Մենք այժմ գտնվում ենք մեր գրադարանային աշխատանքի զարգացման փուլում։ Իսահակյանի քաղաքային գրադարանում գերմաներենի ուսումնական գրքերի, գեղարվեստական գրականության, ինչպես նաև մանկական և պատանեկան գրականության փոքր հավաքածուից բացի, այստեղ առաջարկում ենք նաև տարբեր առցանց ծառայություններ և թվային մեդիաներ։
Մենք առաջարկում ենք գերմանական ֆիլմերի և սերիալների բազմաբովանդակ ընտրանի, որոնք հասանելի են մեդիաթեքներում և հեռարձակման տարբեր հարթակներում։ Նշենք նաև, որ բոլոր ֆիլմերն ու նյութերը հասանելի են միայն գերմաներեն լեզվով։
Ձեզ ենք ներկայացնում գերմանական ընտրված ֆիլմերի հավաքածու՝ անվճար հեռարձակումով։ Բացահայտեք մեզ հետ փառատոններին մրցանակներ ստացած ֆիլմեր, գերմանական կինոյի երիտասարդ ձայներ, լեգենդար դասականներ և ընտրեք ձեր նախընտրածի ֆիլմերը։ Հարմար տեղավորվեք, Ֆիլմը սկսվո՜ւմ է։
Գրականասերների համար «Rosinenpicker» բլոգը ներկայացնում է վեպերի, մասնագիտական գրականության, պատկերապատումների, պատմվածքների, աուդիո գրքերի ու երաժշտական սկավառակների հատուկ ընտրանի։ Բլոգը հասանելի է միայն գերմաներեն լեզվով։
Երբ «հեշտ ընթերցվող տեքստերը» չափազանց հեշտ են․ գերմաներեն սովորողների համար B2 և C1 մակարդակներից սկսած մենք խորհուրդ ենք տալիս մեր «Onleihe»-ի էլեկտրոնային գրքերը։ Տվյալ էջը հասանելի է միայն գերմաներեն լեզվով։
