Goethe-Institut Myanmar

Goethe-Institut မြန်မာမှာ ပြုလုပ်လျက်ရှိနေတဲ့ ယဉ်ကျေးမှုအစီအစဉ်များ၊ သင်တန်းများ၊ ဆွေးနွေးပွဲများ နဲ့ အမျိုးမျိုးသော အစီအစဉ်တွေမှာ အမျိုးသမီးတွေရဲ့ အခန်းကဏ္ဍ၊ အရေးပါမှုနဲ့ သူတို့ရဲ့ အသံတွေကို အစဉ်တစ်စိုက် ထည့်သွင်းစဉ်းစားလျက်ရှိပါတယ်။

မတ်လ ၈ ရက်နေ့ မှာ ကျရောက်သော နိုင်ငံတကာအမျိုးသမီးများနေ့ ကို ဂုဏ်ပြုသောအားဖြင့် Goethe-Institut မြန်မာမှာလည်း ရှေ့နှစ်များနည်းတူ International Women’s Day ကို ကြိုဆိုသော အစီအစဉ်များကို ပြုလုပ်သွားမှာဖြစ်ပါတယ်။လွယ်ကူရိုးရှင်းတဲ့ မိမိကိုယ်မိမိ ဂရုစိုက်ခြင်းနည်းလမ်းများ၊ အဓိပ္ပာယ်ရှိသော မျှဝေဖလှယ်မှုများကို ဖန်တီးရန် နှင့် အလေ့အကျင့်ကောင်းများကို ရေရှည် လက်တွေ့အသုံးချနိုင်စေရန် ရည်ရွယ်ထားသော စိတ်ဝင်စားဖွယ် အစီအစဉ်များကို ကျင်းပပြုလုပ်သွားမှာဖြစ်ပါတယ်။
 
IWD 26 ရဲ့ အစီအစဉ်များကို ကျွန်ုပ်တို့ ၏ လူမှုကွန်ယက်စာမျက်နှာများစောင့်ကြည့်သွားဖို့ သတင်းကောင်းပါးလိုက်ရပါတယ်။

Academy of Care (AoC) သည် ၂၀၂၆–၂၀၂၉ လုပ်ငန်းကာလသစ် သို့ ဝင်ရောက်လာပြီဖြစ်ပြီး၊ ဥရောပသမဂ္ဂ (European Union) အထောက်အပံ့ဖြင့် Goethe-Institut Myanmar သည် မိတ်ဖက်အဖွဲ့အစည်းနှင့်အတူ AoC အဖွဲ့ကို တိုးချဲ့ဖွဲ့စည်းလျက်ရှိပါတယ်။

ဖေဖော်ဝါရီလတွင် စတင်ခဲ့သော ဝန်ထမ်းခေါ်ယူရေးလုပ်ငန်းစဉ်အပြီး၊ ယခုအချိန်တွင် ထပ်မံသော ရာထူးအခွင့်အလမ်းများအတွက် လျှောက်ထားမှုများကို ဖိတ်ခေါ် လိုက်ပါတယ်။။ ဤလုပ်ငန်းကာလအတွင်း အတွေ့အကြုံအဆင့်အမျိုးမျိုးနှင့် ကဏ္ဍအမျိုးမျိုးမှ ပညာရှင်များအတွက် အလုပ်အကိုင်အခွင့်အလမ်းများ ဆက်လက် ဖိတ်ခေါ်လျက်ရှိပါတယ်။

အသစ်ထပ်မံကြေညာမည့် အလုပ်အကိုင်အခွင့်အလမ်းများကို သိရှိနိုင်ရန် ကျွန်ုပ်တို့၏ လူမှုကွန်ယက်စာမျက်နှာများ နှင့် ဝက်ဘ်ဆိုဒ်ရဲ့  Career (အလုပ်အကိုင်အခွင့်အလမ်း) အပိုင်းကိုဆက်လက် စောင့်ကြည့်ကြပါရန် ဖိတ်ခေါ်အပ်ပါတယ်။

