Pyetje të parashtruara shpesh

Nëse keni pyetje të tjera lidhur me provimet Goethe-Zertifikat A1 deri në C2, ju lutemi të informoheni në një konsultë individuale pa pagesë në një nga qendrat tona të provimeve (përfaqësitë e Goethe-Institut, Goethe-Zentrum, ose partnerët në zhvillimin e provimeve të Goethe-Institut).

Provimet e Goethe-Institut janë të hapura për të gjithë të interesuarit dhe mund të jepen pavarësisht shtetësisë që ka kandidati. Ato janë përpiluar për të certifikuar njohuritë e gjuhës gjermane si gjuhë e huaj ose si gjuhë e dytë.
Për pjesëmarrjen rekomandohet një moshë minimale.

Rregullorja e Provimeve(PDF, 351 KB)

Qendrat e provimeve përpiqen, sipas mundësive, t'u dalin në ndihmë individualisht kandidatëve me nevoja specifike (për shembull, të sëmurët kronikë ose me dëmtim të dëgjimit apo shikimit). Lloji dhe shkalla e nevojave specifike duhet të raportohen gjatë regjistrimit për provim dhe të dokumentohen me raport mjekësor. Qendra e provimeve është e detyruar të mbajë të dhënat konfidenciale të kandidatëve.

Informacione më të detajuara mund të merrni direkt në qendrën e provimeve, ku dëshironi të jepni provimin.

Plotësime të dispozitave për zhvillimin e provimit për kandidatët me nevoja specifike(PDF, 223 KB)
Informacione për kandidatët me nevoja specifike(PDF, 186 KB)

Mund të dilni nga klasa vetëm për një kohë dhe arsye të kufizuar (psh. për të shkuar në banjë). Kjo do të shënohet në “Protokollin për Zhvillimin e Provimit”.

Klasifikimin e Goethe-Zertifikat A1 deri te C2, në përputhje me Kuadrin e Përbashkët Evropian të Referencave për Gjuhët (GER), e gjeni te:

Kuadri i Përbashkët Evropian i Referencave për Gjuhët (GER)

Vërtetimet, të cilat thjesht dëshmojnë pjesëmarrjen në një kurs gjuhe, në një test njohurish, në një provim, etj., nuk janë të mjaftueshme.

Vetëm një certifikatë provimi, që dëshmon marrjen e këtij të fundit (Goethe-Zertifikat A1 deri te C2 apo Kleines oder Großes Deutsche Sprachdiplom) vlen në të gjithë botën si dëshmi e njohurive përkatëse të gjuhës gjermane si gjuhë e huaj.

Provimet Goethe-Zertifikat Goethe-Zertifikat C2: Großes Deutsches Sprachdiplom, Zentrale Oberstufenprüfung (ZOP), Kleines Deutsches Sprachdiplom dhe Großes Deutsches Sprachdiplom njihen si dëshmi të njohurive gjuhësore për të studiuar në shkollat e larta (universitetet) e Gjermanisë, pa bërë të nevojshme dhënien e provimit TestDaF ose të një provimi tjetër për studime të larta (DSH).

Për kërkesat gjuhësore për shkollën e lartë që doni të zgjidhni dhe për degën e studimit ju lutemi të informoheni pranë universiteteve përkatëse ose të kërkoni nën adresën: www.sprachnachweis.de.

Është i detyrueshëm për pjesën me shkrim të të gjitha provimeve të Goethe-Institut rregulli drejtshkrimor i vlefshëm që prej gushtit 2006. Bazë për këtë janë fjalori “DUDEN. Die deutsche Rechtschreibung” (që prej botimit 24, 2006) dhe fjalori “WAHRIG. Die deutsche Rechtschreibung” (që prej 2006).

Rregullat aktuale mund t’i gjeni në internet nën:

Duden. Die deutsche Rechtschreibung
Institut für deutsche Sprache (IDS)

Të mësuarit është një proces individual. Se sa kohë ju duhet për të arritur një nivel të caktuar varet nga faktorë të ndryshëm si dhe individualë, psh.: angazhimi, koha që investoni si dhe shfrytëzimi i burimeve të tjera për të mësuar gjuhën.

