Goethe-Institut Myanmar

အချိန်ကာလတစ်ခုအထိ အလေးအနက်ထားကြိုတင်ပြင်ဆင်များနှင့် အကြိမ်ပေါင်းများစွာ ပုံဖော်ဆွေး နွေးမှုများကို လုပ်ဆောင်ခဲ့ပြီးနောက် Goethe-Institut Myanmar အနေဖြင့် “စာနာခြင်းတံတား” ဆိုသော အစီအစဥ်တစ်ရပ်ကို ဝမ်းမြောက်စွာဖြင့်ဖွင့်လှစ်ကြေညာအပ်ပါသည်။ ဤအစီအစဥ်ကို ယခုသြဂုတ်လတွင်စတင်မည်ဖြစ်၍ ၁ နှစ်ကာလကြာမြင့်မည်ဖြစ်သည်။  ဤအစီအစဥ်ကိုစေ့ဆော်သည်မှာ ယနေ့လူသားများ၏ထိလွယ်ခိုက်လွယ်အခြေအနေများပင်ဖြစ်သည်။ တနည်းအားဖြင့် လူ့အဖွဲ့အစည်းအတွင်း၌ စာနာခြင်း၊ မျှဝေခံစားခြင်းဟူသော တည်ဆောက်ချက်များ ပြို လဲကျခဲ့ပြီဟု ဖွဲ့ဆိုလျှင်ပင်ရနိုင်ပါသည်။ ယခုစီမံကိန်းသည် နားထောင်ခြင်း၊ ခံစားခြင်း၊ ပြန်လည်တည် ဆောက်ခြင်း၊ ပြန်လည်ကုသခြင်းနှင့် ပြန်လည်တူးဖော်သင်ခန်းစာယူခြင်းတို့ဆီ ဦးတည်သွားမည်ဖြစ် သည်။ 

Goethe-Institut မြန်မာတွင် ပြုလုပ်မည့် “စာနာခြင်းတံတား” အစီအစဥ်မှ အဖွဲ့အလိုက်ဆွေးနွေးခြင်းများတွင် ပါဝင်အားဖြည့်နိုင်မည့် လျှောက်လွှာရှင်များကို ဖိတ်ခေါ်လျက်ရှိပါသည်။ ကာလရှည်ကြာပြုလုပ်မည့် “စာနာခြင်းတံတား” အစီအစဥ်၏ ပထမရှေးဦးစွာ အဖွဲ့လိုက်ဆွေးနွေးခြင်းများကို ပြုလုပ်သွားမည်ဖြစ်သည်။ ယခုအစီအစဥ်သည် စမ်းသပ်လုပ်ကိုင်ဖန်တီးမှုနှင့် လုပ်ငန်းစဥ်အခြေပြုဖန်တီးလုပ်ဆောင်မှုများကို အတူတကွလုပ်ဆောင်ရန်အတွက် အနက်ဖွင့်ဆိုမှုအမျိုးမျိုး ကိုကြိုဆိုသော၊ လူသားအတွေ့အကြုံကိုထင်ဟပ်သော၊ လူသားချင်းဆက်နွှယ်မှု၏ သိမ်မွေ့နက်နဲမှုများ ကို ထည့်သွင်းစဥ်းစားသော လုပ်ငန်းတစ်ရပ်ဖြစ်သည်။ မတူညီသော နယ်ပယ်နှင့် ရှုထောင့်အသီးသီးမှ ပါဝင်ကြသူများ၏ စာနာခြင်းနှင့် မျှဝေခံစားခြင်းတို့အပေါ် အတွေးအခေါ်ထင်မြင်ယူဆချက်များကို ဆွေးနွေးကြရန်အတွက် ယခုလို အဖွဲ့လိုက်ဆွေးနွေးခြင်းကို ပြုလုပ်ထားခြင်းဖြစ်သည်။

Academy of Care (AoC) မှ Goethe-Institut Myanmar နဲ့ Foundation of Arts and Health India (FAHI) တို့နဲ့ ပူးပေါင်းပြီး “Arts for Health and Well-Being” ဆွေးနွေးပွဲကို စက်တင်ဘာလထဲမှာ ကျင်းပသွားဖို့ရှိပါတယ်။

ဒီဆွေးနွေးပွဲမှာ အနုပညာက ကျန်းမာရေးနဲ့ စိတ်နဲ့ကိုယ် အဆင်ပြေမှုအတွက် ဘယ်လို အထောက်အကူဖြစ်ပေါ်မလဲ ဆိုတာကို လေ့လာနိုင်မှာဖြစ်ပါတယ်။ ဒရမ်မာ၊ အနုပညာ၊ လှုပ်ရှားမှု အနုပညာတွေကို အသုံးချပြီး စိတ်ကျန်းမာရေးနဲ့ လူမှုဆိုင်ရာ အဆင်ပြေမှုတွေ တိုးတက်လာအောင် နည်းလမ်းအသစ်တွေကို လေ့လာသွားမှာဖြစ်ပါမယ်။

