Goethe-Institut Myanmar

Academy of Care Cohort 4 သင်တန်းအစီအစဉ်ကို ဇူလိုင်လ ၂၉ ရက် ၂၀၂၅ မှာ တရားဝင်စတင်တော့မှာဖြစ်ပါတယ်။

သင်တန်းကာလ နှစ်လခွဲကြာမြင့်မှာဖြစ်ပြီး မြန်မာနိုင်ငံအတွင်း လူထုအခြေပြု စိတ်ကျန်းမာရေးထောက်ပံ့မှုတွေကို ဖန်တီးမှုကုထုံးတွေကိုအခြေခံတဲ့ နည်းလမ်းတွေနဲ့ ပိုမိုတိုးတက်အောင် ဆောင်ရွက်နိုင်ဖို့အတွက် သင်ကြားပေးဖို့ ရည်ရွယ်ထားပါတယ်။ သင်တန်းအတွင်းမှာ စိတ်ရောဂါ၊ စိတ်ပညာနဲ့ စိတ်ကျန်းမာရေးဆိုင်ရာ အခြေခံအကြောင်းအရာတွေကို သီအိုရီနဲ့အတူ လက်တွေ့အတွေ့အကြုံတွေနဲ့ပေါင်းစပ်ပြီး လေ့လာသွားမှာဖြစ်ပါတယ်။

Arts and Healing Exchange ကို ဇွန်လ ၁၄ ရက်နေ့မှာ Goethe-Institut Myanmar မှာ ကျင်းပခဲ့ပါတယ်။ အနုပညာက စိတ်နဲ့ကိုယ်ကို ကုစားနိုင်တယ်ဆိုတဲ့ ယုံကြည်ချက်ကို အခြေခံပြီး၊ ဒီပွဲကို အနုပညာရှင်တွေ၊ ဆရာဝန်တွေ၊ စိတ်ကျန်းမာရေးပညာရှင်တွေနှင့် အနုပညာကုထုံးကို စိတ်ပါဝင်စားသူတွေ တက်ရောက်ခဲ့ကြပါတယ်။ ဒီပွဲကို Global South Arts and Health Initiative နဲ့ Goethe-Institut Myanmar တို့ ပူးပေါင်းစီစဉ်တာ ဖြစ်ပါတယ်။
ပန်းချီအနုပညာနဲ့ ဖန်တီးမှု workshop၊ ဆွေးနွေးပွဲ၊ အတွေ့အကြုံမျှဝေမှုတို့အပြင် လူမှုကွန်ယက်အသစ်တွေ ဖန်တီးနိုင်တဲ့အခွင့်အလမ်းတွေပါဝင်ခဲ့ပါတယ်။ တက်ရောက်သူများက အနုပညာဖန်တီးရင်းနဲ့ စိတ်ဖိစီးမှုတွေ သက်သာလာတယ်၊ ကိုယ့်စိတ်ခံစားချက်တွေကို ပိုမိုနားလည်လာတယ် ဆိုပြီး ဝေမျှခဲ့ကြပါတယ်။
ဒီပွဲကတော့ အနုပညာနဲ့ကုစားမှုတွေကို ပိုမိုချိတ်ဆက်နိုင်ဖို့ အရေးကြီးကြောင်းကို ထောက်ပြပေးနိုင်ခဲ့တဲ့ အစကောင်းတစ်ခုဖြစ်ခဲ့ပါတယ်။ 

လာမယ့် စနေနေ့ Goethe-Institut မှာ ပြုလုပ်သွားမယ့် Myanmar Photo Archive ရဲ့ ဓာတ်ပုံများအား Digital ပြောင်းပေးခြင်း အစီအစဉ်ကိုလာခဲ့ပါဦးနော်။

အမှတ်တရလေးတွေကို ထာဝစဉ် မပျောက်ပျက်သွားအောင် ထိန်းသိမ်းပေးပါ့မယ်!

Digital ပြောင်းပြီး ဖိုင်များကို ပြောင်းပြီးသည်နှင့် ပြန်လည်ပေးမှာဖြစ်ပါတယ်။ ဒါဟာ Goethe-Institut နှင့် Myanmar Photo Archive တို့ရဲ့  ဒေသတွင်း ဓာတ်ပုံသမိုင်းကြောင်းများကို မပျောက်မပျက်အောင် အတူတကွထိန်းသိမ်းခြင်းအစီအစဥ်၏ လွတ်လပ်တဲ့ အစိတ်အပိုင်းတစ်ခုဖြစ်ပါတယ်။

Goethe-Institut မြန်မာတွင် ဂျာမန်စကားကိုစနစ်တကျစတင်သင်ယူပါ။ ကျွန်ုပ်တို့၏ဂျာမန်ဘာသာစကားသင်တန်းများကို  ဥရောပဘာသာစကားဆိုင်ရာစံချိန်စံနှုန်းမူဘောင် (GER) နှင့်အညီ အဆင့် (၆)ဆင့်အပေါ်တွင်အခြေခံထားပါသည်။ ထို့ကြောင့် ကျွန်ုပ်တို့၏သင်တန်းများသည် နိုင်ငံတကာစံချိန်စံနှုန်းနှင့်တိုင်းတာနှိုင်းယှဥ်နိုင်ပါသည်။ Goethe-Institut မြန်မာက ဇူလိုင်လ အတွက် (Online , In-person, Hybrid) ဂျာမန်ဘာသာစကားသင်တန်းများဖွင့်လှစ်လျက်ရှိပါသည်။သင်တန်းများကို အချိန်မရွေး နေရာမရွေး အွန်လိုင်းမှ စာရင်းသွင်းခြင်း ပြုလုပ်နိုင်ပါပြီ။ စုံစမ်းမေးမြန်းလိုသည်များရှိပါက   info.language.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။

သင့်ရဲ့ဂျာမန်ဘာသာစကားအရည်အသွေးကိုသက်သေပြရန် ကမ္ဘာတဝှမ်းကအသိအမှတ်ပြုသောအောင်လက်မှတ်တစ်ခုလိုအပ်နေပါသလား။?

