အနုပညာလက်ရာများအတွက် လျှောက်လွှာခေါ်ယူခြင်း 
 Myanmar Ocean Project နဲ့ Goethe-Institut Myanmar တို့ပူးပေါင်းပြီး လူသားများနဲ့ ပင်လယ်သမုဒ္ဒရာတွေရဲ့ နက်ရှိုင်းတဲ့ပတ်သက်ဆက်နွယ်မှုတွေကို ဆန်းသစ်သောရှုထောင့်မျိုးစုံကဖန်တီးဖို့အတွက် နိုင်ငံတဝှမ်းက လူငယ်များကို ဖိတ်ခေါ်လိုက်ပါသည်။ 
ယခုလျှောက်လွှာခေါ်ယူရသော ရည်ရွယ်ချက်မှာ မြန်မာ့ကမ်းရိုးတန်းဒေသများမှဘဝများအပေါ် သမုဒ္ဒရာတွေက အလှတရားတွေနဲ့ဖြစ်စေ၊ အခြားအဖိုးတန်သဘာဝတရားများနဲ့ဖြစ်စေ မည်ကဲ့သို့ ဆက်နွယ်ထင်ဟပ်စေခြင်းများကို ပြသရန်အတွက် "Our Ocean, Our Life" ဆိုသောခေါင်းစဉ်အောက်မှာ လျှောက်လွှာတွေပေးပို့ရမှာဖြစ်ပါသည်။ ဖန်တီးလိုက်သည့် လက်ရာတွေထဲမှာ သမုဒ္ဒရာနဲ့ ကမ်းရိုးတန်းဒေသ‌တွေနဲ့ပတ်သက်ပြီး စိုးရိမ်မှု၊ မျှော်လင့်ချက်၊ အိပ်မက်စတဲ့ အရာများကို ချပြခွင့်ရမှာဖြစ်ပါသည်။ 

"Wonder: Sustaining What Sustains Us" ဆိုတဲ့ ဆောင်ပုဒ်နဲ့အညီ ကမ္ဘာ့ကုလသမဂ္ဂမှ ယခုနှစ် ၂၀၂၅အတွက် ကမ္ဘာ့သမုဒ္ဒရာများနေ့ကိုကျင်းပသွားမှာဖြစ်ပါသည်။ အဲ့ဆောင်ပုဒ်တွင် ဖော်ပြထားသည့်အတိုင်း သမုဒ္ဒရာတွေက အစားအစာတွေအပြင် ကမ်းရိုးတန်းဒေသမှာရှိသော ပတ်ဝန်းကျင်အတွက် အောက်စီဂျင်ကိုလည်းပေးသောကြောင့် ရာသီဥတုကိုလည်းမျှတနိုင်စေပါသည်။ ယင်းကဲ့သို့ရေရှည်အကျိုးပြုမှုများကို မြတ်နိုးပြီး ကာကွယ်စေနိုင်ဖို့အတွက် ယခုလို ဆောင်ပုဒ်နဲ့ အစီအစဉ်တွေပြုလုပ်ပြီး ကျင်းပကြပါသည်။ 

ရန်ကုန်အခြေစိုက် ကနေဒါ၊ ပြင်သစ်၊ ဂျာမနီ၊ အီတလီ၊ ဂျပန်၊ ကိုရီးယား၊ ဗြိတိန် နှင့် အမေရိကန်နိုင်ငံတို့ကို ကိုယ်စားပြုသည့် သံရုံးနှင့် ယဉ်ကျေးမှုဌာန ရှစ်ခုတို့ သည် နိုင်ငံတကာ ယဉ်ကျေးမှုနှင့် ပူးပေါင်းဆောင်ရွက်မှုများကို တင်ဆက်မည့် “Cultural Connections“ အမည်ရ Open House အစီအစဉ်များကို မေလအတွင်း အစဉ်လိုက်ပြုလုပ်သွားရန် ရှိပါသည်။
 
အစီအစဉ်တွင် အများပြည်သူပါဝင်တက်ရောက်နိုင်မည့် အနုပညာနှင့် ဓာတ်ပုံပြပွဲများ၊ ဂီတတင်ဆက်မှုအစီအစဉ်များ၊ ဘာသာစကားအစီအစဉ်များ နှင့် အခြားသော မတူညီသည့် ယဉ်ကျေးမှုနှင့် အနုပညာဆိုင်ရာ အစီအစဉ်များကို အသီးသီးတင်ဆက်သွားကြမှာဖြစ်ပါတယ်။
 