ပါဝင်သူတွေအနေနဲ့ ကိုယ့်ကိုယ်ကို ပြန်လည်စဉ်းစားပြီး ဖန်တီးမှုအသစ်တွေ လုပ်ကြည့်နိုင်မယ်၊ တခြားသူတွေနဲ့ အမြင်တွေ မျှဝေပြီး အတွေးအမြင်အသစ်တွေ ရရှိသွားနိုင်မယ့် ဆွေးနွေးပွဲ အစီအစဉ်တစ်ခုဖြစ်ပါတယ်။

Japan Foundation, Yangon နှင့် Goethe-Institut မြန်မာတို့သည် အခြားသောအကျိုးတူအဖွဲ့အစည်းတို့ပူးပေါင်း၍ သဘာဝဘေးအန္တရာယ်ကာကွယ်ခြင်းနှင့် ယင်းတို့ကိုပြန်လည်တုန့်ပြန်ခြင်းနှင့်ပတ်သက်သည့် အစီအစဥ်တစ်ခုကိုပြုလုပ်သွားမည်ဖြစ်ပါသည်။ တက်‌ရောက်သူများအနေဖြင့် သဘာဝဘေးအန္တရာယ်၏ အကြောင်းတရားများ၊ ယင်းတို့က မိမိတို့နေထိုင်သော နေရာဒေသများကို မည်ကဲ့သို့သက်‌ရောက်နိုင်ကြောင်းနှင့် မိမိတို့တစ်ဦးချင်းမှစ၍ သဘာဝ‌ဘေးများကို မည်ကဲ့သို့ တုန့်ပြန်ကာကွယ်ရန် နည်းလမ်းတို့ကို အစီစဥ်တွင်လေ့လာနိုင်မည်ဖြစ်ပါသည်။

အစီအစဥ်အသေးစိတ်နှင့် ပါဝင်သောမိတ်ဖက်အဖွဲ့အစည်းများကို မကြာမီအချိန်အတွင်းမှာ လူမှုကွန်ရက်စာမျက်နှာများတွင် ကြေညာပေးသွားမည်ဖြစ်သည့်အတွက် ဆက်လက်စောင့်ကြည့်ပေးသွားရန်မေတ္တာရပ်ခံပါသည်။”

'WAYS – Towards Fair and Sustainable International Partnerships' အစီအစဥ်သည် ဥရောပပြင်ပနှင့် ဂျာမန် ယဥ်ကျေးမှု အဖွဲ့အစည်းများတွင် လွတ်လပ်စွာလုပ်ကိုင်လျက်ရှိသော အနုပညာရှင်နှင့် အဖွဲ့များအတွက် ရေရှည်စီမံကိန်းများဆောင်ရွက်ရန်‌ထောက်ပံ့ပေးသော စီမံကိန်းဖြစ်သည်။ ကနဦးမတည်‌ငွေကို ၉လခွဲထိ ပေးအပ်သွားမည်ဖြစ်သည်။ ယခုရန်ပုံငွေက အရွေးခံရသော အနုပညာရှင်များအတွက် ဂျာမနီနိုင်ငံရှိအဖွဲ့အစည်းများ သို့မဟုတ် ဥရောပပြင်ပဘက်တွင်ရှိသောဂျာမနီအဖွဲ့အစည်းများသို့သွားရောက်၍ ယင်းတို့နှင့်အတူလက်တွဲလုပ်ဆောင်ရန် မိတ်ဖက်အဖွဲ့အစည်းများအသစ်တည်ဆောက်ရန်အတွက် ထောက်ပံ့ပေးထားခြင်းဖြစ်သည်။ ယခုစီမံကိန်းကို Goethe-Institut နှင့်အတူလက်တွဲလုပ်ဆောင်ခြင်းဖြစ်ပြီး ကနဦးမတည်‌ငွေကို ရရှိပြီးနောက်ပိုင်းစီမံကိန်းများဆက်လုပ်ရင်း ကာလကြာရှည် စီမံကိန်းများကို လည်းလျှောက်ထားနိုင်မည်ဖြစ်သည်။

