Goethe-Zertifikat C2: GDS

Goethe-Zertifikat C2: Großes Deutsches Sprachdiplom Whakaahua: Getty Images/Mario Castello

Ka pai tēnei mō te ...

  • te akoako te rangahau rānei ki Tiamana
  • te whakaako kura ki Tiamana,
  • te tohu kua eke koe ki te taumata C2,
  • te tono kia whiwhi tiwhikete whai mana puta noa i te ao.

Ko te Goethe-Zertifikat C2: Großes Deutsches Sprachdiplom (GDS) he whakamātautau reo Tiamana mō te pakeke. Ka tohu tēnei kua eke te pūkenga reo tino matatau o te ākonga ki te taumata tuaono (C2) o ngā wehenga mātauranga e ono o te Taumata Anga Reo Ūropi (CEFR).

Mā te puta i te whakamātautau nei e tohu ana i te āheinga ki te ...

  • ka mārama pai noa ki ngā reo Tiamana katoa e rongo ana rānei e pānui ana rānei,
  • ka whakarāpopoto kōrero ahakoa ā-tuhitia mai, ā-waha mai rānei, ka mārama anō hoki ngā take me ngā whakamārama hāngai,
  • ka tino matatau ki te reo e tika ana tae atu ki te whakamārama i ngā kīwaha hei te kōrerotanga mō ngā take hōhonu. 
Mā te Goethe-Zertifikat C2: Großes Deutsches Sprachdiplom e āhei ai te ākonga nō tāwāhi ki te ako i ngā whare wānanga, whare ako teitei rānei o Tiamana, ā, e tohu ana hoki i te pūkenga whakaako reo Tiamana ki ētahi wāhi maha.

Ko te whakamātautau nei e tohu ana i te matatau ki te reo hei kaiwhakaako puta noa i Tiamana. He whakamārama atu anō mō tēnei kei ngā whare whai mana ki ia rohenga o Tiamana, pēnei i te Tari Mātauranga me Ngā Take Ahurea, te Tari Whakangungu Kaiako, te Kaunihera ā-Rohe, te Komiti Rūnanga rānei.

Nō te 1 o Hanuere 2012, ka kapi i te whakamātautau Goethe-Zertifikat C2: Großes Deutsches Sprachdiplom ngā whakamātautau e toru o mua atu, arā te Goethe-Zertifikat: Zentrale Oberstufenprüfung (ZOP), te Kleines Deutsches Sprachdiplom (KDS) me te Großes Deutsches Sprachdiplom (GDS).

Ngā whakaritenga

  • Kia neke atu i te 18 tau rawa te pakeke ka pai hei mahi i te whakamātautau Goethe-Zertifikat C2: Großes Deutsches Sprachdiplom.
  • Hei mahi i te whakamātautau Goethe-Zertifikat C2: Großes Deutsches Sprachdiplom, me eke ngā pūkenga reo Tiamana o ngā kaitono ki te taumata tuaono te taumata teitei rawa (C2) o te Taumata Anga Reo Ūropi (CEFR).
  • Kia eke ki tēnei taumata, te tikanga kua oti kē i te kaitono tōna 1,000 ngā akoranga motuhake e 45 meneti ia mea, ā, kei te āhua tonu hoki o tōna mātauranga o mua atu me ngā mea hei akoakoranga.