Goethe-Institut Myanmar

ကိုယ်စိတ်နှစ်ဖြာ ကျန်းမာကြပါစေကြောင်းနှင့် နှစ်ဟောင်းမှ အခက်အခဲများကင်းစင်လွန်မြောက်ကာ အသစ်သော ရည်မှန်းချက်၊ မျှော်လင့်ချက်များနှင့်အတူ စိတ်ခွန်အားများ ရရှိပါစေကြောင်း Goethe-Institut Myanmar မှ ဆုတောင်းမေတ္တာပို့သအပ်ပါသည်။ အေးချမ်းသော မြန်မာ့နှစ်သစ်ကူးကာလဖြစ်ပါစေ။

မြန်မာ့ရိုးရာ အတာသင်္ကြန်ကာလအတွင်း ၂၀၂၆ ခုနှစ်၊ ဧပြီလ ၉ ရက်နေ့မှ ၂၂ ရက်နေ့ အထိ Goethe-Institut Myanmar ၏ ရုံးလုပ်ငန်းများ၊ စာကြည့်တိုက်၊ ဂျာမန်ဘာသာစကားသင်တန်းများနှင့် ယဥ်ကျေးမှုအစီအစဥ်များကို ခေတ္တရပ်နားထားမည် ဖြစ်ကြောင်း အသိပေးအပ်ပါသည်။

ရုံးပိတ်ရက်အတွင်း ပေးပို့လာသော စာများနှင့် ဖုန်းခေါ်ဆိုမှုများကို ရုံးပြန်လည်ဖွင့်လှစ်မည့် ဧပြီလ ၂၃ ရက်နေ့တွင် ပြန်လည်ဖြေကြားပေးသွားမည် ဖြစ်ပါသည်။ နားလည်ပေးမှုအတွက် ကျေးဇူးအထူးတင်ရှိပါသည်။

Academy of Care (AoC) သည် ၂၀၂၆–၂၀၂၉ လုပ်ငန်းကာလသစ် သို့ ဝင်ရောက်လာပြီဖြစ်ပြီး၊ ဥရောပသမဂ္ဂ (European Union) အထောက်အပံ့ဖြင့် Goethe-Institut Myanmar သည် မိတ်ဖက်အဖွဲ့အစည်းနှင့်အတူ AoC အဖွဲ့ကို တိုးချဲ့ဖွဲ့စည်းလျက်ရှိပါတယ်။ 

ဖေဖော်ဝါရီလတွင် စတင်ခဲ့သော ဝန်ထမ်းခေါ်ယူရေးလုပ်ငန်းစဉ်အပြီး၊ ယခုအချိန်တွင် ထပ်မံသော ရာထူးအခွင့်အလမ်းများအတွက် လျှောက်ထားမှုများကို ဖိတ်ခေါ် လိုက်ပါတယ်။။ ဤလုပ်ငန်းကာလအတွင်း အတွေ့အကြုံအဆင့်အမျိုးမျိုးနှင့် ကဏ္ဍအမျိုးမျိုးမှ ပညာရှင်များအတွက် အလုပ်အကိုင်အခွင့်အလမ်းများ ဆက်လက် ဖိတ်ခေါ်လျက်ရှိပါတယ်။

လက်ရှိတွင် Small AoC Coordinator ရာထူးအတွက် လျှောက်ထားမှုများကို ဖိတ်ခေါ်လျက်ရှိပါသည်။ အသေးစိတ်အချက်အလက်များအတွက် ကျွန်ုပ်တို့၏ ဝက်ဘ်ဆိုဒ်ရဲ့  Career (အလုပ်အကိုင်အခွင့်အလမ်း) တွင် ဝင်ရောက်ကြည့်ရှုနိုင်ပါသည်။

အသစ်ထပ်မံကြေညာမည့် အလုပ်အကိုင်အခွင့်အလမ်းများကို သိရှိနိုင်ရန် ကျွန်ုပ်တို့၏ လူမှုကွန်ယက်စာမျက်နှာများကိုဆက်လက် စောင့်ကြည့်ကြပါရန် ဖိတ်ခေါ်အပ်ပါတယ်။

ဇွန်လ ၈ ရက်နေ့တွင် ကျရောက်မည့် ကမ္ဘာ့သမုဒ္ဒရာများနေ့ (World Ocean Day) အထိမ်းအမှတ်အဖြစ် Goethe-Institut Myanmar နှင့် Myanmar Ocean Project တို့ ပူးပေါင်းပြီး အလုပ်ရုံဆွေးနွေးပွဲများ နှင့် အခြားသော အထိမ်းအမှတ်နေ့ အစီအစဉ်များကို ကျင်းပသွားမည်ဖြစ်ပါသည်။

