Ngā Mahinga me Ngā Whāinga

Ngā Mahinga me Ngā Whāinga Whakaahua: Goethe-Institut/Loredana La Rocca

Sprache. Kultur. Deutschland.

Ko te Goethe-Institut te māngai tikanga o Tiamana e totoro haere nei i te ao. 

Ka whakatairangatia te reo Tiamana ki tāwāhi ka manaaki hoki i ngā tikanga ā-iwi puta noa i te ao. Ka whakaatahia a Tiamana mā te tohatoha kōrero mō te ahurea ā-iwi, ā-tōrangapū hoki ki tō mātou whenua.  Ko ā mātou hōtaka ahurea, hōtaka whakaakoranga hoki ka whakatairanga i te tauwhitiwhiti kōrero ahurea me ōna whakatinanatanga. Mā konā anō whakapakari ai i ngā pou tikanga ā-iwi me te torotoro hoki i te ao.
 
Nā te kōtuitui i ngā whare o te rōpū Goethe-Institut, ngā Pokapū o Goethe, ngā rōpū ahurea, tae atu ki ngā rūma pānui kōrero me ngā pokapū whakaako me te whakamātautau, i noho ai mātou hei kuaha tuatahi ki Tiamana mō neke atu i ngā tau ono tekau. Nā te roa o te mahi tahi ki ngā tino rōpū me ngā tino tāngata puta noa i ngā whenua iwa tekau neke atu i tau ai ngā whakaaro mō Tiamana. Hei hoa mātou mō ngā tāngata katoa e toro ana ki Tiamana me ōna ahurea, ka mutu, he rōpū mahi motuhake kāore kau he herenga tōrangapū.

Goethe-Institut Aotearoa

Goethe-Institut Neuseeland © Goethe-Institut Neuseeland Ki ngā wāhi e āhei ana ko te hōtaka tikanga ā-iwi mō Aotearoa ka aronui ki te mahi ngātahi i ngā kaupapa pūkenga. Kei te āhua tonu o te whenua mō te taha whakahaere arā kāore he pokapū kotahi, engari, nui ngā kaupapa tikanga ā-iwi ka whakaritea ki ētahi atu rohe, arā nui tonu ki Tāmaki, ki Ngāmotu, ki Ōtautahi me Otepoti. Ko te kaupapa matua ko te whakaaturanga i ngā mahi toi me ngā mahi rauhanga o nāianei ki Tiamana, ko ngā hiringa me ngā tauwhitihanga atāmira whakaari Tiamana me ngā mahi kanikani, ko ngā mahi pikitia o nāianei me ngā hangarau whakawhiti kōrero i Tiamana, ā, ko te tikanga ā-iwi Tiamana anō hoki ki ngā hui nui.