Goethe-Institut Myanmar မှ ဥရောပဘာသာစကားများနေ့အထိမ်းအမှတ်အဖြစ် နှစ်ရက်တာပွဲအစီစဥ်ကို ဖိတ်ကြားအပ်ပါသည်။ ဥရောပနိုင်ငံများတွင် ပညာသင်ကြားခြင်း၊ နေထိုင်ခြင်း၊ အလုပ်လုပ်ခြင်း အကြောင်းအရာများကို ဥရောပအဖွဲ့အစည်းများမှ ကိုယ်စားလှယ်များနှင့် ဧည့်သည်များမှ ဝေမျှပေးမည်ဖြစ်ပြီး information booths များတွင်မေးမြန်းနိုင်မည်ဖြစ်သည်။ ထို့အပြင် ဒုတိယနေ့တွင် Spinning Wheel လည်း ပါဝင်မည်ဖြစ်ပြီး ဧည့်သည်များအနေဖြင့် ဥရောပဘာသာစကားနှင့် ယဉ်ကျေးမှုများကို ပျော်ရွှင်စွာလေ့လာနိုင်သည့်အခွင့်အလမ်းဖြစ်ပါသည်။

Day 1: စက်တင်ဘာ ၂၆ ရက် (သောကြာနေ့) | ညနေ ၂:၀၀ မှ ၆:၀၀
Day 2: စက်တင်ဘာ ၂၇ ရက် (စနေနေ့) | မနက် ၁၀:၀၀ မှ နေ့လယ် ၂:၀၀
နေရာ: Goethe-Institut Myanmar, ဗဟန်းမြို့နယ်

နှစ်ရက်လုံးတွင် European Food Corner၊ Painting Corner နှင့် ကလေးများအတွက် အစီအစဥ်များကိုပါ တက်ရောက်နိုင်မည်ဖြစ်သည်။

သင့်အား ကြိုဆိုဖိတ်ခေါ်အပ်ပါသည်။

Goethe-Institut မြန်မာတွင် ဂျာမန်စကားကိုစနစ်တကျစတင်သင်ယူပါ။ ကျွန်ုပ်တို့၏ဂျာမန်ဘာသာစကားသင်တန်းများကို  ဥရောပဘာသာစကားဆိုင်ရာစံချိန်စံနှုန်းမူဘောင် (GER) နှင့်အညီ အဆင့် (၆)ဆင့်အပေါ်တွင်အခြေခံထားပါသည်။ ထို့ကြောင့် ကျွန်ုပ်တို့၏သင်တန်းများသည် နိုင်ငံတကာစံချိန်စံနှုန်းနှင့်တိုင်းတာနှိုင်းယှဥ်နိုင်ပါသည်။ Goethe-Institut မြန်မာက စက်တင်ဘာလ အတွက် (Online , In-person, Hybrid) ဂျာမန်ဘာသာစကားသင်တန်းများဖွင့်လှစ်လျက်ရှိပါသည်။သင်တန်းများကို အချိန်မရွေး နေရာမရွေး အွန်လိုင်းမှ စာရင်းသွင်းခြင်း ပြုလုပ်နိုင်ပါပြီ။ စုံစမ်းမေးမြန်းလိုသည်များရှိပါက info.language.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။

သင့်ရဲ့ဂျာမန်ဘာသာစကားအရည်အသွေးကိုသက်သေပြရန် ကမ္ဘာတဝှမ်းကအသိအမှတ်ပြုသောအောင်လက်မှတ်တစ်ခုလိုအပ်နေပါသလား။?

Goethe-Institut ၏ဘာသာစကားအောင်လက်မှတ်သည် ဂျာမန်ဘာသာစကားစွမ်းရည်ကိုမှတ်ကျောက်တင်ရန် ကမ္ဘာတဝှမ်းကအသိမှတ်ပြုသည့်အောင်လက်မှတ်ဖြစ်ပါသည်။ Goethe-Institut မြန်မာက စက်တင်ဘာလ အတွက် Goethe-Zertifikat စာမေးပွဲများကို ကျင်းပမည်ဖြစ်ပါသည်။ စာမေးပွဲများကို အချိန်မရွေး၊ နေရာမရွေး အွန်လိုင်းမှ စာရင်းသွင်းခြင်း ပြုလုပ်နိုင်ပါပြီ။  စုံစမ်းမေးမြန်းလိုသည်များရှိပါက info.exam.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။

Goethe-Institut Myanmar စာကြည့်တိုက် မှာ အစီအစဉ်သစ်တစ်ခုလာပါတော့မယ် !

