Whakamārama anō

He wāhi pai hei tīmatanga: ngā wāhanga whakamātautau

Kei te whakamātautau Goethe-Zertifikat A1: Fit in Deutsch 1 he wāhanga mahi pānui, whakarongo, tuhituhi, kōrero anō hoki. Ka mahi ā-rōpūtia te wāhanga kōrero o te whakamātautau.
Ka rite tonu te whakahaere me te arotake i te whakamātautau puta noa i te ao.
 

Pānui

Ka tonoa koe ki te pānui i ngā tuhituhi pēnei i te tuhinga rāpopoto, pānui tauhokohoko, whakamārama tangata, reta ngāwari ki te ētita, tuhinga poto nūpepa rānei, kātahi ka whakatutuki i ētahi mahinga mō aua pānuitanga.

Te roa: 20 meneti

Tuhituhi

Ka tonoa koe ki te whakautu īmēra, reta, pānui tauhoko, aha atu rānei e pēnei ana.

Te roa: 20 meneti

Whakarongo

Ka tonoa koe ki te whakarongo kōrero o ia rā, karere ā-waea ki te tangata, kōrero ā-reo irirangi me ērā tū rēkoatanga kātahi ka whakatutuki mahinga mō ngā mea i whakarongohia.

Te roa: āhua 20 meneti

Kōrero

Ka tonoa koe ki te whakaatu ko wai koe, ki te patapatai i ngā take o ia rā ka whakautu hoki i ngā pātai ngāwari. Ka meatia hoki koe ki te tāpae tono, ki te whakautu hoki i tō hoa kōrero, mō ngā āhuatanga e tau ana koe.

Te roa: 15 meneti

Ngā Whakaritenga

Ko te Goethe-Zertifikat A1: Fit in Deutsch 1 he whakamātautau reo Tiamana mō te tamariki rangatahi 10 ki te 16 tau te pakeke.

E tuwhera ana ngā whakamātautau a te rōpū Goethe-Institut ki ngā tāngata katoa ahakoa te pakeketanga ahakoa te iwi.
  • Kia neke atu i te 10 tau rawa te pakeke ka pai hei mahi i te whakamātautau Goethe-Zertifikat A1: Fit in Deutsch 1.
  • Hei mahi i te whakamātautau Goethe-Zertifikat A1: Fit in Deutsch 1, me eke ngā pūkenga reo Tiamana o ngā kaitono ki te taumata tuatahi (A1) o te Taumata Anga Reo Ūropi (CEFR).
  • Kia eke ki tēnei taumata, te tikanga kua oti kē i te kaitono tōna 80 ki te 200 ngā akoranga motuhake e 45 meneti ia mea, ā, kei te āhua tonu hoki o tōna mātauranga o mua atu me ngā mea hei akoakoranga.