Goethe-Institut Myanmar နှင့် School of Contemporary Art (SoCA) တို့ ပူးပေါင်းဆောင်ရွက်သော Curious Academy Myanmar အစီအစဉ်သည် သင်ခန်းစာများ၊ အလုပ်ရုံဆွေးနွေးပွဲများကို ၂၀၂၅ ခုနှစ် ဒီဇင်ဘာလမှ ၂၀၂၆ ခုနှစ် ဖေဖော်၀ါရီလအထိ ပြုလုပ်လာခဲ့ပါသည်။

သင်ခန်းစာနှင့် အစီအစဉ်များအားလုံး ပြီးဆုံးပြီးနောက်တွင်တော့ အစီအစဉ်တစ်လျှောက်ပါ၀င်ခဲ့ကြသူများ၏ ဆွေးနွေးမှုများ၊ လက်တွေ့လေ့လာခဲ့ကြသည်များနှင့် အတွေ့အကြုံများကို ပြန်လည်မျှ၀ေသည့် အစီအစည်တစ်ရပ်ကို မတ်လ ၆ ရက်နေ့တွင် Goethe-Institut Myanmar ၏ ပြပွဲခန်းမတွင် လုပ်ဆောင်သွားမည်ဖြစ်ပါသည်။ အစီအစဉ်အသေးစိတ်ကို Goethe-Institut Myanmar ၏ လူမှုကွန်ယက်စာမျက်နှာများတွင် မကြာမီထုတ်ပြန်သွားမည်ဖြစ်ပါသည်။

အနုပညာစီမံကိန်းနှင့်၊ လက်ရာများ ထုတ်လုပ်နိုင်ရန်အတွက် ၂၀၂၆ ခုနှစ် မေလတွင် ထုတ်ပြန်ခဲ့သည့် Present Grounds စီမံကိန်းမှ ထွက်ရှိလာသောလက်ရာများကို ၂၀၂၆ ခုနှစ် မတ်လတွင် Goethe-Institut မြန်မာ၏ ပြပွဲခန်းမတွင်ပြုလုပ်သွားမည်ဖြစ်ပါသည်။

လူ့အဖွဲ့အစည်းနှင့် ချိတ်ဆက်လုပ်ကိုင်ပြီး၊ လူ့အဖွဲ့အစည်းတွင်းမှ အကြောင်းအရာများကို အနုပညာမြောက် ရှာဖွေဖော်ထုတ်တင်ပြသည့် လက်ရာများကို ပြသသွားမှာ ဖြစ်ပြီး အစီအစဉ်အသေးစိတ်များကို ဆက်လက်ဖော်ပြသွားမည်ဖြစ်ပါသည်။

ဂျာမန်သင်တန်းကျောင်း (Goethe-Institut Myanmar) သည် ၎င်း၏ ဘာသာစကားသင်တန်းများနှင့် စာမေးပွဲများကို တိုးချဲ့ရန်အတွက် ဂျာမန်ဘာသာကို နိုင်ငံခြားဘာသာအဖြစ် သင်ကြားပေးနိုင်ရန် စိတ်ဝင်စားသော မြန်မာနိုင်ငံမှ တက္ကသိုလ်ဘွဲ့ရသူများကို ရှာဖွေနေပါသည်။ ဂျာမန်ဘာသာစကားသင်ကြားမှုနှင့် စာမေးပွဲစစ်ဆေးမှုများအတွက် ရန်ကုန်နှင့် မန္တလေးမြို့များတွင် တာဝန်ထမ်းဆောင်ရမည့်အလုပ်အကိုင်အတွက်ဖြစ်ပါသည်။

မေလမှာ Goethe-Institut Myanmar မှ Term 3 အတွက် ဂျာမန်ဘာသာ သင်တန်းများကို ပြန်လည်ဖွင့်လှစ်သွားပါမည်။
 