AIESEC Myanmar နဲ့ ပူးပေါင်းပြီး တင်ဆက်လိုက်တဲ့ Youth Dialogue Lab ဟာ လူငယ်တွေရဲ့ အသံတွေနဲ့ စူးရှထက်မြက်တဲ့ အတွေးအခေါ်တွေ ဆုံစည်းရာ နေရာတစ်ခု ဖြစ်လာမှာပါ။ ဒါဟာ အပြောင်းအလဲတွေ ဖော်ဆောင်ဖို့ အသင့်ရှိနေတဲ့ လူငယ်တွေအတွက် သီးသန့်ဖန်တီးထားပြီး ရင်းနှီးချိတ်ဆက်မှု၊ ပြောဆိုဆွေးနွေးမှုနဲ့ ဖန်တီးမှုတွေနဲ့ ပြည့်နှက်နေမယ့် နှစ်နာရီတာ အစီအစဉ်တစ်ခု ဖြစ်ပါတယ်။

ပထမဆုံးအကြိမ် ကျင်းပပြုလုပ်မယ့် Youth Dialogue Lab မှာ ပါဝင်ဖို့အတွက် အစီအစဉ်အသေးစိတ်တွေကို စောင့်မျှော်ပေးကြပါဦးနော်။

ကျွန်ုပ်တို့စာကြည့်တိုက်ရှိ ကလေးနှင့်လူငယ်အစီအစဥ်၏ Tech Try Out Program မှ ပြန်လည်ကြိုဆိုလိုက်ပါတယ်။ သြဂုတ်လတွင် နည်းပညာကိုစိတ်၀င်စားကြသောကလေးငယ်များအတွက် အသက်အရွယ်အုပ်စုနှစ်ခုခွဲ၍ 3D Modelling and Design Trial Workshop ကိုမိတ်ဆက်ပေးခဲ့ပါတယ်။ ဒီတစ်‌ခေါက်မှာတော့ ကွန်ပြူတာကို ထိန်းချုပ်ခိုင်းစေဆက်သွယ်နိုင်ဖို့ လူနဲ့ computer ကြား  အသုံးပြုသည့်ဘာသာစကားတစ်ခု ဖြစ်တဲ့ Block-Based Coding ကို လက်တွေ့လေ့လာနိုင်မှာဖြစ်ပါတယ်။
 
ယခု ပြုလုပ်မယ့် Trial Workshop ကို CIY.Club Myanmar မှ ဦးဆောင်သွားမှာဖြစ််ပြီး စက်တင်ဘာလ (၁၈)၊ ၂၀၂၅ တွင် ကျင်းပမှာဖြစ်ပါတယ်။ ဒီအစီအစဥ်လေးကို အသက် ၁၃ နှစ်မှ ၁၇ နှစ်အရွယ်လူငယ်များပါ၀င်နိုင်မှာဖြစ်ပြီး Trial Workshop  ဖြစ်တာကြောင့် ကွန်ပျူတာအ‌ခြေခံမရှိလည်း သင်ယူလို့ရပါတယ်။

ဂျာမန်ဘာသာစကား သင်ယူနေတဲ့သူတွေ စာဖတ်စွမ်းရည် တိုးတက်လာစေရန်နှင့် စကားလုံးဝေါဟာရများ ပိုကြွယ်၀လာစေရန် လစဥ်ကျင်းပပြုလုပ်တဲ့ “Reading Club/Leseclub’’ လေး ရောက်ရှိလို့လာပါပြီ။

စိတ်၀င်စားလို့ ပါ၀င်ချင်တယ်ဆိုရင်တော့ biblio-yangon@goethe.de သို့ အမည်၊ ဖုန်းနံပါတ်၊ မိမိရဲ့ ဂျာမန် level ကို အီးမေးလ်ပေးပို့ပြီး စာရင်းပေးသွင်းနိုင်ပါတယ်။

လစဥ်ကျင်းပနေကြဖြစ်တဲ့ "Learning Advisory" Programလို့ ခေါ်တဲ့ "Lernberatung အစီအစဉ်လေးမှာ (လူကိုယ်တိုင်ဖြစ်ဖြစ်၊ အွန်လိုင်းကနေဖြစ်ဖြစ်) ပါ၀င်ချင်တယ်ဆိုရင်တော့ biblio-yangon@goethe.de သို့ အမည်၊ဖုန်းနံပါတ်၊ မိမိရဲ့ ဂျာမန် level၊ မိမိမေးလိုသည့် အကြောင်းအရာ နှင့် မိမိတက်ရောက်လိုသည့်ရက် တို့ကို အီးမေးလ်ပေးပို့ပြီး အခုပဲ စာရင်းပေးလိုက်တော့နော်။

ပိုမိုလေ့လာရန် (လူကိုယ်တိုင်အစီအစဉ်)
ပိုမိုလေ့လာရန် (အွန်လိုင်းအစီအစဉ်)