კონტაქტი და რეგისტრაცია

ენის კურსების ბიუროს სამუშაო საათებია:

ორშ., სამშ., ხუთშ., პარ.:
10:00–13:00 და 14:00-17:00

ოთხშ.:
10:00-13:00 და 16:00-17:00

ეკა კილაძე-ღვინაძე
მაია ჩიქვილაძე
Tel. +995 32 2938945
შეგიძლიათ აგრეთვე მოგვწეროთ შეკითხვა შემდეგ მისამართზე:
deutschkurse-tbilissi@goethe.de

მარტივად აირჩიეთ, დაჯავშნეთ და გადაიხადეთ თქვენთვის სასურველი კურსი ჩვენს ვებგვერდზე.

ნაბიჯი 1: კურსის შერჩევა და ენის დონის განსაზღვრა
გერმანული ენის კურსების საძიებო ველში დააწკაპეთ „კურსის არჩევას“ . შემდეგ დააწკაპეთ ბლოკს „ვადები და ფასები“. ძიების გასამარტივებლად შეგიძლიათ გამოიყენოთ ფილტრი. კურსების ე.წ. გაფილტვრა შესაძლებელია შემდეგი პარამეტრების მიხედვით:

მეცადინეობების ინტენსიურობა
კურსის ფორმატი
კურსის ტიპი
დონე

დააჭირეთ ღილაკს „დაჯავშნა“. ამით იხილავთ ინფორმაციას არჩეული კურსისა და გადასახდელი თანხის შესახებ.
თუკი ნულიდან იწყებთ, ან ჩვენი კურსის გამგრძელებელი ხართ, დააჭირეთ ღილაკს „შემდეგ“.

ნულიდან დამწყებებმა აირჩიეთ დონე A1.1.
ენის კურსის გამგრძელებლებმა აირჩიეთ შემდეგი საფეხური, თუკი წინა კურსი წარმატებით დაასრულეთ. კურსების მიმოხილვა იხილეთ აქ.

ენის დონის განმსაზღვრელი ტესტი: თუ კურსის ჩვენთან გავლა გსურთ და გერმანული ენის გარკვეული ცოდნა უკვე გაქვთ, გთავაზობთ ენის დონის განმსაზღვრელ უფასო ტესტს. მას შემდეგ, რაც ტესტს ჩვენი ვებგვერდის მეშვეობით დაჯავშნით, თქვენი მონაწილის ნომერს და შემდგომ ინსტრუქციებს თქვენს ელ.ფოსტაზე მიიღებთ. ამის შემდეგ თქვენთან გვექნება ზეპირი ინტერვიუ ZOOM-ის საშუალებით. ზეპირ გასაუბრებაზე მოწვევას მიიღებთ ენის დონის განმსაზღვრელი ტესტის დასრულებიდან არაუგვიანეს 2 სამუშაო დღეში. ასე შევძლებთ თქვენი გერმანული ენის ცოდნის სწორ შეფასებასა და თქვენთვის ოპტიმალური კურსის შერჩევაში დახმარებას.

ენის დონის განმსაზღვრელი ტესტის დაჯავშნა

ნაბიჯი 2: პირადი მონაცემები

თუკი უკვე დარეგისტრირებული ხართ „MeinGoethe.de“-ზე, შეიყვანეთ თქვენი სარეგისტრაციო მონაცემები, თუ არა – დააჭირეთ ღილაკს „რეგისტრაცია“.
პლატფორმაზე რეგისტრაციის ნაბიჯებს შეგიძლიათ გაეცნოთ აქ ან უყუროთ ვიდეოტუტორიალს ქვემოთ.

არასრულწლოვანის შემთხვევაში:

მშობელი/მეურვე რეგისტრაციის ეტაპზე არჩევთ „დაჯავშნა ჩემი შვილისთვის“;
ავსებთ თქვენს პირად ინფორმაციას;
შემდეგ შეავსებთ ბავშვის პირად მონაცემებს;
ბოლო ეტაპზე იხდით კურსის საფასურს შვილისათვის.

