KinoFest ဂျာမန်ရုပ်ရှင်ပွဲတော်ကို ဒုတိယအကြိမ်မြောက် Goethe-Institut ကစီစဉ်တင်ဆက်လိုက်ပါပြီ။ ဤရုပ်ရှင်ပွဲတော်ကို ၂၀၂၃ ခုနှစ်၊ စက်တင်ဘာလမှ နိုဝင်ဘာလအတွင်း ပြသသွားမည်ဖြစ်သည်။ အရှေ့တောင်အာရှရှိ Goethe-Institut (၈) ခုတို့ကအတူပူးပေါင်းပြီး ၂၀၂၁ မှ ၂၀၂၃ ခုနှစ်အတွင်း ရုပ်ရှင်များကို စုစည်းတင်ဆက်သွားမည်ဖြစ်သည်။ မြန်မာတွင်လည်း Goethe-Institut မြန်မာ ပွဲခန်းမတွင် အောက်တိုဘာလ (၁) ရက်နေ့မှ (၁၅) ရက်နေ့ထိ KINOFEST 2023 ဂျာမန်ရုပ်ရှင်များကို ပြသသွားမည်ဖြစ်ပါသည်။

သင့်ရဲ့ စိတ်ခံစားမှုတွေကို စူးစမ်းဖို့၊ သင့်ရဲ့ အတွင်းစိတ်တွေကို ချိတ်ဆက်ပြီး ပြောင်းလဲသစ်လွင်နေတဲ့ခရီးကို စတင်ဖို့အတွက် ဓာတ်ပုံရဲ့ စွမ်းအားကို အသုံးချဖို့ အဆင်သင့်ဖြစ်ပြီလား? ဒီလိုဆိုရင်တော့ ကျွန်ုပ်တို့ရဲ့ "Photo Therapy" Workshop ဖြစ်တဲ့ ဓာတ်ပုံအနုပညာနဲ့ ချိတ်ဆက်ထားတဲ့ စိတ်ခံစားချက်တွေကို ဖော်ပြဖို့၊ ကုစားဖို့ ရည်ရွယ်ထားတဲ့ ဒီအလုပ်ရုံဆွေးနွေးပွဲက သင့်ကို စောင့်မျှော်နေပါတယ်။ ဒီအလုပ်ရုံဆွေးနွေးပွဲကတော့ Goethe-Institut Myanmar မှ ကြီးမှူးကျင်းပနေတဲ့ "ထင်ဟပ်မျှ၀ေ တွဲလက်တွေ" (ဒုတိယပိုင်း) „Program of Care 2.0” ရဲ့ နောက်ဆုံးပိတ် သတ္တမမြောက်အလုပ်ရုံဆွေးနွေးပွဲပဲ ဖြစ်ပါတယ်။ 

(၁၀) ရက်ကြာ ပြုလုပ်မယ့် ဒီအလုပ်ရုံဆွေးနွေးပွဲမှာတော့ အမြင်ဆိုင်ရာ ဇာတ်ကြောင်းပြောခြင်းနှင့် အနုပညာဓာတ်ပုံဆိုင်ရာ နည်းပညာများကို လေ့လာရမှာ ဖြစ်ပြီး၊ ကျွမ်းကျင်သော ဓာတ်ပုံပညာနယ်ပယ်မှ ပညာရှင်များမှ အလုပ်ရုံဆွေးနွေးပွဲတစ်လျှောက်တွင် တစ်ဦးချင်း လမ်းညွှန်မှုနှင့်အတူ ပိုမိုအသုံး၀င်ပြီး အကူအညီပေးနိုင်မယ့် အကြံပြုချက်များကို ပေးဆောင်သွားမှာ ဖြစ်ပါတယ်။ ပါဝင်တက်ရောက်သူတိုင်းသည် ဓာတ်ပုံများကနေတစ်ဆင့် သူတို့ဘ၀ရဲ့ ရှုထောင့်များစွာကို အာရုံစိုက်ပြီး၊ ခံစားချက်များကို ဖော်ပြဖို့၊ သူတို့ရဲ့ ကိုယ်ပိုင် self-identity ကို စူးစမ်းဖို့ အခွင့်အရေးများ ရရှိမှာဖြစ်ပါတယ်။ 