Nëse keni mësuar ndonjë apo disa gjuhë të tjera, atëherë gjermanishten përgjithësisht e mësoni më shpejt. Rol të rëndësishëm luan edhe fakti nëse merrni pjesë në një kurs gjuhe në vendin tuaj apo në Gjermani, ku mund të flisni dhe dëgjoni gjermanisht edhe jashtë mësimit.

Për procesin e të mësuarit përbën rëndësi të madhe edhe intensiteti i mësimit (kurs intensiv, kurs nate, etj.). Për këto ju lutemi të konsultoheni personalisht në një nga qendrat e provimit.

Te secili nga provimet do të gjeni material ushtrimor dhe informues:

material falas për shkarkim;
material shtesë me porosi.

Pjesërisht do të gjeni material edhe pranë zyrës së kurseve të gjuhës në përfaqësitë e Goethe-Institut më të afërt.

Për disa provime ka materiale për mësimet në distancë dhe kurse në internet.
Mëso gjermanisht nëpërmjet mësimit në distancë

Provimi, si i tëri, mund të jepet dhe përsëritet disa herë. Detajet për të përsëritur apo për të ridhënë një pjesë të provimit janë përcaktuar te dispozitat për zhvillimin e provimit.

Provimi Goethe-Zertifikat A1: Fit in Deutsch 1 konsiderohet i kaluar vetëm nëse merren të paktën 30 pikë (50% e numrit maksimal të pikëve) dhe kalohen të gjitha pjesët e provimit.

Provimi Goethe-Zertifikat A1: Start Deutsch 1 konsiderohet i kaluar nëse merren të paktën 60 pikë (60% e numrit maksimal të pikëve) dhe kalohen të gjitha pjesët e provimit.

Provimi Goethe-Zertifikat A2/Goethe-Zertifikat A2: Fit in Deutsch konsiderohet i kaluar nëse merren të paktën 60 pikë (60% e numrit maksimal të pikëve) dhe kalohen të gjitha pjesët e provimit. Nga këto, të paktën 45 pikë duhet të merren në pjesën me shkrim dhe të paktën 15 pikë në pjesën me gojë. Përndryshe, i gjithë provimi konsiderohet i pa kaluar.

Goethe-Zertifikate B1, B2, C1 dhe C2 janë provime modulare. Një modul konsiderohet i kaluar nëse merren të paktën 60 pikë ose 60%.

Vlefshmëria e certifikatave të Goethe-Institut (Goethe-Zertifikat A1 deri te C2) nuk është e kufizuar në kohë.

Megjithatë, shumë institucione dhe punëdhënës kërkojnë një certifikatë jo më shumë se dy vjet të vjetër.

Certifikatat e Goethe-Institut (Goethe-Zertifikat C2: Zentrale Oberstufenprüfung (ZOP), das Kleine Deutsche Sprachdiplom (KDS) dhe das Große Deutsche Sprachdiplom (GDS)) do të jenë të vlefshme edhe pas hyrjes në fuqi të certifikatës së re Goethe-Zertifikat C2: Großes Deutsches Sprachdiplom dhe pas ndryshimit të sistemit të provimeve për nivelin C2 duke filluar nga data 01.01.2012.

Kryesisht nuk lëshohet ndonjë dublikatë.

Megjithatë, nëse provimi është bërë brenda 10 viteve të fundit, atëherë qendra ku keni bërë provimin mund të lëshojë një dublikatë kundrejt pagesës.

Në rastet kur ndryshon emri dhe/apo mbiemri (si psh.: martesë, adoptim, zgjidhje martese, etj.) nuk lëshohet as një certifikatë e re dhe as një dublikatë.

