သြဂုတ်လ (၁) ရက်နေ့မှစတင်ပြီး Goethe Cafe ကမိတ်ဟောင်းမိတ်သစ်များကိုကြိုဆိုပါတယ်။ ကျွန်ုပ်တို့ဆီလာပြီး ရန်ကုန်က အရသာရှိလှတဲ့ဂျာမန်အစားအသောက်တွေကိုလာရောက်မြည်းစမ်းကြည့်ပါ။

“ထင်ဟပ်၊ မျှ၀ေ၊ တွဲလက်တွေ” ဆိုတဲ့အစီအစဉ်လေးကို ကျွန်ုပ်တို့ရဲ့တွဲဖက်လုပ်ကိုင်နေတဲ့လုပ်ဖော်ကိုင်ဖက်တွေ၊ အဖွဲ့အစည်းတွေနဲ့ တစ်ဦးပေါ်တစ်ဦးဘယ်လိုဖေးမကူညီနိုင်မလဲဆိုတဲ့ အကြောင်းအရာအပေါ်ဆွေးနွေးပြောဆိုရာကနေစတင်ခဲ့တာဖြစ်ပါတယ်။
အခုဆိုရင်တော့တတိယမြောက်အစီအစဉ်ဖြစ်တဲ့ “Live with Art: Reflect yourself through art for women” အလုပ်ရုံဆွေးနွေးပွဲကို ခံစားချက်တွေကိုမျိုသိပ်ထားမိတတ်ကြတဲ့အမျိုးသမီးတွေအတွက်ရည်ရွယ်ပြီး အောက်ပါနေ့များတွင် ကျင်းပပြုလုပ်သွားမှာဖြစ်ပါတယ်။ ဒီအလုပ်ရုံဆွေးနွေးပွဲမှာ အရောင်တွေကနေတစ်ဆင့်ခံစားချက်တွေကိုဖော်ထုတ်ကြမယ်၊ စိတ်ကိုလွတ်လပ်ခွင့်ပေးပြီး artworks တွေကိုဖန်တီးကြမယ်၊ စိတ်ကိုငြိမ်းချမ်းအောင်လုပ်ပြီး ကိုယ့်ရဲ့ energy တွေကို ပြန်ယူကြမယ်။ 
အချင်းချင်းပြန်လည်မျှဝေဂရုစိုက်နိုင်ဖို့ ဒီအလုပ်ရုံဆွေးနွေးပွဲကို Kalasa Art Space ရဲ့ Founder မစုထွေးအောင်က ဦးဆောင်သွားမှာပဲဖြစ်ပါတယ်။ အလုပ်ရုံဆွေးနွေးပွဲကို (၅) ကြိမ်အထိကျင်းပပေးသွားမှာဖြစ်လို့ မိမိနှစ်သက်ရာနေ့ကို ရွေးချယ်ပြီးစာရင်းပေးသွင်းနိုင်ပါပြီ။ (ဆွေးနွေးပြောကြားမည့်ဘာသာစကား - မြန်မာဘာသာ)လူဦးရေကန့်သတ်ထားသောကြောင့် စာရင်းပေးသွင်းလိုပါက biblio-yangon@goethe.de သို့အီးမေးလ်ပေးပို့နိုင်ပါတယ်။
 

အနုပညာလုပ်ငန်းတွေလုပ်ဆောင်ရမှာကြုံတွေ့ရတဲ့နေရာအခက်အခဲ၊ သွားရေးလာရေးအခက်အခဲ၊ လျှပ်စစ်မီးအခက်အခဲနဲ့ အခြေခံနည်းပညာအခက်အခဲတွေကို တစ်ထောင့်တစ်နေရာကနေအားဖြည့်ပေးဖို့အတွက်တွေ့ဆုံစည်း၀ေးစရာအခန်းငယ်တစ်ခုကိုအခမဲ့အသုံးပြုနိုင်ရန် Goethe-Institut Myanmar မှစီစဉ်ထားရှိပေးထားပါတယ်။
လူ (၁၅) ဦးထိအသုံးပြုနိုင်မယ့်အခန်းငယ်ထဲမှာ LED Screen တစ်ခုနဲ့ အတူစားပွဲ၊ ကုလားထိုင်တွေထားရှိပေးထားပါတယ်။ အနုပညာနဲ့ပတ်သက်တဲ့စာအုပ်အချို့ကိုလည်းစုစည်းပေးထားပြီး အခန်းကို အသုံးပြုနေစဉ်အတွင်းမှာ အခမဲ့ဖတ်ရှုနိုင်မှာဖြစ်ပါတယ်။ အခန်းအသုံးပြုနေစဉ်ကာလအတွင်း အင်တာနက်လည်းရရှိနေမှာဖြစ်ပြီး အနုပညာနှီးနှောဖလှယ်မှုတွေကို online ကနေလည်းပြုလုပ်နိုင်မှာဖြစ်ပါတယ်။
Space O’3 ကိုအသုံးပြုနိုင်ဖို့အတွက် Info.kultur.mmr@goethe.de ကိုဆက်သွယ်ပြီး အသေးစိတ်အချက်အလက်များကို စုံစမ်းမေးမြန်းနိုင်ပါတယ်။