Goethe-Institut မြန်မာတွင် ဂျာမန်စကားကိုစနစ်တကျစတင်သင်ယူပါ။ ကျွန်ုပ်တို့၏ဂျာမန်ဘာသာစကားသင်တန်းများကို  ဥရောပဘာသာစကားဆိုင်ရာစံချိန်စံနှုန်းမူဘောင် (GER) နှင့်အညီ အဆင့် (၆)ဆင့်အပေါ်တွင်အခြေခံထားပါသည်။ ထို့ကြောင့် ကျွန်ုပ်တို့၏သင်တန်းများသည် နိုင်ငံတကာစံချိန်စံနှုန်းနှင့်တိုင်းတာနှိုင်းယှဥ်နိုင်ပါသည်။ သင်တန်းများကို အချိန်မရွေး နေရာမရွေး အွန်လိုင်းမှ စာရင်းသွင်းခြင်း ပြုလုပ်နိုင်ပါပြီ။ စုံစမ်းမေးမြန်းလိုသည်များရှိပါက info.language.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။

စာရင်းသွင်းရန်: A1.1 - (20.03.-27.03.2026)
စာရင်းသွင်းရန်: A1.2 - B2.2 - (09.04.-24.04.2026)
 
ဂျာမန်ဘာသာကို စတင်လေ့လာပြီး သင်၏ ရည်မှန်းချက်များသို့ ခြေလှမ်း တစ်လှမ်း ပိုမိုနီးကပ်အောင်သွားလိုက်ပါ။

Goethe-Institut Myanmar မှ အောက်ဖော်ပြပါ ရာထူးနေရာအတွက် အတွေ့အကြုံရှိပြီး စာကြည့်တိုက်နှင့် သတင်းအချက်အလက် ၀န်ဆောင်မှုပိုင်းဆိုင်ရာ အခန်းကဏ္ဍများ တိုးတက်စေရန် စိတ်အားထက်သန်သူများထံမှ လျှောက်လွှာများကို ဖိတ်ခေါ်အပ်ပါသည်။

ဤအလုပ်ရာထူးတွင် စီမံကိန်းနည်းဗျူဟာများ ရေးဆွဲခြင်း၊ ဆန်းသစ်သော စာကြည့်တိုက် ၀န်ဆောင်မှုများပံ့ပိုးပေးခြင်း၊ အသင်းအဖွဲ့ ခေါင်းဆောင်မှု နှင့် စာကြည့်တိုက် အသုံးပြုသူများအပေါ် ရှေးရူသည့် အရည်အသွေးမြင့်မားသော စာကြည့်တိုက်ဖြစ်စေရန် အခြား‌သောမိတ်ဖက်အဖွဲ့အစည်းများနှင့် ပူးပေါင်းလက်တွဲခြင်းတို့ကို အဓိက လုပ်ဆောင်ရန် လိုအပ်ပါသည်။

အလုပ်ခေါ်စာနှင့်ပတ်သက်သည့် အသေးစိတ်အချက်အလက်များ ၊ အလုပ်လျှောက်လွှာတင်နည်း အဆင့်ဆင့်တို့ကို အောက်ဖော်ပြပါလင့်ခ်မှ တဆင့် ၀င်ရောက်လေ့လာနိုင်ပါသည်။

Screen Time လျှော့ပြီး “We Time” လေး တစ်ခါလောက် ကောင်းကောင်းဖန်တီးချင်ကြပါသလား? ဒါဆိုရင် Family Punch Needle Workshop ကို မိသားစုနဲ့အတူ ပျော်ပျော်ရွှင်ရွှင် ပါဝင်ဖို့ ဖိတ်ခေါ်ပါတယ်။

ဒီအစီအစဉ်ကို မိသားစုများ အတူတကွ အမှတ်တရကောင်းများ ဖန်တီးရင်း ချိတ်ဆက်နိုင်ဖို့ ရည်ရွယ်ပြီး စီစဉ်ထားပါတယ်။ အသက် ၇ နှစ်နှင့်အထက် ကလေးများနှင့် ၎င်းတို့၏ မိဘ/အုပ်ထိန်းသူ တစ်ယောက်စီ ပါဝင်နိုင်ပြီး လှပသော လက်ရာလေးတစ်ခုကို ဖန်တီးရင်း တန်ဖိုးရှိတဲ့ အချိန်ကောင်းလေးရရှိနိုင်မယ့်အခွင့်အရေးပါ။