Goethe-Institut မြန်မာ မှလည်း ယခု ပူးပေါင်းမှုတွင် ပါဝင်သည့်အနေဖြင့် မေလ ၂၄ ရက်နေ့တွင် Open House အစီအစဉ်ကို ပြုလုပ်သွားမှာဖြစ်ပါတယ်။ Goethe-Institut မြန်မာ၏ ဌာနများဖြစ်သော ဘာသာစကားဌာန၊ စာကြည့်တိုက်နှင့်သတင်းအချက်အလက်ဌာန၊ ယဉ်ကျေးမှုဌာန အစရှိသည်တို့မှ ညနေခင်း ဂီတအစီအစဉ်အပါအဝင် အစီအစဉ်ပေါင်းများစွာကို တစ်နေ့တာလုံး စီစဉ်တင်ဆက်သွားမည်ဖြစ်ပါသည်။
 
အစီအစဉ်အသေးစိတ်များကို ကျွန်ုပ်တို့၏ အင်တာနက်စာမျက်နှာများတွင် ထပ်မံတင်ပြပေးသွားမည်ဖြစ်သည့်အတွက် ယခုကဲ့သို့ ထူးခြားသည့် ယဉ်ကျေးမှု နှီးနှောဖလှယ်သည့်အစီအစဉ်မှာ ပါဝင်နိုင်ကြရန် ဖိတ်ကြားလိုက်ရပါသည်။

မြန်မာ့လူမှုဝန်းကျင်နှင့် ပတ်သက်ဆက်နွယ် ထင်ဟပ် လျက်ရှိသော အနုပညာလက်ရာများကို အကောင်အထည်ဖော်နိုင်စေရန် Goethe-Institut Myanmar မှဖိတ်ခေါ်ပါသည်။ ယခု စီမံကိန်းကို အနုပညာနဲ့ ယဥ်ကျေးမှုဆိုင်ရာ နယ်ပယ်အသီးသီးမှ အနုပညာရှင်၊ အတတ်ပညာရှင်များ မည်သူမဆို ဝင်‌ရောက်လျှောက်ထားနိုင်ပါသည်။

လက်ရှိအခြေနေများအရ မြန်မာ့လူမှုအသိုင်းအ၀ိုင်းတွင် ပေါ်ပေါက်လာသော မြေပြင် အခက်အခဲများ၊ပြောင်းလဲဖြစ်ပေါ်နေမှုများကို မတူညီသောရှုထောင့်အမျိုးမျိုးမှ ထင်ဟပ်၊ မှတ်တမ်းတင်သည့် အနုပညာဖန်တီးမှုများကို အထောက်အကူပြုနိုင်စေရန် ယခု စီမံကိန်းက ရည်ရွယ်ပါသည်။

စီမံကိန်းတွင် ကြိုက်နှစ်သက်ရာ မည်သည့်ကြားခံနယ်ကိုမဆို အသုံးပြုခွင့်ရှိပြီး ရွေးချယ်ခံရသော သူများက ၄င်းတို့ အနုပညာလက်ရာကိုဖန်တီးနိုင်စေရန်အတွက် Goethe-Institut Myanmar မှ ရန်ပုံငွေတစ်ရပ်ကိုရရှိမှာဖြစ်ပါသည်။

မမျှော်လင့်ဘဲ ဖြစ်ပေါ်လာသော အခြေအနေများကြောင့် Academy of Care (AoC) အစီအစဉ်ကို နောက်ထပ်အသိပေးခြင်းမရရှိမှီအထိ ယာယီရပ်ဆိုင်းထားရပါကြောင်း အသိပေးလိုပါတယ်။
သို့သော် ရွေးချယ်ပြီးသား သင်တန်းသားများနှင့်အတူ မူရင်းအစီအစဉ်အတိုင်း ယခုနှစ်အတွင်း ဆက်လက်ပြုလုပ်သွားမှာဖြစ်ပါတယ်။
အသစ်ပြင်ဆင်သတ်မှတ်မည့် အချိန်ဇယား ကိုလည်း  အသိပေးသွားပါမှာဖြစ်ပါတယ်။
 

လာမယ့် စနေနေ့ Goethe-Institut မှာ ပြုလုပ်သွားမယ့် Myanmar Photo Archive ရဲ့ ဓာတ်ပုံများအား Digital ပြောင်းပေးခြင်း အစီအစဉ်ကိုလာခဲ့ပါဦးနော်။

အမှတ်တရလေးတွေကို ထာဝစဉ် မပျောက်ပျက်သွားအောင် ထိန်းသိမ်းပေးပါ့မယ်!