რეგისტრაცია MeinGoethe.de-ზე(PDF, 388 KB)

რეგისტაციის შემდეგ კიდევ ერთხელ გადაამოწმეთ თქვენი პირადი მონაცემები და დააჭირეთ ღილაკს „შემდეგ“.

ნაბიჯი 3: ფასდაკლების კოდი (ვაუჩერი)
თუკი გამგრძელებელი ხართ, თქვენს ექაუნთზე მითითებულ ელფოსტაზე ენის კურსის ოფისიდან ფასდაკლების კოდს მიიღებთ. შეიყვანეთ რეგისტრაციისას ფასდაკლების კოდი შესაბამის ველში. კოდის შეყვანისთანავე ეკრანზე გამოჩნება კურსის ფასდაკლებული საფასური.
თუკი, როგორც კურსის გამგრძელებელს, ფასდაკლების კოდი არ მიგიღიათ, ან დაკარგეთ, გთხოვთ, გამოაგზავნოთ ელ.წერილი შემდეგ მისამართზე:
deutschkurs-tbilissi@goethe.de

თუ ჩვენთან პირველად რეგისტრირდებით, დააჭირეთ ღილაკს „შემდეგ“.

ნაბიჯი 4: საფასურის გადახდა
კურსის საფასურის გადახდა ამიერიდან მხოლო თქვენი საკრედიტო ბარათით შეგიძლიათ.

გადაიხადეთ Master Card-ით ან Visa Card-ით. Master ან Visa ბარათით გადახდისას კურსის საფასური უნდა გადარიცხოთ 30 წუთის განმავლობაში, წინააღმდეგ შემთხვევაში ადგილი ავტომატურად გაუქმდება.
გადახდისას დააწკაპეთ „საკრედიტო ბარათზე“, შეიყვანეთ თქვენი საკრედიტო ბარათის 16-ნიშნა ნომერი, ასევე ვადის გასვლის თარიღი (თვე/წელი) და 3-ნიშნა CVV ნომერი (მოცემულია საკრედიტო ბარათის უკანა მხარეს).
თქვენი ბარათის დამოწმების/ვერიფიკაციის შემდეგ, კურსის საფასური ჩამოიჭრება და კურსის ადგილი დაიჯავშნება თქვენთვის/თქვენი შვილისთვის.

გთხოვთ გაითვაისწინოთ, რომ კურსის დასაჯავშნად აუცილებელია კურსის სრული საფასურის გადახდა ერთიანად.

კურსის გაუქმების პირობები:

თქვენ უფლებამოსილი ხართ პირველი გაკვეთილის შემდეგ უარი თქვათ ჩვენთან სწავლის გაგრძელებაზე. ამ შემთხვევაში გადახდილ საფასურს გამოაკლდება ადმინისტრაციული საურავი 50 ლარის ოდენობით, ხოლო დანარჩენი თანხა დაგიბრუნდებათ უკან.
სწავლის დაწყებიდან, ორი ჩატარებული გაკვეთილის შემდეგ, სწავლის შეწყვეტის შემთხვევაში, თანხა უკან ვეღარ დაგიბრუნდებათ.

ბარათით გადახდილი თანხის დასაბრუნებლად, ელ.წერილი ენის კურსების ოფისში უნდა გამოაგზავნოთ:
deutschkurse-tbilissi@goethe.de

გერმანული ენის კურსი
დასწრებული
საკლასო ოთახში

გერმანული ენის ინტენსიური კურსი (A1 / A2 / B1)
დასწრებული + ონლაინ
ორჯერ საკლასო ოთახში, ერთჯერ ZOOM-ში

გერმანული ენის ინტენსიური კურსი (B2 / C1)
დასწრებული + ონლაინ
ორჯერ საკლასო ოთახში, ორჯერ ZOOM-ში