Goethe-Institut မြန်မာက ပြုလုပ်နေတဲ့ Expanded Curatorial Practice and Exhibition Making စီမံကိန်းဟာဆိုရင် သင်တန်းကာလအားလုံးပြီးဆုံးသွားခဲ့ပြီဖြစ်ပါတယ်။ သင်တန်းကာလ ပြီးဆုံးတဲ့အချိန်မှာ တက်ရောက်ခဲ့သူ (၁၆) ယောက်ကို curatorial team (၄) ဖွဲ့ အဖြစ် ပြန်လည်ဖွဲ့စည်းပြီး သက်ဆိုင်ရာ curatorial project များကို co-curate ပြုလုပ်နိုင်ရန်အတွက် ရံပုံငွေအသီးသီး ပေးအပ်ခဲ့ပြီးဖြစ်ပါတယ်။ curatorial team အသီးသီးကနေထွက်လာတဲ့ အနုပညာပြပွဲတွေ၊ အစီအစဉ်တွေကို အဆိုပါ မိတ်ဖက်ပြခန်း (၄) နေရာမှာ အသီးသီးကျင်းပ ပြုလုပ်သွားမှာ ဖြစ်ပါတယ်။
 

ဂျာမနီနိုင်ငံကိုစိတ်ဝင်စားပါသလား။ ဂျာမနီတွင် ရေရှည် (သို့) ရေတို နေထိုင်ရန်၊ ပညာသင်ကြားရန်၊ အလုပ်လုပ်ကိုင်ရန် စဉ်းစားကြည့်ဖူးပါသလား။ သို့ဆိုလျှင် ကျွန်ုပ်တို့၏ „Study in Germany” ပွဲကကြိုဆိုပါသည်။
ဤပွဲအစီအစဉ်ကို (၂၀၂၂) နိုဝင်ဘာလ (၂၆) ရက် နေ့လည် (၁) နာရီခွဲမှညနေ (၆း၁၅) အထိ Goethe-Institut မြန်မာတွင်ကျင်းပပြုလုပ်သွားမည်ဖြစ်သည်။ 
- ဂျာမနီသံရုံး၊ DAAD နှင့် Goethe-Institut မြန်မာတို့မှ ကိုယ်စားလှယ်များက သတင်းအချက်အလက်တင်ဆက်မှုနှင့် „Study in Germany“ အကြောင်းအမေးအဖြေကဏ္ဍများပါဝင်မည်ဖြစ်သည်။
- ဂျာမန်တက္ကသိုလ်များတွင် လက်ရှိပညာသင်ကြားနေသော ကျောင်းသားများမှလည်း သူတို့၏ကိုယ်ပိုင်အတွေ့အကြုံများကိုမျှဝေပေးသွားမည်ဖြစ်သည်။ 
ခုံအရေအတွက်ကန့်သတ်ထားသည်ဖြစ်သောကြောင့် LSO.yangon.mmr@goethe.de သို့ အီးမေးလ်ပေးပို့ပြီး နိုဝင်ဘာလ (၁) ရက်နေ့မှ (၂၅) ရက်နေ့အတွင်း စာရင်းပေးသွင်းပါရန်ပန်ကြားအပ်ပါသည်။

Goethe-Institut မြန်မာတွင် ဂျာမန်စကားကိုစနစ်တကျစတင်သင်ယူလိုက်ပါ။ ကျွန်ုပ်တို့၏ဂျာမန်ဘာသာစကားသင်တန်းများကို ဥရောပဘာသာစကားဆိုင်ရာ စံချိန်စံနှုန်းမူဘောင် (GER) နှင့်အညီ အဆင့်ခြောက်ဆင့်အပေါ်တွင်အခြေခံထားပါသည်။ ထို့ကြောင့် ကျွန်ုပ်တို့၏သင်တန်းများသည်  နိုင်ငံတကာစံချိန်စံနှုန်းနှင့်တိုင်းတာနှိုင်းယှဥ်နိုင်ပါသည်။ Goethe-Institut မြန်မာက နိုဝင်ဘာလအတွက် ဂျာမန်ဘာသာစကားသင်တန်းများဖွင့်လှစ်လျှက်ရှိပါသည်။ စာရင်းပေးသွင်းရမည့်ကာလမှာ ၂၄၊၁၀၊၂၀၂၂ မှ ၆၊၁၁၊၂၀၂၂ အထိဖြစ်ပြီး စုံစမ်းမေးမြန်းလိုသည်များရှိပါက info.language.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။
 