Digital ပြောင်းပြီး ဖိုင်များကို ပြောင်းပြီးသည်နှင့် ပြန်လည်ပေးမှာဖြစ်ပါတယ်။ ဒါဟာ Goethe-Institut နှင့် Myanmar Photo Archive တို့ရဲ့  ဒေသတွင်း ဓာတ်ပုံသမိုင်းကြောင်းများကို မပျောက်မပျက်အောင် အတူတကွထိန်းသိမ်းခြင်းအစီအစဥ်၏ လွတ်လပ်တဲ့ အစိတ်အပိုင်းတစ်ခုဖြစ်ပါတယ်။

Goethe-Institut မြန်မာတွင် ဂျာမန်စကားကိုစနစ်တကျစတင်သင်ယူပါ။ ကျွန်ုပ်တို့၏ဂျာမန်ဘာသာစကားသင်တန်းများကို  ဥရောပဘာသာစကားဆိုင်ရာစံချိန်စံနှုန်းမူဘောင် (GER) နှင့်အညီ အဆင့် (၆)ဆင့်အပေါ်တွင်အခြေခံထားပါသည်။ ထို့ကြောင့် ကျွန်ုပ်တို့၏သင်တန်းများသည် နိုင်ငံတကာစံချိန်စံနှုန်းနှင့်တိုင်းတာနှိုင်းယှဥ်နိုင်ပါသည်။ Goethe-Institut မြန်မာက မေလ အတွက် (Online , In-person) ဂျာမန်ဘာသာစကားသင်တန်းများဖွင့်လှစ်လျက်ရှိပါသည်။ သင်တန်းများကို အချိန်မရွေး နေရာမရွေး အွန်လိုင်းမှ စာရင်းသွင်းခြင်း ပြုလုပ်နိုင်ပါပြီ။ စုံစမ်းမေးမြန်းလိုသည်များရှိပါက info.language.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။

သင့်ရဲ့ဂျာမန်ဘာသာစကားအရည်အသွေးကိုသက်သေပြရန် ကမ္ဘာတဝှမ်းကအသိအမှတ်ပြုသောအောင်လက်မှတ်တစ်ခုလိုအပ်နေပါသလား။?

Goethe-Institut ၏ဘာသာစကားအောင်လက်မှတ်သည် ဂျာမန်ဘာသာစကားစွမ်းရည်ကိုမှတ်ကျောက်တင်ရန် ကမ္ဘာတဝှမ်းကအသိမှတ်ပြုသည့်အောင်လက်မှတ်ဖြစ်ပါသည်။ Goethe-Institut မြန်မာက မေလ အတွက် Goethe-Zertifikat စာမေးပွဲများကိုကျင်းပမည်ဖြစ်ပါသည်။  စာမေးပွဲများကို အချိန်မရွေး နေရာမရွေး အွန်လိုင်းမှ စာရင်းသွင်းခြင်း ပြုလုပ်နိုင်ပါပြီ။ စုံစမ်းမေးမြန်းလိုသည်များရှိပါက info.exam.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။

ကျောင်းသားနှင့် ဘွဲ့ရလူငယ်များအတွက် ကျွန်ုပ်တို့ Goethe-Institut Myanmar ရဲ့ စိတ်လှုပ်ရှားစရာ အလုပ်သင်အခွင့်အရေးတစ်ခုကို သတင်းကောင်းပေးလိုပါတယ်။

EMPM Virtual Mobility Platform မှတစ်ဆင့် Goethe-Institut Myanmar စာကြည့်တိုက်နှင့် ဆက်သွယ်ရေးဌာနများတွင် အလှည့်ကျအဖြစ် ၆ လတာလုပ်ကိုင်ရန် လူငယ်အလုပ်သင်ခေါ်ယူနေပါပြီ။

အလုပ်သင်အစီအစဥ်ကို ၂၀၂၅ ခုနှစ်၊ ဩဂုတ်လ ၁၁ ရက်နေ့တွင် စတင်မှာဖြစ်ပြီး ရုံးချိန်အပြည့်တက်ရောက်ရမှာဖြစ်ပါတယ်။ အလုပ်သင်ကာလတစ်လျှောက် စာကြည့်တိုက်၀န်ဆောင်မှု၊ လူမှုဆက်သွယ်‌ပြောဆိုမှု၊ ပွဲအခမ်းအနားများစီစဥ်မှု၊ ဒီဂျစ်တယ်ကွန်းတန့်များ ဖန်တီးဝေမျှမှုတို့ကို မတူညီသောနေ့များတွင် ဌာနများအလိုက် အလှည့်ကျလက်တွေ့လုပ်ငန်းအတွေ့အကြုံများအဖြစ် လေ့လာသင်ယူခွင့်ရရှိမှာဖြစ်ပါတယ်။

ဤအလုပ်သင်အစီအစဥ်အကြောင်း ပိုမိုသိရှိလိုပါက -
EMPM Announcement: https://empm.education/goethe-institut-myanmar/
Career at Goethe-Institut Myanmar: https://www.goethe.de/ins/mm/en/ueb/kar/emp.html