Ndryshimi i emrit dhe/apo mbiemrit mund të vërtetohet nëpërmjet certifikatave zyrtare (certifikatë lindjeje, certifikatë për lidhje martese, etj.) apo kopjeve të noterizuara.

Emri dhe/apo mbiemri (ose drejtshkrimi i tij/tyre) duhet të vërtetohen nëpërmjet një letërnjoftimi pranë qendrës ku do të jepni provimin. Certifikata e provimit do të lëshohet në bazë të këtyre të dhënave.

Përkthimin e certifikatës së gjuhës mund ta bëni te një përkthyes i licencuar apo pranë një zyre përkthimesh.

Pjesëmarrja në provim bëhet pavarësisht nëse keni frekuentuar ndonjë kurs gjuhe/përgatitor, apo nëse keni marrë një certifikatë gjuhe të një niveli më të ulët.

Megjithatë ju sugjerojmë pjesëmarrjen në një kurs përgatitor pranë qendrës së provimit. Këtu mësoni të përvetësoni aftësitë e nevojshme gjuhësore apo teknikat specifike të provimit, të cilat jua lehtësojnë sa më shumë dhënien e tij.

Për këtë ju lutemi t’i drejtoheni qendrës, ku dëshironi të jepni provimin.

Nëse keni kaluar provimin në Goethe-Institut dhe nuk keni marrë informacione të tjera, rezultatet e provimit mund t'i shihni në Mein Goethe.de.

Ndihmë për regjistrimin në Mein Goethe.de:

Ndihmë për shikimin e rezultateve të provimit:

Për çdo pyetje, kontaktoni direkt Goethe-Institutin tuaj.

Nëse keni kaluar provimin te ndonjë nga partnerët bashkëpunues të Goethe-Institut, kontaktoni direkt qendrën tuaj të provimit.

Certifikatën tuaj të gjuhës mund ta noterizoni, psh. për arsye studimi, pranë çdo institucioni publik (në gjykatë, në ministri, në shkollë, në bankë, etj.). Mjaft punëdhënës kërkojnë në shumicën e rasteve një noterizim nga një zyrë noteri apo avokati.

Informata plotësuese

Kurse të gjuhës gjermane A1–C2

Mësoni gjermanisht me një kurs të gjermanishtes të Goethe-Institut – në Maqedonia e Veriut, në Gjermani ose online.
Provime të gjermanishtes

Dokumentoni njohuritë tuaja gjuhësore me një provim të gjermanishtes të Goethe-Institut.

Pyetje të parashtruara shpesh

Për kë janë provimet e Goethe-Institut?

Mund të japësh provim si kandidat me nevoja të veçanta?

A më lejohet të dal nga klasa gjatë zhvillimit të provimit?

Cilit nivel i përket provimi im?

A mund t’i dëshmoj njohuritë e mia gjuhësore me një vërtetim të Goethe-Institut?

Cili provim i Goethe-Institut më jep të drejtën për të studiuar pranë një shkolle të lartë (universiteti) në Gjermani?

Cila metodë drejtshkrimore përdoret nëpër provime?

Sa kohë më duhet të arrij një nivel?

Ku mund të gjej material ushtrimor për provimet?

A mund të përgatitem për provimet nëpërmjet mësimit në distancë apo nëpërmjet kurseve në internet?

Sa herë mund ta jap provimin?

Sa pikë duhet të marr për të kaluar provimin?

Për sa kohë vlen certifikata e gjuhës / provimi im?

Çfarë duhet të bëj nëse më ka humbur certifikata e gjuhës apo nëse certifikata ka humbur gjatë rrugës me postë?

Në qoftë se kam ndryshuar emrin dhe/apo mbiemrin, a mund të marr një certifikatë të re?

Ku mund ta përkthej certifikatën time të gjuhës?

A mund të jap një provim, pa marrë pjesë në një kurs përgatitor paraprak?

Ku mund t'i shoh rezultatet e mia të provimit?

Ku mund ta noterizoj kopjen e certifikatës sime të gjuhës?

Informata plotësuese

Na ndiqni