Punch needling ဆိုတာက “ချည်ဖြင့် အရောင်ဖြည့်ရေးဆွဲခြင်း” လိုပါပဲ။ ကလေးများအတွက် အာရုံစူးစိုက်မှုကို တိုးမြှင့်ပေးပြီး ဖန်တီးမှုစွမ်းရည်ကို လှုံ့ဆော်ပေးသလို ကိုယ်တိုင်လုပ်ထားတဲ့ လှပတဲ့ လက်ရာလေးပြီးဆုံးတဲ့အခါ အောင်မြင်မှုကို ဂုဏ်ယူစွာ ခံစားရစေပါတယ်။ လူကြီးများအတွက်လည်း နားချိန်ယူပြီး ကလေးများနဲ့အတူ စကားပြောရင်း အဓိပ္ပါယ်ရှိတဲ့ လက်ရာတစ်ခု ဖန်တီးကာ ပျော်စရာတွေ ယူဆောင်လာတဲ့ အမိုက်စား Guardian ဖြစ်လိုက်ပါနော်။

Punch needle က စတင်လေ့လာသူများအတွက် အလွန်လွယ်ကူပါတယ်။ ဘောပင်ကို ကိုင်နိုင်ရင် ဒါလေးကိုလည်း လုပ်နိုင်ပါတယ်! လိုအပ်တဲ့ ပစ္စည်းများကို ကျွန်ုပ်တို့ဘက်က ပြင်ဆင်ပေးထားပါတာကြောင့် သင်တို့ဘက်က လက်တွေ့လုပ်ကြည့်လိုစိတ်ဖြင့်သာ ပါ၀င်အားဖြည့်ပေးဖို့လိုပါတယ်။

မှတ်ချက် – နေရာကန့်သတ်ချက်ကြောင့် ကလေးတစ်ယောက်လျှင် အုပ်ထိန်းသူ တစ်ယောက်သာ လက်ခံနိုင်ပါသည်။

ဝင်ကြေးအခမဲ့ဖြစ်ပြီး၊ လူဦးရေကန့်သတ်ထားတာမို့   ခုပဲ အမည် (ကလေးနှင့်အုပ်ထိန်းသူ)၊ အသက်၊ ဖုန်းနံပါတ် တို့ကို  biblio-yangon@goethe.de မှတစ်ဆင့် စာရင်းပေးသွင်းနိုင်ပါပြီ။

မတ်လ ၂၀ ရက်နေ့တွင် ကျွန်ုပ်တို့၏ စာကြည့်တိုက် ၌ ကျင်းပမည့် Deutsch-Meisterschaft တွင် ပါဝင်ဖို့ဖိတ်ခေါ်ချင်ပါတယ်။

ဒီဂိမ်းလေးက မိမိတို့ရဲ့ အထွေထွေဗဟုသုတနှင့် ဂျာမန်ဘာသာစကား ကျွမ်းကျင်မှုကို စမ်းသပ်ပေးမှာဖြစ်ပါတယ်။  သမိုင်း၊ ပထဝီဝင်၊ လူမှုရေး၊ စကားအသုံးအနှုန်းများ၊ ပတ်ဝန်းကျင်နှင့် အားလပ်ချိန်ဆိုင်ရာ အစရှိတဲ့မေးခွန်းခေါင်းစဉ်များ ပါဝင်ပါတယ်။ A2–B1 အဆင့် ဂျာမန်စာသင်ယူသူများအတွက် သင့်တော်ပြီး ဝေါဟာရကြွယ်စေရန်နှင့် သဒ္ဒါဖွဲ့စည်းပုံများကို ‌လေ့လာရာတွင်အထောက်အကူပြုပါတယ်။ ဂျာမန်ဘာသာနှင့် ယဉ်ကျေးမှုဆိုင်ရာ အသိပညာများကို ပိုမိုနက်ရှိုင်းစွာ လေ့လာနိုင်မည့် အခွင့်အရေးတစ်ခုဖြစ်တဲ့ ဒီ Board Game Day လေးကို သူငယ်ချင်းတွေနဲ့ တူတူဆော့ဖို့ biblio-yangon@goethe.de သို့ အမည်၊  ဖုန်းနံပါတ်၊ မိမိရဲ့ ဂျာမန် level ကိုအီးမေးလ်ပေးပို့ပြီး ခုပဲ စာရင်းပေးလိုက်တော့နော်။

