Nahaufnahme auf einen Tisch im Freien mit einem Getränk darauf. Man sieht einen Arm einer Person, die ein Smartphone bedient. © Goethe-Institut
Shpeshherë në Gjermani kanë probleme personat, të cilët dëshirojnë të telefonojnë me SIM-kartën nga vendi i tyre. Pasi që shumica e kartave nuk funksionojnë në Gjermani dhe kushton shumë para të telefonosh me SIM-kartë të një vendi të huaj.
 
Në Gjermani ekzistojnë më tepër mundësi për të telefonuar. Këtu keni një listë me informata mbi ofertuesit e ndryshëm:
Handytarife.de: Mobilfunkanbieter Übersicht
 

Kontratë për telefon celular

Një nga mundësitë është, për shembull kontrata për telefon celular. Për atë duhet të keni një llogari në një banbkë gjermane dhe letërnjoftimin. Ofertuesit kontrollojnë, vallë klienti e ka mundësinë për të paguar. Kujdes: Mos nënshkruani kontratë, të cilën nuk e kuptoni, por kërkoni ndihmë për ta përkthyer. Një kontratë për celular zakonisht ka një afat prej një deri në dy vjet. Prishja e parakohshme e kontratës në të shumtën e rasteve nuk është e mundur. Fatura paguhet zakonisht në fund të muajit për kohën deri sa vlen kontrata. Kujdes! Ju dëshironi ta ndërroni kontratën pas mbarimit të afatit? Në atë rast me kohë duhet ta lajmëroni ndërprerjen e kontratës ekzistuese. Kjo zakonisht duhet të bëhet tre muaj para mbarimit të afatit të kontratës. Përndryshe, mund të ndodhë që automatikisht të vazhdohet kontrata për një apo dy vjet. 

Ein Mann lehnt an einem Laternenpfahl und telefoniert mit seinem Handy. © Goethe-Institut

Prepaid-SIM-kartë

Një mundësi tjetër është SIM-karta me parapagesë. Këto karta shpeshherë mund të blihen shumë lirë në pika të karburantit ose kiosqe. Për atë duhet të nënshkruhet kontratë. Kur e aktivizon duhet të dëshmosh emrin, adresën dhe datën e lindjes. Për ta bërë këtë, duhet të tregoni pasaportën tuaj, kartën e identitetit ose ndonjë tjetër ID zyrtare të fotografisë në dyqan. Ndonjëherë keni nevojë për leje qëndrimi.

Ju e keni blerë SIM-kartën me parapagesë drejtpërdrejtë nga operatori i telefonisë mobile në dyqan? Atëherë, mundeni drejtpërdrejtë në dyqan ta aktivizoni. Për këtë do t’Ju ndihmojnë. Ju e keni blerë SIM-kartën me parapagesë, për shembull në një supermarket? Atëherë identitetin Tuaj mund ta provoni nëpërmjet metodës video-ident, me ndhmën e telefonit Tuaj të mençur, tabletit Tuaj ose të një web-kamere në kompjuter.
 
Tanimë që e keni aktivizuar SIM-kartën me parapagesë, atë duhet ta rimbushni. Kredia harxhohet kur telefononi, shkruani SMS dhe kur surfoni në internet. Për ta rimbushur kartën duhet të bleni kartë për rimbushje. Kartat e tilla mund të blihen në të njëjtat dyqane ku shiten SIM-kartat, për shembull në supermarkete, pika të karburantit apo kiosqe. Në kartat e kredisë për mbushje është një numër i gjatë. Këtë numër duhet ta shënoni në celular për ta ngarkuar atë.

Ju dëshironi të telefononi nga Gjermani në shtetet tjera? Atëherë, edhe për telefonatat e shkurta duhet të paguani një taksë për ndërmjetësim prej 15 centësh. Jashtëzakonisht të shtrenjta janë telefonatat për në Siri, Eritrea apo në shtetet e Ballkanit. Listën e operatorëve të ndryshëm me tarifat për jashtë shtetit mund ta merrni këtu:

Billiger telefonieren.de: International call rates

Ndonjëherë në mënyrë plotësuese mund të blihen tarifa të caktuara, me qëllim që të mund të telefononi një numër të caktuar minutash jashtë shtetit.

In einem Geschäft hängen viele verschiedene SIM-Karten von verschiedenen Anbietern auf einer Verkaufsstange. © Goethe-Institut

Të dhënat mobile

Me telefon të mençur mund të surfoni edhe në internet, në rast se keni SIM-kartë me parapagesë. Me këtë rast mbushja mund të harxhohet shpejtë. Prandaj është më e leverdishme të bleni tarifa të caktuara për shfrytëzimin e internetit. Atëherë, për shembull për një shumë të caktuar mund të shfrytëzoni disa ditë internetin mobil ose mund të bleni një sasi të caktuar të shërbimit të internetit.

Ein Mann sitzt vor einem Café und nutzt sein Smartphone. © Goethe-Institut

WLAN

Në rast se dëshironi të përdorni internetin pa pagesë, mund të përdorni rrjetet WLAN. Në kafe, biblioteka ose objeke të tjera publike ka palas WLAN. Dëshironi të kërkoni rrjete të WLAN-it në afërsinë Tuaj? Atëherë Ju ndihmon uebfaqja „Hotsplots“, të gjeni qasje falas në internet, që është në afërsinë Tuaj.

Public WLAN networks in Germany