Goethe-Zertifikat B2

Goethe-Zertifikat B2 Foto: Goethe-Institut/Sonja Tobias

Ka pai tēnei mō te ...

  • akoranga whakangungu (Studienkolleg) e uru ai ki te whare wānanga ki Tiamana,
  • whakaatu i te matatau ki te reo Tiamana hei whai mahi,
  • whakatika hei kaimahi hauora,
  • tohu kua eke koe ki te taumata B2,
  • te tono kia whiwhi tiwhikete whai mana puta noa i te ao.

Ko te Goethe-Zertifikat B2 he whakamātautau reo Tiamana mō te pakeke. Ka tohu tēnei kua eke te pūkenga reo o te ākonga ki te taumata tuawhā (B2) o ngā wehenga mātauranga e ono o te Taumata Anga Reo Ūropi (CEFR).

Mā te puta i te whakamātautau nei e tohu ana i te āheinga ki te ...

  • pānui kia mārama ki te ia o te kōrero hōhonu whai take, take whakaaroaro noa rānei, tae atu ki ētahi kōrero hāngai ki ngā take e pūkenga ana ia,
  • kōrero ngātahi ki te hunga matatau kāore he raruraru,
  • whakamārama i tō ake whakaaro ki ētahi kaupapa katoa, i tō tū rānei mō tētahi take  nui o te wā, tae atu ki te tātari i ngā take, me te whakamārama i ngā painga me ngā ngoikoretanga o ngā huarahi hei whai.

Ngā Whakaritenga

  • Kia neke atu i te 16 tau rawa te pakeke ka pai hei mahi i te whakamātautau Goethe-Zertifikat B2.
  • Hei mahi i te whakamātautau Goethe-Zertifikat B2, me eke ngā pūkenga reo Tiamana o ngā kaitono ki te taumata tuawhā (B2) o te Taumata Anga Reo Ūropi (CEFR).
  • Kia eke ki tēnei taumata, te tikanga kua oti kē i te kaitono tōna 600 ki te 800 ngā akoranga motuhake e 45 meneti ia mea, ā, kei te āhua tonu hoki o tōna mātauranga o mua atu me ngā mea hei akoakoranga.

HE AHA ATU I TUA ATU?

Top