မေလမှစတင်၍ ကျင်းပမည့် အဆိုပါအစီအစဉ်များသည် သမုဒ္ဒရာများ၏ အလှအပ၊ သယံဇာတများနှင့် ဂေဟစနစ်များကို ထိန်းသိမ်းကာကွယ်ရာတွင် လူငယ်များ ပိုမိုပါဝင်လာစေရန် ရည်ရွယ်ပါသည်။

အစီအစဉ်များနှင့် ပတ်သက်သည့် အသေးစိတ် အချက်အလက်များကို Goethe-Institut Myanmar ၏ လူမှုကွန်ရက် စာမျက်နှာများမှတစ်ဆင့် ဆက်လက် အသိပေးသွားမည်ဖြစ်ပါသည်။

မေလမှာ Goethe-Institut Myanmar မှ Term 3 အတွက် ဂျာမန်ဘာသာ သင်တန်းများကို ပြန်လည်ဖွင့်လှစ်သွားပါမည်။
 
Goethe-Institut မြန်မာတွင် ဂျာမန်စကားကိုစနစ်တကျစတင်သင်ယူပါ။ ကျွန်ုပ်တို့၏ဂျာမန်ဘာသာစကားသင်တန်းများကို  ဥရောပဘာသာစကားဆိုင်ရာစံချိန်စံနှုန်းမူဘောင် (GER) နှင့်အညီ အဆင့် (၆)ဆင့်အပေါ်တွင်အခြေခံထားပါသည်။ ထို့ကြောင့် ကျွန်ုပ်တို့၏သင်တန်းများသည် နိုင်ငံတကာစံချိန်စံနှုန်းနှင့်တိုင်းတာနှိုင်းယှဥ်နိုင်ပါသည်။ သင်တန်းများကို အချိန်မရွေး နေရာမရွေး အွန်လိုင်းမှ စာရင်းသွင်းခြင်း ပြုလုပ်နိုင်ပါပြီ။ စုံစမ်းမေးမြန်းလိုသည်များရှိပါက info.language.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။

စာရင်းသွင်းရန်: A1.2 - B2.2 - (09.04.-24.04.2026)
 
ဂျာမန်ဘာသာကို စတင်လေ့လာပြီး သင်၏ ရည်မှန်းချက်များသို့ ခြေလှမ်း တစ်လှမ်း ပိုမိုနီးကပ်အောင်သွားလိုက်ပါ။

Goethe-Institut Myanmar မှ အောက်ဖော်ပြပါ ရာထူးနေရာအတွက် အတွေ့အကြုံရှိပြီး စာကြည့်တိုက်နှင့် သတင်းအချက်အလက် ၀န်ဆောင်မှုပိုင်းဆိုင်ရာ အခန်းကဏ္ဍများ တိုးတက်စေရန် စိတ်အားထက်သန်သူများထံမှ လျှောက်လွှာများကို ဖိတ်ခေါ်အပ်ပါသည်။

ဤအလုပ်ရာထူးတွင် စီမံကိန်းနည်းဗျူဟာများ ရေးဆွဲခြင်း၊ ဆန်းသစ်သော စာကြည့်တိုက် ၀န်ဆောင်မှုများပံ့ပိုးပေးခြင်း၊ အသင်းအဖွဲ့ ခေါင်းဆောင်မှု နှင့် စာကြည့်တိုက် အသုံးပြုသူများအပေါ် ရှေးရူသည့် အရည်အသွေးမြင့်မားသော စာကြည့်တိုက်ဖြစ်စေရန် အခြား‌သောမိတ်ဖက်အဖွဲ့အစည်းများနှင့် ပူးပေါင်းလက်တွဲခြင်းတို့ကို အဓိက လုပ်ဆောင်ရန် လိုအပ်ပါသည်။

အလုပ်ခေါ်စာနှင့်ပတ်သက်သည့် အသေးစိတ်အချက်အလက်များ ၊ အလုပ်လျှောက်လွှာတင်နည်း အဆင့်ဆင့်တို့ကို အောက်ဖော်ပြပါလင့်ခ်မှ တဆင့် ၀င်ရောက်လေ့လာနိုင်ပါသည်။

