Ein Bräutigam steckt seiner Braut den Ehering an den Finger. © Goethe-Institut

စာရွက်စာတမ်းများ

နိုင်ငံအများစုတွင် လူတို့သည် လက်ထပ်ရာတွင် ရုံးတက် လက်မှတ်ထိုးကြသည်။ ဤသည်မှာ အများအသိမှတ်ပြုသော တရားဝင် လက်ထပ်ခြင်းဖြစ်သည်။ ဂျာမနီတွင်လည်း ဤကဲ့သို့ပင်ဖြစ်သည်။ အသင်သည် ခရစ်ယာန်ဘုရားကျောင်းတွင်လည်း လက်ထပ်နိုင်ပါသည်။ ရုံးတွင်လက်ထပ်ပြီးနောက် ဘုရားကျောင်းတွင် လက်ထပ်လေ့ရှိကြသည်။

အသင်သည် ဂျာမနီတွင် လက်ထပ်လိုပါက ပထမဦးစွာ အသင့်ရပ်ကွက်ရှိ မှတ်ပုံတင်ရုံးတွင် စာရင်းသွင်းရပါမည်။ စာရင်းသွင်းရန်အတွက် စာရင်းသွင်းဖောင်၊ နိုင်ငံသားစိစစ်ရေးကတ်ပြား (သို့) နိုင်ငံကူးလက်မှတ်နှင့် မွေးစာရင်းတို့ လိုအပ်ပါသည်။ အကယ်၍ အသင့်တွင် ကလေးများရှိပါက ကလေးများနှင့် ပတ်သက်သည့် စာရွက်စာတမ်းများကိုပါ တင်ပြရပါမည်။ စာရွက်စာတမ်းများသည် ဂျာမန်လိုဖြစ်ရပါမည်။ ထို့ကြောင့် နိုထရီပြန်ထားပြီး မှန်ကန်ကြောင်း တရားသူကြီး လက်မှတ်ရေးထိုထားသည့် တရားဝင်ဖြစ်ရပါမည်။

၂၀၁၇ ခုနှစ် အောက်တိုဘာလ (၁) ရက်နေ့မှစတင်၍ ဂျာမနီတွင် လိင်တူသူများလည်း အခြားသူများကဲ့သို့ အခွင့်အရေးတူညီစွာ လက်ထပ်နိုင်ပါသည်။ ၎င်းတို့သည် သတ်မှတ်ထားသော တောင်းဆိုချက်များနှင့် ကိုက်ညီပါက အခြားသော လိင်မတူသည့် ဇနီးမောင်နှံများကဲ့သို့ ကလေးများလည်း အမွေစားအမွေခံ မွေးစားနိုင်ပါသည်။

Es sind zwei Bräute zu sehen, die die gleichgeschlechtliche Ehe eingehen. © Goethe-Institut

လက်ထပ်ပြီးနောက် ရုံးမှ လက်ထပ်စာချုပ် ရရှိပါမည်။ အကယ်၍ အသင်ဆန္ဒရှိပါက အသင့်မိသားစုစာရင်း၊ တနည်းအားဖြင့် သန်းခေါင်စာရင်းကိုလည်း ထုတ်ယူနိုင်ပါသည်။

အကယ်၍ အသင်သည် အသင့်နိုင်ငံတွင် လက်ထပ်ခဲ့ပြီး ဖြစ်ပါက လက်ထပ်စာချုပ် ရရှိပြီးပြီ ဖြစ်ပါလိမ့်မည်။ ထိုလက်ထပ်စာချုပ်ကို ဂျာမနီတွင် အသိအမှတ်ပြုရန်အတွက် ရုံးတွင် ဆောင်ရွက်နိုင်ပါသည်။

မင်္ဂလာဆောင်ခြင်း

လူအများစုသည် လက်ထပ်ပွဲအတွက် မင်္ဂလာဧည့်ခံပွဲကြီးတစ်ပွဲ ကျင်းပလေ့ရှိကြသည်။ သတို့သမီးသည် မင်္ဂလာဆောင်ဝတ်စုံအဖြူကို ဝတ်ဆင်လေ့ရှိကြသည်။ များစွာသော ဇနီးမောင်နှံများသည် လက်ထပ်လက်စွပ်များ ဝယ်ယူကြသည်။ မင်္ဂလာဧည့်ခံပွဲတွင် သတို့သားဖြစ်သူက သတို့သမီးထံမှ လက်စွပ် လက်ခံရယူပြီး သတို့သမီးဖြစ်သူကလည်း သတို့သားထံမှ လက်ထပ်လက်စွပ် လက်ခံရယူသည်။

သင်သည် “နိုင်ငံတကာ ထိမ်းမြားလက်ထပ်ခြင်း” (“International marriage”)ခေါင်းစဉ်နှင့် ပတ်သက်သည့် အသေးစိတ် အချက်အလက်များကို ဖက်ဒရယ် နိုင်ငံခြားရုံး၏ ဝက်ဘ်ဆိုက်ဒ်များတွင် ကြည့်ရှုနိုင်သည်။

“အိမ်ထောင်ဖက်များ လိုက်ပါလာခြင်း” (“Subsequent entry of spouses”) – တစ်နည်းဆိုရသော် ဂျာမနီတွင်နေသော အသင်၏ ခင်ပွန်း သို့မဟုတ် ဇနီးသည်ဆီသို့ လိုက်သွားလိုပါက အသေးစိတ် အချက်အလက်များကို BAMF ဝက်ဘ်ဆိုက်ဒ် „Welcome to Germany“ တွင် ကြည့်ရှုနိုင်ပါသည်။
BAMF: Broschüre „Willkommen in Deutschland“: Informationen zum Ehegattennachzug


Ein weiß geschmückter Saal mit Hochzeitsdeko ist zu sehen. © Goethe-Institut

ကွာရှင်းပြတ်စဲခြင်း

ဇနီးမောင်နှံတို့သည် အကြောင်းအမျိုးမျိုးကြောင့် ကွာရှင်း ပြတ်စဲကြသည်။ အကယ်၍ အသင့်တွင် ကလေးများရှိပါက ကလေးများကို တာဝန်ယူမှုနှင့် သက်ဆိုင်နေသောကြောင့် အကောင်းဆုံး မည်သို့ လုပ်ဆောင်သင့်သည်ကို အကြံပေးမှု ရယူသင့်ပါသည်။ အကြံပေးသော နေရာများတွင် ဥပဒေရေးရာ မေးခွန်းများကိုလည်း မေးမြန်းနိုင်ပါသည်။

အမေးများသောမေးခွန်းများ