BiblioGreen – Կանաչ Գրադարան
Ռեզիդենտություն
Հայաստանում, Բոսնիա և Հերցեգովինայում, Վրաստանում, Հունաստանում, Լեհաստանում, Ռումինիայում, Սերբիայում, Սլովակիայում, Թուրքիայում, Ուկրաինայում գտնվող 10 Գյոթե ինստիտուտները հրավիրում են փորձագետներին և գրադարաններին մասնակցելու նախագծին, որը նվիրված է կայուն զարգացմանը և «կանաչ գրադարաններ» թեմային։
Ռեզիդենտության նպատակը՝ ինչի ենք ցանկանում միասին հասնել
Գրադարանը ստեղծում է տարածք ստեղծագործական գաղափարների համար, խթանում է կայուն զարգացման գործողությունները և գրադարանները դարձնում փոփոխության կենտրոններ։ Նպատակն է խթանել էկոլոգիական պատասխանատվությունը և գրադարանները վերածել կայուն զարգացման հմտությունների կենտրոնների։
Ապագան կերտելիս՝ գրադարանները որպես կայուն զարգացման գիտելիքի տարածքներ
- Ձևավորել գրադարանները որպես կայուն զարգացման հմտությունների կենտրոններ․ վերամշակման, բնապահպանական կրթության և տնտեսության թեմաներով կրթական ձևաչափերի մշակում և իրականացում։
- Գրադարանները որպես ցանցային համագործակցության վայր․ գրադարանավարների, փորձագետների, լրագրողների և ակտիվիստների միջև փորձի փոխանակման խթանում։
- Գրադարանները որպես հասարակական փոփոխության խթանողներ. կայուն զարգացումը դարձնել գրադարանային աշխատանքի անբաժանելի մաս։
Նախագծի ժամանակացույցն ու հիմնական կետերը
2025 թվականի աշնանը նախագիծը կմեկնարկի բացման առցանց միջոցառմամբ և առաջին ցանցային գործունեությամբ։ Բացի դրանից կկազմակերպվեն մի քանի առցանց միջոցառումներ մասնագիտական փորձի փոխանակման համար, ինչպես նաև կարճատև ռեզիդենտություն 10 գրադարաններում։ Նախագիծը կամփոփվի Վարշավայում՝ մասնակից բոլոր փորձագետների համատեղ հանդիպմամբ։
Մասնակից գրադարաններ և նրանց Կանաչ նածագծերը
Մասնակից փորձագետներ
Հայաստանյան համատեքստ՝ կայուն զարգացումը գրադարաններում
Ռեզիդենտության շրջանակում Մարիամ Ալեքսանյանը և Օֆելիա Դալաքյանը կուսումնասիրեն թուղթը և դրա դերը կայուն զարգացման գրադարաններում։ Նրանց ուշադրության կենտրոնում է թղթի՝ որպես ռեսուրսի գիտակցված օգտագործումը՝ վերամշակումից և ստեղծագործ վերաօգտագործումից մինչև կրթական գործունեություն։ Գրադարանի ներքին բակը կծառայի որպես ոգեշնչման աղբյուր այն միջոցառումների համար, որոնք նպաստում են բնապահպանական գիտակցության ձևավորմանը և համայնքի ակտիվ ներգրավմանը։
«Գործարան» նախագծի հետ գործակցության շրջանակում գրադարանը կներկայացնի բազմաբովանդակ ծրագիր՝ նվիրված կայունությանը։
- Գրադարանավարների համար նախատեսված գործնական աշխատարանը կլուսաբանի թղթի օգտագործման ազդեցությունը կլիմայի վրա և կառաջարկի դրա նվազեցման կոնկրետ ուղիներ, օրինակ՝ վերամշակված թղթի և ստեղծարար վերաօգտագործման միջոցով։
- Միաժամանակ, մեծահասակ այցելուների համար կիրականացվի տեղեկատվական միջոցառումը՝ թղթի սպառման, կլիմայի փոփոխության և «կանաչ» գրադարանների դերի շուրջ՝ ուղեկցված սլայդ-շոուով, որը ներկայացնում է միջազգային լավագույն փորձառությունը։
- Երեխաների համար նախատեսված են «կանաչ» պատմություններ և բույսերի հետ կապված միջոցառումներ․ ամեն դասարան ստանում է մեկական բույս՝ միասին խնամելու համար, իսկ նորաստեղծ սերմերի և բույսերի գրադարանի միջոցով ընթերցանությունը խաղային ձևով կապվում է բնապահպանության հետ։
Կապ
Քրիստինե Գևորգյան, տեղեկատվություն և գրադարան
Kristine.Gevorgyan@goethe.de