သင့်ရဲ့ဂျာမန်ဘာသာစကားအရည်အသွေးကိုသက်သေပြရန် ကမ္ဘာတဝှမ်းကအသိအမှတ်ပြုအောင်လက်မှတ်တစ်ခုလိုအပ်နေပါသလား။ Goethe-Institut ၏ဘာသာစကားအောင်လက်မှတ်သည် သင်၏ဘာသာစကားစွမ်းရည်ကိုမှတ်ကျောက်တင်ရန် ကမ္ဘာတဝှမ်းကအသိမှတ်ပြုသည့်အောင်လက်မှတ်ဖြစ်ပါသည်။ Goethe-Institut မြန်မာက နိုဝင်ဘာလအတွက် Goethe-Zertifikat စာမေးပွဲများကိုကျင်းပမည်ဖြစ်ပါသည်။ စာရင်းသွင်းကာလမှာ ၂၊၁၁၊၂၀၀၂ မှ ၁၆၊၁၁၊၂၀၂၂ ဖြစ်သည့်အတွက် ယခုပဲအချိန်စာရင်းကိုကြည့်ပြီး info.language.mmr@goethe.de ကိုအီးမေးလ်ပို့ပြီး စာရင်းပေးသွင်းနိုင်ပါပြီ။
 

ဘာသာပြန် မျိုးဆက်သစ်များစွာ ပေါ်ထွက်လာဖို့ နိုင်ငံတကာ စံချိန်စံညွှန်းများနဲ့အညီ ဘာသာပြန်အလေ့အကျင့်ကောင်းများရရှိစေဖို့ ရည်ရွယ်ချက်ဖြင့် ဒီဘာသာပြန် အလုပ်ရုံဆွေးနွေးပွဲကို အထင်ကရ စာပေဆိုင်ရာ အဖွဲ့အစည်းများနှင့်အတူ Goethe-Institut Myanmar မှ ပူးပေါင်းကာ ကျင်းပပြုလုပ်ခဲ့ပါတယ်။ ဂျာမန်ဘာသာမှ မြန်မာဘာသာပြန် အလုပ်ရုံဆွေးနွေးပွဲကို ဘာသာပြန်ဆိုသော အတွေ့အကြုံများစွာရှိသည့် ဆရာမကြည်သာဆွေမှ ဦးဆောင်ပြီး၊ ဂျာမန်စာရေးဆရာမ Helene Bukowski ရဲ့ ပွဲဦးထွက်လက်ရာဖြစ်တဲ့ “Milchzähne” စာအုပ်ထဲမှ အပိုင်းအချို့ကို ဂျာမန်ဘာသာမှ မြန်မာဘာသာသို့ ဘာသာပြန်ဆိုခဲ့ကြပါတယ်။ 
 

Friedrich Ani၊ Helene Bukowksi၊ Jürgen Habermas၊ Heinz Helle နှင့် Angela Steidele တို့ရဲ့ လက်ရာများအပါအ၀င် အခြားသောမီဒီယာအသစ်များ ကျွန်ုပ်တို့ရဲ့ ဂျာမန်အွန်လိုင်းစာကြည့်တိုက် “ONLEIHE” တွင် ရောက်ရှိနေပြီ ဖြစ်ကြောင်း သတင်းကောင်းလေး ပေးချင်ပါတယ်။ အခုပဲ ကျွန်ုပ်တို့ရဲ့ “ONLEIHE” မှာ အခမဲ့ငှားရမ်းဖတ်ရှုလိုက်ပါ။
 

Goethe-Institut Myanmar ရဲ့ ဘာသာစကားဌာနနဲ့ စာကြည့်တိုက်တို့မှ ပူးပေါင်းပြီး „Lernberatung” ဆိုတဲ့ အစီအစဉ်လေးကို ပြုလုပ်ပေးသွားမှာပဲ ဖြစ်ပါတယ်။ ဒီအစီအစဉ်လေးမှာတော့ ဆရာမ အိအိဖြိုး ကနေ ဂျာမန်စာလေ့လာမှုနဲ့ ပတ်သက်တဲ့ သင်တန်းသား ကျောင်းသူ၊ ကျောင်းသားများရဲ့ မေးလိုသမျှ အခက်အခဲမေးခွန်းများကို ကူညီဖြေကြားပေးသွားမှာပဲ ဖြစ်ပါတယ်။ တစ်ရက်ကို သင်တန်းသား (၆) ဦးသာ လက်ခံသွားမှာဖြစ်လို့ စိတ်ပါ၀င်စားသူ မည်သူမဆို စာကြည့်တိုက်မှာ လူကိုယ်တိုင်ဖြစ်စေ၊ အီးမေးလ် biblio-yangon@goethe.de မှတစ်ဆင့်ဖြစ်စေ အမည်၊ ဖုန်းနံပါတ်၊ မိမိရဲ့ German level နှင့် မိမိတက်ရောက်လိုတဲ့ရက်ကို ပေးပို့ပြီး ကြိုတင်စာရင်းပေးသွင်းဖို့ လိုအပ်ပါတယ်။