მოზარდთა კურსი
დასწრებული + ონლაინ
ერთჯერ საკლასო ოთახში, ერთჯერ ZOOM-ში

საბავშვო კურსი
დასწრებული + ონლაინ
კვირამონაცვლეობით საკლასო ოთახსა და ZOOM-ში

გამოცდის მოსამზადებელი კურსი (A1 - C2)
ონლაინ
ZOOM-ში

ინდივიდუალური კურსი (მოთხოვნის მიხედვით)
დასწრებული / ონლაინ
საკლასო ოთახში / ZOOM-ში

სპეციალური კურსი
ონლაინ
ZOOM-ში

გერმანული ენის კურსი zoom-ში
ონლაინ
ZOOM-ში

გერმანული ენის ინტენსიური კურსი zoom-ში
ონლაინ
ZOOM-ში

გერმანული ენის ონლაინკურსი (50/50)
ონლაინ
ZOOM-ში და სასწავლო პლატფორმაზე

გერმანული ენის ინტენსიური ონლაინკურსი (50/50)
ონლაინ
ZOOM-ში და სასწავლო პლატფორმაზე

ტრიმესტრის ვადები ზრდასრულთა კურსებისათვის:
გაზაფხულის ტრიმესტრი: 20.01.2026 - 18.04.2026
ზაფხულის ტრიმესტრი: 04.05.2026 - 29.07.2026
შემოდგომის ტრიმესტრი: 21.09.2026 - 20.12.2026

სემესტრის ვადები მოზარდთა და ბავშვების კურსებისათვის:
გაზაფხულის სემესტრი: 16.02.2026 - 01.07.2026
შემოდგომის სემესტრი: 21.09.2026 - 25.12.2026

დასვენების დღეები*:
ახალი წელი: 01.01.2026
ახალი წელი: 02.01.2026
შობა: 07.01.2026
დედის დღე: 03.03.2026
დამოუკიდებლობის დღე: 09.04.2026
აღდგომა: 10.04.2026 - 13.04.2026
წმ. ანდრის პირველწოდებულის დღე: 12.05.2026
დამოუკიდებლობის დღე: 26.05.2026
მარიამობა: 28.08.2026
სვეტიცხოვლობა: 14.10.2026
გიორგობა: 23.11.2026

ზაფხულის პერიოდში დაკეტილია: 10.08. - 21.08.2026
არასამუშაო დღეები: 24./31.12.2026

*აღნიშნული დასვენების დღეები ეხება გოეთეს ინსტიტუტის ყველა განყოფილებას. მიმდინარე კურსების დასვენების დღეების შესახებ ინფორმაციას რეგისტრაციის დროს და აგრეთვე თქვენი პედაგოგისგან მიიღებთ.