လျှောက်လွှာတင်ရန် -
စိတ်၀င်စားသူများအနေဖြင့် မိမိ၏ ကိုယ်ရေးမှတ်တမ်း resume နှင့် cover letter တို့ကို ထောက်ခံစာတစ်စောင်နှင့် ပူးတွဲကာ "Dual Internship Application—Library & Communications" ခေါင်းစဥ်ဖြင့် hr-yangon@goethe.de  သို့  ၂၀၂၅ ခုနှစ်၊ မေလ ၂၆ ရက်နေ့ နောက်ဆုံးထားပြီး အီးမေးလ်ပေးပို့လျှောက်ထားနိုင်ပါတယ်။

မေလ ရဲ့ Boardgame Day မှာတော့ Verben-Bingo ဆိုတဲ့ဂိမ်းလေးကိုကစားကြမှာဖြစ်ပါတယ်။ ဒီဂိမ်းလေးက ဘာသာစကားလေ့လာရာမှာ အရေးကြီးတဲ့ ကြိယာအသုံးအနှုန်းလေးတွေကို သူငယ်ချင်းတွေနဲ့အတူ အပျင်းပြေဂိမ်းဆော့ရင်း လေ့လာလို့ရတဲ့ အကောင်းဆုံးဂိမ်းပဲဖြစ်ပါတယ်။ ဂျာမန်ကြိယာများကို လက်တွေ့အသုံးချတတ်ချင်တယ်၊ စိတ်လှုပ်ရှားရပြီး ပျော်စရာဂိမ်းလေးကို ဆော့ချင်တယ်ဆိုရင်တော့ သူငယ်ချင်းလေးတွေကို စာကြည့်တိုက်ကိုခေါ်လာလိုက်တော့နော်။

ဒီဂိမ်းလေးကို ကစားဖို့ A2 level သာ လိုအပ်တာမို့လို့ စိတ်ပါ၀င်စားသူများအနေဖြင့် biblio-yangon@goethe.de သို့အမည်၊ ဖုန်းနံပါတ်၊ မိမိရဲ့ ဂျာမန် levelကိုအီးမေးလ်ပေးပို့ပြီး စာရင်းပေးသွင်းနိုင်ပါတယ်။

ဂျာမန်ဘာသာစကား သင်ယူနေတဲ့သူတွေ စာဖတ်စွမ်းရည် တိုးတက်လာစေရန်နှင့် စကားလုံးဝေါဟာရများ ပိုကြွယ်၀လာစေရန် လစဥ်ကျင်းပပြုလုပ်တဲ့ “Reading Club/Leseclub’’ လေး ရောက်ရှိလို့လာပါပြီ။

စိတ်၀င်စားလို့ ပါ၀င်ချင်တယ်ဆိုရင်တော့ biblio-yangon@goethe.de သို့ အမည်၊ ဖုန်းနံပါတ်၊ မိမိရဲ့ ဂျာမန် levelကို အီးမေးလ်ပေးပို့ပြီး စာရင်းပေးသွင်းနိုင်ပါတယ်။

လစဥ်ကျင်းပနေကြဖြစ်တဲ့ "Learning Advisory" Programလို့ ခေါ်တဲ့ "Lernberatung အစီအစဉ်လေးမှာ (လူကိုယ်တိုင်ဖြစ်ဖြစ်၊ အွန်လိုင်းကနေဖြစ်ဖြစ်) ပါ၀င်ချင်တယ်ဆိုရင်တော့ biblio-yangon@goethe.de သို့အမည်၊ဖုန်းနံပါတ်၊ မိမိရဲ့ ဂျာမန် level၊ မိမိမေးလိုသည့် အကြောင်းအရာ နှင့် မိမိတက်ရောက်လိုသည့်ရက်တို့ကိုအီးမေးလ်ပေးပို့ပြီး အခုပဲ စာရင်းပေးလိုက်တော့နော်။

ပိုမိုလေ့လာရန် (လူကိုယ်တိုင်အစီအစဉ်)
​​​​​​​ပိုမိုလေ့လာရန် (အွန်လိုင်းအစီအစဉ်)

Annika Büsing, Nina Bußmann, Christoph Hein, Marc-Uwe Kling, Isabelle Lehn, Katja Petrowskaja und Marion Poschmann တို့ရဲ့ လက်ရာများအပါအ၀င် အခြားသောမီဒီယာအသစ်များ ကျွန်ုပ်တို့ရဲ့ ဂျာမန်အွန်လိုင်းစာကြည့်တိုက် “ONLEIHE” တွင် ရောက်ရှိနေပြီ ဖြစ်ကြောင်း သတင်းကောင်းလေး ပေးချင်ပါတယ်။ အခုပဲ ကျွန်ုပ်တို့ရဲ့ “ONLEIHE” မှာ အခမဲ့ငှားရမ်းဖတ်ရှုလိုက်ပါ။