ဂျာမန်ဘာသာစကား သင်ယူနေတဲ့သူတွေ စာဖတ်စွမ်းရည် တိုးတက်လာ‌စေရန်နှင့် စကားလုံး‌ဝေါဟာရများ ပိုကြွယ်၀လာ‌စေရန်  လစဥ်ကျင်းပပြုလုပ်တဲ့ “Reading Club/Leseclub’’ လေး ရောက်ရှိလို့လာပါပြီ။

ဒီလရဲ့ အစီအစဥ်လေးက A1 Level အတွက်ဖြစ်ပြီး  ဆရာမနဲ့အတူတူ (၂) ချိန်စလုံး စာအုပ်တစ်အုပ်တည်းကို ဖတ်ကြမှာဖြစ်ပါတယ်။ ဒါ‌ကြောင့်  (၂) ရက်စလုံး ပါ၀င်ပေးနိုင်မှသာ ထိ‌ရောက်တဲ့ စာဖတ်ခြင်း အလေ့အထကောင်းကို ပိုင်ဆိုင်နိုင်မှာဖြစ်ပါတယ်။  
 
ဒါဆို ၀ါသနာတူသူငယ်ချင်းတွေနဲ့စာတူတူဖတ်ကြရင်း အတွေးအမြင်လေးတွေ ‌‌ ဝေမျှဖို့  ဖိတ်ခေါ်ပါရစေနော်။
စိတ်၀င်စားလို့ ပါ၀င်ချင်တယ်ဆိုရင်တော့ biblio-yangon@goethe.de သို့ အမည်၊  ဖုန်းနံပါတ်၊ မိမိရဲ့ ဂျာမန် level ကိုအီးမေးလ်ပေးပို့ပြီး စာရင်းပေးသွင်းနိုင်ပါတယ်။

"Learning Advisory" Programလို့ ခေါ်တဲ့ "Lernberatung" အစီအစဉ်မှာ သင့်ရဲ့ ဂျာမန်စာလေ့လာမှုနဲ့ ပတ်သက်ပြီး ရင်ဆိုင်နေရတဲ့ အခက်အခဲတွေ၊ ပြဿနာတွေကို Goethe-Institut Myanmar မှ ဆရာ/ဆရာမကနေ ဆွေးနွေးအကြံပြုပေးသွားမှာ ဖြစ်ပါတယ်။ ဒီလရဲ့ ''Lernberatung'' အစီအစဉ်ကတော့ virtual online session လေးဖြစ်ပြီး A2-level အတွက်ဖြစ်ပြီး ဂျာမန်ဘာသာစကား လေ့လာနေသူများအတွက် ဖတ်ရှုသင့်တဲ့ စာအုပ်တွေ၊ online resources တွေ၊ ကိုယ့် level နဲ့ ကိုက်ညီမယ့် အကြံပြုချက်တွေကို ဆွေးနွေးအကြံပြုပေးသွားမှာပဲ ဖြစ်ပါတယ်။

ဒီအွန်လိုင်းအစီအစဉ်လေးမှာ ပါ၀င်ချင်တယ်ဆိုရင်တော့ biblio-yangon@goethe.de သို့ အမည်၊ ဖုန်းနံပါတ်၊ မိမိရဲ့ ဂျာမန် level၊ နှင့် မိမိမေးလိုသည့် အကြောင်းအရာ တို့ကိုအီးမေးလ်ပေးပို့ပြီး အခုပဲ စာရင်းပေးလိုက်တော့နော်။

Nelio Biedermann, Marie-Janine Calic, Rebekka Endler, Cornelia Franz, Barbara Honigmann, Jan Jekal, Svenja Leiber, Filiz Penzkofer, Katerina Poladjan, Hartmut Rosa, Clemens J. Setz, Elli Unruh, Caroline Wahl und Michael Wildenhain တို့ရဲ့ လက်ရာများအပါအ၀င် အခြားသောမီဒီယာအသစ်များ ကျွန်ုပ်တို့ရဲ့ ဂျာမန်အွန်လိုင်းစာကြည့်တိုက် “ONLEIHE” တွင် ရောက်ရှိနေပြီ ဖြစ်ကြောင်း သတင်းကောင်းလေး ပေးချင်ပါတယ်။ အခုပဲ ကျွန်ုပ်တို့ရဲ့ “ONLEIHE” မှာ အခမဲ့ငှားရမ်းဖတ်ရှုလိုက်ပါ။