Goethe-Institut ၏ဘာသာစကားအောင်လက်မှတ်သည် ဂျာမန်ဘာသာစကားစွမ်းရည်ကိုမှတ်ကျောက်တင်ရန် ကမ္ဘာတဝှမ်းကအသိမှတ်ပြုသည့်အောင်လက်မှတ်ဖြစ်ပါသည်။ Goethe-Institut မြန်မာက ဇူလိုင်လ အတွက် Goethe-Zertifikat စာမေးပွဲများကို ကျင်းပမည်ဖြစ်ပါသည်။ စာမေးပွဲများကို အချိန်မရွေး၊ နေရာမရွေး အွန်လိုင်းမှ စာရင်းသွင်းခြင်း ပြုလုပ်နိုင်ပါပြီ။ 
စုံစမ်းမေးမြန်းလိုသည်များရှိပါက info.exam.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။

စာကြည့်တိုက်ရှိ ကလေးနှင့်လူငယ်အစီအစဥ်မှ အသစ်အဆန်းလေးများကို ဖန်တီးချင်သော အသက် ၇ နှစ်မှ ၁၂ နှစ်အရွယ် သားသားမီးမီးလေးတွေကို ဖိတ်ခေါ်ပါရစေ။ 

ယခုပြုလုပ်မယ့်ပွဲလေးကတော့ ကလေးများ စိတ်ပျော်ရွှင်စွာ ပါဝင်နိုင်ပြီး သူတို့လေးတွေရဲ့ အနုပညာလက်ရာတွေကို  သစ်ရွက်တွေ ပန်းပွင့်လေးတွေရဲ့ သဘာဝအရောင်တွေ ကနေတစ်ဆင့် ဖော်ထုတ်နိုင်မှာပဲဖြစ်ပါတယ်။

ဇူလိုင်လမှာကျင်းပမယ့် Board Game Day မှာတော့ ဂျာမန်ဘာသာစကား A2 နှင့်အထက်ရှိသူတွေအတွက် "Lingua Ludica" လို့ခေါ်တဲ့ စိတ်၀င်စားရာဂိမ်းလေးနဲ့မိတ်ဆက်ပေးချင်ပါတယ်။
 

ဂျာမန်ဘာသာစကား သင်ယူနေတဲ့သူတွေ စာဖတ်စွမ်းရည် တိုးတက်လာစေရန်နှင့် စကားလုံးဝေါဟာရများ ပိုကြွယ်၀လာစေရန် လစဥ်ကျင်းပပြုလုပ်တဲ့ “Reading Club/Leseclub’’ လေး ရောက်ရှိလို့လာပါပြီ။

စိတ်၀င်စားလို့ ပါ၀င်ချင်တယ်ဆိုရင်တော့ biblio-yangon@goethe.de သို့ အမည်၊ ဖုန်းနံပါတ်၊ မိမိရဲ့ ဂျာမန် level ကို အီးမေးလ်ပေးပို့ပြီး စာရင်းပေးသွင်းနိုင်ပါတယ်။

လစဥ်ကျင်းပနေကြဖြစ်တဲ့ "Learning Advisory" Programလို့ ခေါ်တဲ့ "Lernberatung အစီအစဉ်လေးမှာ (လူကိုယ်တိုင်ဖြစ်ဖြစ်၊ အွန်လိုင်းကနေဖြစ်ဖြစ်) ပါ၀င်ချင်တယ်ဆိုရင်တော့ biblio-yangon@goethe.de သို့ အမည်၊ဖုန်းနံပါတ်၊ မိမိရဲ့ ဂျာမန် level၊ မိမိမေးလိုသည့် အကြောင်းအရာ နှင့် မိမိတက်ရောက်လိုသည့်ရက် တို့ကို အီးမေးလ်ပေးပို့ပြီး အခုပဲ စာရင်းပေးလိုက်တော့နော်။

ပိုမိုလေ့လာရန် (လူကိုယ်တိုင်အစီအစဉ်)
ပိုမိုလေ့လာရန် (အွန်လိုင်းအစီအစဉ်)

Doris Dörrie, Heike Geißler, Christian Kracht, Martin Mosebach, Ursula Poznanski, Christine Wunnicke und Takis Würger တို့ရဲ့ လက်ရာများအပါအ၀င် အခြားသောမီဒီယာအသစ်များ ကျွန်ုပ်တို့ရဲ့ ဂျာမန်အွန်လိုင်းစာကြည့်တိုက် “ONLEIHE” တွင် ရောက်ရှိနေပြီ ဖြစ်ကြောင်း သတင်းကောင်းလေး ပေးချင်ပါတယ်။ အခုပဲ ကျွန်ုပ်တို့ရဲ့ “ONLEIHE” မှာ အခမဲ့ငှားရမ်းဖတ်ရှုလိုက်ပါ။