ဂျာမန်ဘာသာစကား သင်ယူနေတဲ့သူတွေ စာဖတ်စွမ်းရည် တိုးတက်လာ‌စေရန်နှင့် စကားလုံး‌ဝေါဟာရများ ပိုကြွယ်၀လာ‌စေရန်  လစဥ်ကျင်းပပြုလုပ်တဲ့ “Reading Club/Leseclub’’ လေး ရောက်ရှိလို့လာပါပြီ။

ဒီလရဲ့ အစီအစဥ်လေးက B1 Level အတွက်ဖြစ်ပြီး  ဆရာမနဲ့အတူတူ (၂) ချိန်စလုံး စာအုပ်တစ်အုပ်တည်းကို ဖတ်ကြမှာဖြစ်ပါတယ်။ ဒါ‌ကြောင့်  (၂) ရက်စလုံး ပါ၀င်ပေးနိုင်မှသာ ထိ‌ရောက်တဲ့ စာဖတ်ခြင်း အလေ့အထကောင်းကို ပိုင်ဆိုင်နိုင်မှာဖြစ်ပါတယ်။  ဒါဆို ၀ါသနာတူသူငယ်ချင်းတွေနဲ့စာတူတူဖတ်ကြရင်း အတွေးအမြင်လေးတွေ ‌‌ ဝေမျှဖို့  ဖိတ်ခေါ်ပါရစေနော်။

စိတ်၀င်စားလို့ ပါ၀င်ချင်တယ်ဆိုရင်တော့ biblio-yangon@goethe.de သို့ အမည်၊  ဖုန်းနံပါတ်၊ မိမိရဲ့ ဂျာမန် level ကိုအီးမေးလ်ပေးပို့ပြီး စာရင်းပေးသွင်းနိုင်ပါတယ်။

"Learning Advisory" Programလို့ ခေါ်တဲ့ "Lernberatung" အစီအစဉ်မှာ သင့်ရဲ့ ဂျာမန်စာလေ့လာမှုနဲ့ ပတ်သက်ပြီး ရင်ဆိုင်နေရတဲ့ အခက်အခဲတွေ၊ ပြဿနာတွေကို Goethe-Institut Myanmar မှ ဆရာ/ဆရာမကနေ ဆွေးနွေးအကြံပြုပေးသွားမှာ ဖြစ်ပါတယ်။ ဒီလရဲ့ ''Lernberatung'' အစီအစဉ်ကတော့ A1-level အတွက်ဖြစ်ပြီး ဂျာမန်ဘာသာစကား လေ့လာနေသူများအတွက် ဖတ်ရှုသင့်တဲ့ စာအုပ်တွေ၊ online resources တွေ၊ ကိုယ့် level နဲ့ ကိုက်ညီမယ့် အကြံပြုချက်တွေကို ဆွေးနွေးအကြံပြုပေးသွားမှာပဲ ဖြစ်ပါတယ်။

စာကြည့်တိုက်သို့လူကိုယ်တိုင်မလာရောက်နိုင်သူတွေအတွက်လည်းပါ၀င်မေးမြန်းလို့ရအောင် virtual online session ကိုလည်း ထည့်သွင်းစီစဉ်ပေးထားပါတယ်။

ဒီအစီအစဉ်လေးမှာ ပါ၀င်ချင်တယ်ဆိုရင်တော့ biblio-yangon@goethe.de သို့ အမည်၊ ဖုန်းနံပါတ်၊ မိမိရဲ့ ဂျာမန် level၊ မိမိမေးလိုသည့် အကြောင်းအရာ နှင့် ဖော်ပြပါရက်များမှ မိမိတက်ရောက်လိုသည့် session (19.Mar.2026-In person OR  26.Mar.2026-Zoom Meeting) စသည်တို့ကိုအီးမေးလ်ပေးပို့ပြီး အခုပဲ စာရင်းပေးလိုက်တော့နော်။