მონაწილეობის ზოგადი პირობები
ჩვენი ენის კურსები გამიზნულია მონაწილეებისათვის 8 წლიდან. ასაკობრივი ჯგუფები იყოფა: ბავშვები 8-დან 11 წლამდე, მოზარდები 12 -დან 16 წლამდე და ზრდასრულები 16 წლიდან ზემოთ.
გადახდის პირობები
რეგისტრაცია და გადახდა ხდება მხოლოდ ონლაინ საიტზე. არსებობს მხოლოდ ერთი ვარიანტი: კურსის/გამოცდის საფასურის გადახდა შესაძლებელია საბანკო ბარათით. ყველა მონაწილეს შეუძლია ონლაინ რეგისტრაცია ოფიციალური რეგისტრაციის პერიოდში შეასრულოს.
ვებსაიტზე ოფიციალური ვადების შემდეგ შესრულებული რეგისტრაციის შემთხვევაში, გთხოვთ, გამოაგზავნოთ ელფოსტაზე deutschkurse-tbilissi@goethe.de წერილი, რათა დროულად მოგაწოდოთ ინფომაცია კურსის შესახებ.
ფასები
3.1 რეგისტრაციის პერიოდში კურსის საფასური გამოქვეყნებულია კურსის ბროშურაში და საქართველოს გოეთეს ინსტიტუტის ვებ-გვერდზე. სხვა საფასური გათვალისწინებული არ არის, გარდა ინდივიდუალური და მცირე ჯგუფების კურსებისა 2-დან 9 მონაწილემდე. სასწავლო ლიტერატურა შედის კურსის მთლიან საფასურში.
3.2 თუ კურსის მონაწილე მოითხოვს რაიმე სახის ცვლილებებს (მაგ. გაკვეთილის დროის შეცვლა ან კურსის გამოცვლა), ამ შემთხვევაში პირველი ცვლილება უფასოა. ყველა შემდგომი ცვლილებისთვის მონაწილე იხდის კურსის საფასურის 2%-ს.
კურსიდან ამოწერა
ჩაწერის დღიდან მეორე მეცადინეობამდე საფასურის დაბრუნება შესაძლებელია მხოლოდ ადმინისტრაციული მოსაკრებლის, 80 ლარის, დაქვითვით. კურსის დაწყებიდან მეორე მეცადინეობის შემდეგ საფასურის დაბრუნება შესაძლებელი აღარ არის.
თუ კურსის მონაწილეების მინიმალური რაოდენობა ვერ შეგროვდა, გოეთეს ინსტიტუტი იტოვებს კურსის გაუქმების უფლებას. ამ შემთხვევაში მონაწილეებს საშუალება მიეცემათ დაიბრუნონ კურსის სრული საფასური. საკრედიტო ბარათით უკუგატარებისთვის ენის კურსების ბიუროს უნდა გაიგზავნოთ წერილი. საფასური 30 კალენდარული დღის განმავლობაში უკან დაგიბრუნდებათ.
ჯგუფებში განაწილება/კლასში მონაწილეთა რაოდენობა/კურსის მონაწილის ვალდებულებანი
5.1 მონაწილეს, რომელსაც არ აქვს გერმანული ენის საბაზისო ცოდნა, კურსს დაიწყებს A1.1 საფეხურიდან. სტუდენტი, რომლებიც გერმანულ ენას საბაზისო დონეზე ფლობს, ტესტირების საფუძველზე მისთვის შესაბამის საფეხურზე მოხვდება.

5.2 კურსის მონაწილეთა მაქსიმალური რაოდენობა შეადგენს 18 მონაწილეს, ხოლო მინიმალური - 10-ს. თუ კურსის მონაწილეთა რაოდენობა კურსის დაწყებისას 10 მინაწილეზე ბევრად ნაკლები იქნება (4-ზე ნაკლები), ვიტოვებთ კურსის გაუქმების ან მისი დაგვიანებით დაწყების უფლებას. ამ შემთხვევაში მონაწილეებს საშუალება მიეცემათ გადავიდნენ სხვა კურსზე ან დაიბრუნონ კურსის სრული ღირებულება. თუ კურსზე მინიმუმ 4 ადამიანის დარეგისტრირების შემთხვევაში, კურსის მონაწილეს აქვს შესაძლებლობა, გაიაროს ენის კურსი მცირე ჯგუფში, კურსის ღირებულების ცვლილების გარეშე. ამ შემთხვევაში საგაკვეთილო საათების რაოდენობა შემდეგნაირად განაწილდება:
კურსები A1/A2/B1:
8-9 მონაწილე: 69 საგაკვეთილო საათი
6-7 მონაწილე: 65 საგაკვეთილო საათი
4-5 მონაწილე: 52 საგაკვეთილო საათი
კურსები B2/C1:
8-9 მონაწილე: 75 საგაკვეთილო საათი
6-7 მონაწილე: 70 საგაკვეთილო საათი
4-5 მონაწილე: 65 საგაკვეთილო საათი
5.3 კურსის გამოცვლა შესაძლებელია მხოლოდ კურსის ადმინისტრაციასა და ენის კურსების ხელმძღვანელებთან შეთანხმების საფუძველზე.
5.4 კურსის მონაწილე ვალდებულია დაიცვას ინსტიტუტში მოქმედი წესები, რომელთაც კურსის დაწყების პირველ დღეს კურსის ხელმძღვანელი გააცნობს.
5.5 გაკვეთილი, რომელიც წინასწარ გადმოტანილ უნდა იქნას კურსის დასრულებამდე, ჩატარდება ზუმში. ინფორმაციას დამატებითი გაკვეთილის შესახებ წერილობით ელექტრონულ ფოსტაზე მიიღებთ პედაგოგისაგან.
ზაფხულის ტრიმესტრი არის მოკლე და ადრე სრულდება. ვადების შესახებ ინფორმაციას გაეცანით კურსის დასტურზე.

