Whakamātautau reo Tiamana

Deutschlernerin Whakaahua: iStockphoto / Kali Nine LLC

Ā mātou whakamātautau reo Tiamana

Me whai tohu reo Tiamana koe e mana ana puta noa te ao? Mēnā āe, koianei te wāhi tika! Ka whakahaere whakamātautau mātou mō ngā taumata katoa, mai i te A1 ki te C2.

A1

Rangatahi

Pakeke

Goethe-Zertifikat A1

Mā te puta i te whakamātautau e tohu ana i te mōhio o te ākonga ki te kōrero i te reo o ia rā me ngā rerenga ngāwari e whai take ana mō ētahi kaupapa whāiti. E taea ana e rātou te pepeha i a rātou anō, i ētahi atu rānei me te pātaitai hoki ki ētahi atu mō rātou anō – arā kei hea e noho ana, ko wai ngā hoa, he aha ngā taputapu, e taea ana hoki ēnei momo pātai te whakautu. E mārama ana hoki rātou ki te kōrero ngāwari mehemea āta mārama ana te kōrero atu a te kaikōrero me te ngākau āwhina tahi.

A2

Rangatahi

Pakeke

Goethe-Zertifikat A2

Mā te puta i te whakamātautau e tohu ana i te mōhio o te ākonga ki te kōrero i te reo o ia rā me ngā rerenga ngāwari e hāngai ana ki a rātou tonu (pēnei i te kōrero mō rātou anō me ō rātou whānau, tērā rānei mō te hokohoko, mō te mahi, me ngā mea kei ō rātou taha tonu. E mārama ana ngā ākonga ki te whakawhiti kōrero i ngā take o ia rā, mehemea e ngāwari ana te kōrero me ngā kaupapa kōrero. E taea ana hoki te whakamārama ngāwari nei nō hea rātou me ō rātou mōhiotanga, ngā mea kei ō rātou taha me ētahi atu take hāngai pū ki a rātou.

B1

Rangatahi

Pakeke

Goethe-Zertifikat B1

Mā te puta i te whakamātautau e tohu ana i te mōhio o te ākonga ki te whakawhiti kōrero ngāwari, ki te pānui tuhinga ngāwari mō ngā take o ia rā pēnei i te mahi, te kura, ngā mahi whakatā, aha atu. E mārama ana te ākonga ki te reo kōrero ina haere ana i ngā whenua kōrero Tiamana. Ka mārama hoki te ākonga ki te kōrero ngāwari mō ngā take o ia rā me ngā take pai ki a rātou, e taea ana hoki te whakamārama i ā rātou mahi tae atu ki ngā kaupapa mahi, te whakaatu moemoeā, tūmanako hoki, me te kōrero potopoto nei i ō rātou ake whakaaro, whāinga hoki.

B2

Pakeke

Goethe-Zertifikat B2

Mā te puta i te whakamātautau e tohu ana i te mārama o te ākonga ki te tino o te kōrero ahakoa uaua rānei he nui rānei te take kōrero; e mārama ana hoki ētahi kōrero hōhonu ki ngā take e pūkenga ana ia. E mātau ana hoki rātou ki te kōrero ngātahi ki te hunga matatau kāore he raruraru. E taea ana hoki e ngā ākonga te whakamārama i ō rātou whakaaro ki ētahi kaupapa katoa, me ngā take o te wā tae atu ki te tātari i ngā take.

C1

Pakeke

Goethe-Zertifikat C1

Mā te puta i te whakamātautau e tohu ana i te mārama o te ākonga ki ētahi tuhinga roa katoa, tae atu ki ngā tikanga huna kei roto. Tērā kei te āhua matatau haere hoki rātou ki te reo, ā, kāore e raru ana ki te kimi kupu tōtika. Kei te āhua matatau hoki te ākonga ki te reo i roto i ō rātou ao me ō rātou ao mahi tae atu ki te whakangungu akoranga reo kia mārama ai te kōrero i ētahi take uaua katoa, me te kōtuitui haere hoki i ngā kōrero tau mō tētahi tuhinga.

C2

Pakeke

Goethe-Zertifikat C2

Mā te puta i te whakamātautau e tohu ana i te matatau o te ākonga ki te reo Tiamana ā-waha, ā-tuhi hoki. E taea ana hoki e te ākonga te whakarāpopoto kōrero ā-tuhi, ā-waha rānei, kia mārama anō hoki ngā take me ngā whakamārama. Tērā anō tō rātou matatau ki te reo e tika ana tae atu ki te mārama i ngā kīwaha hei kōrero mō ngā take uaua.

TestDaF

Mō te Ākonga

TestDaf

Ko te TestDaF he whakamātautau reo taumata nui. Ka kapi i tēnei ngā taumata B2 ki te C1 o ngā wehenga mātauranga e ono o te Taumata Anga Reo Ūropi (CEFR) e whakaaetia nei e ngā whare wānanga me ngā whare mātauranga katoa o Tiamana hei tohu i te pūkenga reo e urutomo ai ki ngā mahi akoako ki Tiamana. Kāore he whakaritenga pūkenga mātauranga motuhake.

GOETHE-TEST PRO

Mō te Kaimahi Pūkenga

GOETHE-TEST PRO

Ko te whakamātautau Goethe-Test PRO: Deutsch für den Beruf mō te hunga ahakoa ko wai e rapu mahi ana ki tāwāhi. Ka whakamātautau te Goethe-Test PRO i ngā pūkenga reo whai mahi o te ākonga i roto i te 60 ki te 90 meneti.

Top