အများသုံး သယ်ယူပို့ဆောင်ရေး ယာဉ်များကို ပုံမှန်စီးနင်းပါက ထိုကဲ့သို့ ဝယ်ယူထားခြင်းက စရိတ်သက်သာပါသည်။ ကလေးများ၊ ကျောင်းသားများ၊ မသန်မစွမ်း ခရီးသည်များနှင့် သက်ကြီးရွယ်အိုများသည် သက်သာသော နှုန်းများဖြင့် စီးနင်းခွင့် ရှိပါသည်။ ဘတ်စ်ကားများနှင့် ရထားများပေါ်တွင် လက်မှတ်စစ်ပါသည်။ အကယ်၍ လက်မှတ်စစ်စဉ် သင့်တွင် လက်မှတ်မရှိပါက ဒဏ်ငွေ ပေးဆောင်ရမည် ဖြစ်ပါသည်။

ဘတ်စ်ကားမှတ်တိုင်များနှင့် ဘူတာရုံများတွင် ယာဥ်ပြေးဆွဲမှု အချိန်စာရင်းများကို ကြည့်ရှုနိုင်ပါသည်။ အချိန်စာရင်းတွင် ဘတ်စ်ကားများနှင့် ရထားများ မည်သည့်အချိန်တွင် ထွက်ခွာမည်၊ မည်သည့်အချိန်တွင် ရောက်ရှိမည်ကို ဖော်ပြထားပါသည်။ ယင်းအချိန်စာရင်းကို သယ်ယူပို့ဆောင်ရေးကုမ္ပဏီ၏ ဝက်ဘ်ဆိုက်ဒ်တွင်လည်း ကြည့်ရှုနိုင်ပါသည်။

In einer Unterführung sieht man ein Fahrrad, zwei E-Roller und beklebte Säulen, im Hintergrund fährt eine Tram vorbei. © Goethe-Institut

ကားဖြင့်

လူများစွာတို့သည် မြို့ထဲတွင် ယင်းတို့၏ ကိုယ်ပိုင်ကားများဖြင့်လည်း သွားလာကြပါသည်။ မြို့များစွာတွင် ကားရပ်နားစခန်းများနှင့် အထပ် များစွာပါသော ကားရပ်နားရုံများရှိသည်။ ကားရပ်နားနိုင်သည့် နေရာ၊ အဆောက်အအုံများကို ညွှန်ပြသည့် ဆိုင်းဘုတ်များကို ကားလမ်းဘေးတွင် စိုက်ထူထားပါသည်။ သင်သည် ကားရပ်နားစခန်းများတွင် ရပ်နားခ ပေးရပါသည်။ အကယ်၍ သင့်တွင် ကားရှိပါက သင်သည် ကားမောင်းနှင်မှု ပြုလုပ်တိုင်း ယာဉ်မောင်းလိုင်စင်နှင့် ယာဉ်မှတ်ပုံတင် စာရွက်စာတမ်းများကို အမြဲတမ်း ယူဆောင်သွားပါ။ ယာဉ်ထိန်းရဲစစ်ဆေးပါက ၎င်းတို့ကို ပြသရမည်ဖြစ်သည်။

ခရီးထွက်ခြင်း

အသင်သည် ဂျာမနီရှိ တခြားမြို့များ (သို့) နိုင်ငံခြားသို့ ခရီးသွားလိုပါသလား။ ဘတ်စ်ကား၊ ရထား၊ လေယာဥ်တို့ဖြင့် သွားနိုင်ပါသည်။ မြို့အများစုတွင် ကားဂိတ်များသည် ဘူတာကြီးနားတွင် ရှိပါသည်။ ခရီးရှည်များအတွက် အဝေးပြေးကားများ ရှိပါသည်။ ကားကုမ္ပဏီများစွာရှိပြီး ၎င်းတို့သည် ဂျာမနီရှိမြို့များသာမာ အခြားသော ဥရောပနိုင်ငံများသို့လည်း ကားပြေးဆွဲပါသည်။ စောစောဘိုကင်လုပ်ပါက လက်မှတ်များ စျေးနှုန်းချိုသာစွာဖြင့် ရရှိနိုင်ပါသည်။ အဝေးပြေးကားများသည် သက်တောင့်သက်သာရှိပြီး များသောအားဖြင့် အင်တာနက် wifi လည်းပါပါသည်။ ကားများ၏ ခရီးစဥ်ပြေးဆွဲမှု အချိန်ဇယားများကို www.fernbusse.de ဝက်ဆိုက်ဒ်တွင် ဝင်ရောက် ကြည့်ရှုနိုင်ပါသည်။
 
ရထားဖြင့် သွားလိုပါက သုံးစွဲသူများသည် များသောအားဖြင့် Deutschen Bahn (DB) ဖြင့်သွားကြပါသည်။ ကြိုတင် ဘိုကင်လုပ်ပါက လက်မှတ်များ စျေးနှုန်း ချိုသာစွာဖြင့် ရရှိမည်ဖြစ်ပါသည်။ လေယာဥ်ဖြင့်သွားလျှင်လည်း ထိုနည်းအတိုင်းပင် ဖြစ်ပါသည်။ ဂျာမနီနိုင်ငံ တောင်းပိုင်းတွင်ရှိသော Nordsee နှင့် Ostsee ပင်လယ်များရှိ ကျွန်းများသို့ သွားလိုပါက သင်္ဘောကြီးများလည်း ရှိပါသည်။
Ansicht auf ein Bahnhofsgebäude, oben ist ein abgeschnittenes Deutsche Bahn-Logo zu sehen, außerdem Wegweiser zu den Gleisen. © Goethe-Institut

သက္ဆိုင္ရာလင့္ခ္မ်ား

အမေးများသော မေးခွန်းများ

အခြားမေးလိုသည်များရှိပါသေးသလား။ ဤသို့ဆိုလျှင် “ဆက်သွယ်ရန်ဖောင်“ကို ဖြည့်၍ ကျွန်ုပ်တို့ထံသို့ ရေးသား အကြာင်းကြားနိုင်ပါသည်။ ကျွန်ုပ်တို့သည် အသင်၏ အမည်ကို မဖော်ပြဘဲ အသင်၏ဖောင်ကို အကြံပေးပုဂ္ဂိုလ်များနှင့် နိုင်ငံရွှေ့ပြောင်းလာသောလူငယ်များအတွက် အကြံပေးဝန်ဆောင်မှုများဌာနသို့ ဆက်လက် လွှဲပြောင်းပေးသွားမည် ဖြစ်ပါသည်။

“ဆက်သွယ်ရန်ဖောင်“ဆီသို့