Goethe-Zertifikat C1

Goethe-Zertifikat C1 Whakaahua: Goethe-Institut/Sonja Tobias

Ka pai tēnei mō te ...

  • akoranga whakangungu e uru ai ki te whare wānanga akoranga ki Tiamana,
  • whakaatu i te tino matatau ki te reo Tiamana hei whai mahi,
  • whakatika hei kaimahi hauora,
  • tohu kua eke koe ki te taumata C1,
  • te tono kia whiwhi tiwhikete whai mana puta noa i te ao.

Ko te Goethe-Zertifikat C1 he whakamātautau reo Tiamana mō te pakeke. Ka tohu tēnei kua eke te pūkenga reo mātau o te ākonga ki te taumata tuarima (C1) o ngā wehenga mātauranga e ono o te Taumata Anga Reo Ūropi (CEFR).

Mā te puta i te whakamātautau nei e tohu ana i te āheinga ki te ...

  • pānui kia mārama i ētahi tino tuhinga roa katoa, tae atu ki ngā tikanga huna kei roto,
  • kōrero matatau, kāore e raru ana ki te kimi kupu tōtika,
  • whakamahi i te reo matatau ki tō ao, ao mahi pūkenga rānei, i te wā rānei e whakangungu ana e akoako ana rānei,
  • kōrero mārama mō ngā take hōhonu, kia tika te whakatāhuhu i te kōrero me ngā whakapuaki mō ōna tini kāwei. 
Toro mai ki tō whare wānanga, whare akoranga teitei rānei, whare whakangungu rānei hei mua i tō whai akoranga kia mārama ai mēnā ka whakakapi  te tiwhikete Goethe-Zertifikat C1  i te whakamātautau reo urutomo mō te ākonga nō tāwāhi.

Ngā Whakaritenga

  • Kia neke atu i te 16 tau rawa te pakeke ka pai hei mahi i te whakamātautau Goethe-Zertifikat C1.
  • Hei mahi i te whakamātautau Goethe-Zertifikat C1, me eke ngā pūkenga reo Tiamana o ngā kaitono ki te taumata tuarima (C1) o te Taumata Anga Reo Ūropi (CEFR).
  • Kia eke ki tēnei taumata, te tikanga kua oti kē i te kaitono tōna 800 ki te 1,000 ngā akoranga motuhake e 45 meneti ia mea, ā, kei te āhua tonu hoki o tōna mātauranga o mua atu me ngā mea hei akoakoranga.

Top