6. კურსის მონაწილეობის მოწმობა
კურსის მონაწილეობის მოწმობის მიღება შესაძლებელია გაკვეთილზე მინიმუმ 70 პროცენტის დასწრების შემთხვევაში.
ZOOM: დასწრების 70%-იანი ვალდებულება ითვლება შესრულებულად მხოლოდ იმ შემთხვევაში, თუ კამერა გაკვეთილის მსვლელობის დროს ჩართულია. წინააღმდეგ შემთხვევაში, მონაწილეს გაკვეთილი გაცდენილად ჩაეთვლება.

7. ონლაინ გაკვეთილების გადაღება/ჩაწერა
მონაცემთა დაცვის, ინტელექტუალური საკუთრებისა და პირადი უფლებების დაცვის მიზნით, აკრძალულია ონლაინ გაკვეთილების ან მათი ნაწილის ჩაწერა, გადაღება ან სხვა ფორმით გამრავლება. ეს ეხება ვიდეო-, სურათის- და აუდიოჩანაწერებს. კურსზე რეგისტრაციისას მონაწილეები ავტომატურად ეთანხმებიან ამ წესს. კურსის შინაარსის გავრცელება ან გამოქვეყნება – განსაკუთრებით ციფრულ პლატფორმებზე – მკაცრად აკრძალულია. წესის დარღვევა გამოიწვევს კურსიდან გარიცხვას და შესაძლოა, სამართლებრივი შედეგებიც მოჰყვეს.

8. გოეთეს ინსტიტუტის პასუხისმგებლობა/გაუთვალისწინებელი შემთხვევები
გოეთეს ინსტიტუტისა და მის თანამშრომელთა პასუხისმგებლობა არ ვრცელდება მესამე პირის წინასწარი ბოროტი განზრახვისა თუ დაუდევრობის შემთხვევებზე. გოეთეს ინსტიტუტი ასევე არ აგებს პასუხს თავისი საქმიანობის განუხორციელებლობაზე გაუთვალისწინებელ შემთხვევებში (მაგ.: სტიქიური მოვლენები, ხანძარი, წყალდიდობა, ომი, მთავრობის განკარგულებები და სხვა შემთხვევები, რომელთაც ხელშეკრულების მხარეები ვერ აკონტროლებენ).

9. პირადი მონაცემების დაცულობა
კურსის მონაწილეები თანახმანი არიან, რომ გოეთეს ინსტიტუტმა წესის მიხედვით ჩაატაროს რეგისტრაციის, ანგარიშსწორებისა და სერტიფიცირების პროცესში მათი მონაცემების ელექტრონული ჩაწერა და დამუშავება. მონაწილენი თანახმანი არიან, რომ გოეთეს ინსტიტუტიდან მიეწოდოთ ინფორმაცია.

დღე	საათი
05.01.2026	16:00 - 17:00
06.01.2026	15:00 - 16:00
08.01.2026	13:00 - 14:00
09.01.2026	16:00 - 17:00
12.01.2026	13:00 - 14:00
13.01.2026	16:00 - 17:00
14.01.2026	13:00 - 14:00
15.01.2026	13:00 - 14:00
16.01.2026	11:00 - 12:00

გერმანული ენის შემსწავლელი კურსების ოფისის მიღების საათები

კურსზე რეგისტრაცია, ტესტირება და საფასურის გადახდა

ტრიმესტრის ვადები

ჩვენი კურსის ფორმატი

ონლაინ კონსულტაცია

არდადეგები კურსების/გამოცდების ბიუროსათვის

ფასდაკლება ერთგულებისათვის

კურსიდან ამოწერა

პირობები

Registrierung auf Mein.Goethe.de

გამოგვყევით