воркшоп мастацкага калектыву eeefff
Algorithmic solidarity: can colonialism be encoded into algorithms?

воркшоп мастацкага калектыву eeefff

Ндз, 24.03.2024
04:00 - 20:00 ACUD Club

Воркшоп мастацкага калектыву eeefff запрашае ўдзельні_ц увайсці ва ўяўную грамадскую прастору, у якой шукаюцца сляды расійскіх каланіяльных адносін з Беларуссю і іншымі рэгіёнамі. Асноўны фокус гэтага воркшопа – гвалт праз інфраструктуру і спосабы знайсці шлях да «алгарытмічнай салідарнасці».

У ім будзе разгледжаная нядаўняя ўцечка зыходнага кода ад найбуйнейшай расійскай ІТ-кампаніі, вельмі блізкай да расійскага ўрада. Зыходныя коды кампаніі Яндэкс былі скапіяваныя ў ліпені 2022 года і апублікаваныя ў Інтэрнэце 25 студзеня 2023 года. Памер уцечкі складае 44,71 гігабайта. Мастацкі дуэт Eeefff прапануе разам паглыбіцца ў код і яго розныя інтэрпрэтацыі.

Ніякіх ведаў па праграмаванні або іншых папярэдніх ведаў не патрабуецца. Eeefff будзе кіраваць сесіяй і падрыхтуе інструмент для пошуку ў кодзе.

Пра eeefff:

eeefff (Мінск/Берлін) – мастацкі калектыў / вынайдзеная ўстанова / кібернетычная палітычная брыгада / паэтычныя разлікі / хакерская адзінка / квір-час. Яны не з 'яўляюцца нічым з гэтага, ні ўсім разам узятым. eeefff дзейнічае з 2013 года і стварае праекты і публікацыі на аснове праграмнага забеспячэння альбо стварае сеткі і платформы, якія крытычна падыходзяць да лічбавай працы, стварэння каштоўнасцей і стварэння супольнасці. Іх метады ўключаюць: публічныя акцыі, анлайн-інтэрвенцыі, воркшопы, узлом праграмнага і апаратнага забеспячэння, праектаванне асяроддзя і харэаграфію сацыяльных сітуацый. Яны з 'яўляюцца суарганізатар_камі некалькіх мерапрыемстваў, спейсаў і агенцтваў, у тым ліку: Work Hard! Play Hard!, Flying Cooperation, School of Algorithmic Solidarity. «Школа алгарытмічнай салідарнасці» прысвечана інфраструктуры каланіялізму і інфраструктуры салідарнасці, якая ёй супрацьстаіць. Яна, у прыватнасці, апякуецца інфраструктурным часам, алгарытмічнымі абстракцыямі і целамі. Па форме гэта можа быць калектыўны досвед /радыкальная адукацыйная практыка / шпацыр да пэўнага месца / пратакол ролевай гульні LARP / лічбавая згуртаванасць / сітуацыя з адкрытым фіналам / афектыўная зона часовага навучання. Больш падрабязную інфармацыю можна знайсці тут: https://eeefff.org/