Rapua ngā painga huhua mō te ako i te reo Tiamana ki te kura! Kei Aotearoa ētahi kura e whakaako ana i te reo Tiamana, e mahara ana rānei mena ka āpitihia i rō marautanga. Ānei ngā take pārekareka e whakawai ai ngā mātua me ngā tauira mō te hua ki te ako i te reo Tiamana.
- Ahurea huhua: Kei te mōhotia a Tiamana mō tana hītori, mō tana whenua, mō tana ahurea whakaaweawe i te mahi toi, i te mahi waiata, i te mahi tuhituhi, i te mahi kiriata hoki. Mā te ako i te reo Tiamana e puare ai ngā tatau o tēnei ao ngangahau.
- Whai Mahi: Nā te mana o te ohaoha o Tiamana ki Ūropi te take mō ngā momo mahi whānui e wātea ana, ā, kei te mōhiotia a Tiamana mō te kounga me te tika o ā rātou mahi. Mā te matatau ki te reo Tiamana e puare ai ngā tatau ki ngā kamupene o te ao.
- Whai Mātauranga: Ko Tiamana te wāhi kei te minaminatia e ngā tauira puta noa i te ao e whai ana i te ikeiketanga o te ao mātauranga. Mā te kounga o tō hopu i te reo Tiamana e māmā ake ai te ako me te tōnui i roto i tēnei ao mātauranga.
Engari kaua e whakapono i a mātou - rapua ngā wheako o te hunga i whiriwhiri ki te ako i te reo Tiamana ki te kura. Tirohia ngā kiriata o ngā tauira ō mua e whāki ana i ō rātou wheako mīharo rawa atu. Kei te whakaatu ēnei kōrero paki i te hua mō te whai i te kounga o te reo Tiamana, engari anō hoki i te māramatanga ahurea me te whakawhanaunga i ngā hononga whaihua:
"Ko Evalesi Tu'inukuafe tōku ingoa, nō ngā tātai o Tonga, Hāmoa me Tiamana ahau, ā, nā te ako i te reo Tiamana i hono ai ahau ki ōku tīpuna me ōku hītori hei whakareinga mō tōku ao."
"Ko Tākuta Anita Perkins ahau, ā, mai rānō taku hononga ki Tiamana. Ko te whakawhiti tauira tētahi, ko te whiwhi PHD tētahi, ko te mahi tahi hoki i roto i ngā rangahau mō tōku umanga e kiia ai ko Anita Perkins Consulting"
"Ko Jay Van Dijk ahau, i tīmata taku hopu i te reo Tiamana ki te kura, ā mai i tērā wā i whakawhiti au hei tauira ki rāwāhi, he maha hoki ngā tau e noho ana, e mahi ana ki Tiamana."
"Ko Eve Walter ahau, ā, i ako ahau i te reo Tiamana mai i te Tau 9 ki te kura tuarua.I whakawhiti au hei tauira ki Tiamana, i whiwhi au i ētahi hoa pūmau, i mārama au i tētahi ahurea hou, ā, kei te mahi au ināianei ki Pōneke mō te Kāinga Māngai Kāwanatanga o Tiamana."