Goethe-Institut မြန်မာတွင် ဂျာမန်စကားကိုစနစ်တကျစတင်သင်ယူလိုက်ပါ။ ကျွန်ုပ်တို့၏ဂျာမန်ဘာသာစကားသင်တန်းများကို ဥရောပဘာသာစကားဆိုင်ရာ စံချိန်စံနှုန်းမူဘောင် (GER) နှင့်အညီ အဆင့်ခြောက်ဆင့်အပေါ်တွင် အခြေခံထားပါသည်။ ထို့ကြောင့် ကျွန်ုပ်တို့၏သင်တန်းများသည်  နိုင်ငံတကာစံချိန်စံနှုန်းနှင့်တိုင်းတာနှိုင်းယှဥ်နိုင်ပါသည်။ Goethe-Institut မြန်မာက သြဂုတ်လအတွက် ဂျာမန်ဘာသာစကားသင်တန်းများဖွင့်လှစ်လျှက်ရှိပါသည်။ 
စာရင်းပေးသွင်းရမည့်ကာလမှာ ၃၊၈၊၂၀၂၂ မှ ၁၅၊၈၊၂၀၂၂ အထိဖြစ်ပြီး စုံစမ်းမေးမြန်းလိုသည်များရှိပါက info.language.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။

သင့်ရဲ့ဂျာမန်ဘာသာစကားအရည်အသွေးကိုသက်သေပြရန် ကမ္ဘာတဝှမ်းကအသိအမှတ်ပြုအောင်လက်မှတ်တစ်ခုလိုအပ်နေပါသလား။ Goethe-Institut ၏ဘာသာစကားအောင်လက်မှတ်သည် သင်၏ဘာသာစကားစွမ်းရည်ကိုမှတ်ကျောက်တင်ရန် ကမ္ဘာတဝှမ်းကအသိမှတ်ပြုသည့်အောင်လက်မှတ်ဖြစ်ပါသည်။ Goethe-Institut မြန်မာက သြဂုတ်လအတွက် Goethe-Zertifikat စာမေးပွဲများကိုကျင်းပမည်ဖြစ်ပါသည်။ စာရင်းသွင်းကာလမှာ ၂၊၈၊၂၀၀၂ မှ ၁၅၊၈၊၂၀၂၂ ဖြစ်သည့်အတွက် ယခုပဲအချိန်စာရင်းကိုကြည့်ပြီး info.language.mmr@goethe.de ကိုအီးမေးလ်ပို့ပြီး စာရင်းပေးသွင်းနိုင်ပါပြီ။

(၂၀၂၂) ခုနှစ်၊ စက်တင်ဘာလ (၁) ရက်နေ့ (သို့) (၁၅) ရက်နေ့ မှစတင်ကာတာဝန်ထမ်းဆောင်နိုင်မည့်ဘာသာစကားသင်တန်းများနှင့်စာမေးပွဲများတာဝန်ခံ (ကျောင်းသားရေးရာဌာန) ကိုကျွန်ုပ်တို့ရှာဖွေနေပါသည်။
လျှောက်ထားလိုသူများသည် မိမိတို့၏ကိုယ်ရေးအကျဉ်းနှင့် motivation letter ကိုဂျာမန်ဘာသာစကားဖြင့် LSO.yangon.mmr@goethe.de သို့ပေးပို့ရပါမည်။
လျှောက်လွှာပိတ်ရက်မှာ (၂၀၂၂) ခုနှစ်၊ ဩဂုတ်လ (၁၉) ရက်ဖြစ်ပြီး၊ လျှောက်လွှာပိတ်ရက်ထက်နောက်ကျပြီး ပေးပို့လာသည့်လျှောက်လွှာများကို လက်ခံစဉ်းစားပေးမည်မဟုတ်ပါ။
လုပ်ငန်းတာဝန်များနှင့်လိုအပ်သည့်အရည်အချင်းများကို ကျွန်ုပ်တို့ဝက်ဘ်ဆိုက်ရှိအလုပ်ခေါ်စာတွင်ကြည့်ရှုနိုင်ပါသည်။

ဒီတစ်ပတ်မှာတော့ ကျွန်ုပ်တို့ စာကြည့်တိုက်မှာ အငှားများဆုံးဖြစ်တဲ့ စာအုပ် ၅ အုပ်ကို ဖော်ပြပေးမှာပဲ ဖြစ်ပါတယ်။
အခုဖော်ပြပေးတဲ့ ဝေါဟာရစာအုပ်တွေက ဂျာမန်စာလေ့လာသူများအတွက် အများကြီး အထောက်အကူပြုမှာ သေချာပါတယ်။ ငှားရမ်းချင်တယ်ဆိုရင်တော့ ကျွန်ုပ်တို့ စာကြည့်တိုက်မှာ အခုပဲ လာရောက်ငှားရမ်းလိုက်တော့နော်။

Mareike Fallwickl၊ Wladimir Kaminer၊ Saša Stanišić နှင့် Thomas von Steinaecker တို့ရဲ့ လက်ရာများအပါအ၀င် အခြားသောမီဒီယာအသစ်များ ကျွန်ုပ်တို့ရဲ့ ဂျာမန်အွန်လိုင်းစာကြည့်တိုက် “ONLEIHE” တွင် ရောက်ရှိနေပြီ ဖြစ်ကြောင်း သတင်းကောင်းလေး ပေးချင်ပါတယ်။ အခုပဲ ကျွန်ုပ်တို့ရဲ့ “ONLEIHE” မှာအခမဲ့ငှားရမ်းဖတ်ရှုလိုက်ပါ။