Pātai auau

He whakamārama kei konei mō ngā pātai auau mō ngā whakamātautau a te rōpū Goethe-Institut.

Mehemea he pātai anō āu mō ngā tiwhikete Goethe A1 ki C2, whakapā mai ki te tono hui whakamārama kore-utu ki tētahi o ō mātou wāhi whakamātautau (ko ngā rōpū a te Goethe-Institut, ko ngā pokapū Goethe Centers, koia rānei ngā hoa mahi Whakamātautau Goethe).

E tuwhera ana ngā whakamātautau a te rōpū Goethe-Institut ki ngā tāngata katoa e hiahia ana, ahakoa ko wai rānei te iwi o te kaitono. He mea hanga hei whakaatu i te mātau ki te reo Tiamana hei reo tuarua koia rānei hei reo tauhou.
Ki ō mātou whakaaro me eke rawa ki tētahi pakeketanga hei mahi i ngā whakamātautau nei.
Tohutohu whakamātautau
Ka whai ngā wāhi whakamātautau kia uru pai mai te hunga motuhake (pēnei i te hunga pāngia e te mate, te kāpō te turi rānei). Me whakaatu te taumata me te momo mate/hauātanga hei te rēhitatanga mō te whakamātautau ka mutu me whakaae hoki e tētahi tākuta. Ka noho matatapu i raro i te wāhi whakamātautau.

He whakamārama anō kei te wāhi whakamātautau tonu e mahi ai koe i te whakamātautau.
Hei āpitihanga ki ngā Tikanga Whakahaere Whakamātautau: Ngā Kaiwhakamātautau Motuhake
He whakamārama mō Ngā Kaiwhakamātautau Motuhake
Whakapā mai ki te wāhi whakamātautau e pīrangi ana koe hei tono hui.
Ka whakaaea tō wehe atu mō tētahi wā tika anake (haere wharepaku). Ka tuhia tēnei wehenga atu ki roto i te “Rīpoata mō te Whakahaere o te Whakamātautau”.
Kia uru mai ki te whakamātautau kāore he aukati nā te kore i tae ki tētahi kura reo ki tētahi hui whakangungu rānei, tēnā rānei i whiwhi tiwhikete kē o raro iho.

Heoi anō ko te whakahau kia uru mai ki tētahi hui whakangungu ki te wāhi whakamātautau tonu. Ki konā koe ako ai i ngā pūkenga o te wete reo me te mahi whakamātautau e tutuki ai i a koe te whakamātautau.

Tēnā koa whakapā mai ki te wāhi whakamātautau e pīrangi ana koe hei tono hui.
Ka hāngai ngā tiwhikete Goethe-Zertifikat A1 ki C2 ki te Taumata Anga Reo Ūropi (CEFR). Tirohia ngā wehenga kei:
Wehenga taumata o ngā whakamātautau me ngā akoranga reo a te rōpū Goethe-te rōpū Goethe-Institut
Taumata Anga Reo Ūropi (GER)
Whakapā mai ki te wāhi whakamātautau e pīrangi ana koe hei tono hui.
Kāore i te rahi te whakaatu mahinga akoranga reo, whakamātautau arotake, whakamātautau noa, aha atu.

Mā te tiwhikete whakamātautau rawa i whakawhiwhia mō te puta i tētahi whakamātautau Goethe (A1 ki C2, ko Kleines ko Großes Sprachdiplom rānei, e rua rānei) e tohu kua eke ki te taumata hāngai mō te reo Tiamana hei Reo Rua.
Goethe-Zertifikat A2: Ko te Großes Deutsches Sprachdiplom, ko te Zentrale Oberstufenprüfung (ZOP), ko te Kleines Deutsches Sprachdiplom (KDS) me te Großes Deutsches Sprachdiplom (GDS) hei tohu mō te mahi akonga ki tētahi kāreti/whare wānanga ki Tiamana, māna hoki e kore ai te whai take whakamātautau TestDaF ko tētahi atu whakamātautau ōrite rānei.

Hei rapu i ētahi anō whakamārama mō te taumata reo mō tētahi ake whare wānanga rānei mō tētahi ake akoranga rānei, kaupapa ako rānei ki Tiamana, whakapā tika atu ki taua whare wānanga, ka peka rānei ki
www.sprachnachweis.de.
Hei tikanga here i ngā whakataunga katoa o te wāhanga tuhituhi o ngā whakamātautau katoa a te rōpū Goethe ko tērā i whakaputaina i te marama o Ākuhata, 2006. Ko ngā tikanga ko “DUDEN. Die deutsche Rechtschreibung” (mai i te whakaputanga 24, 2006) me te “WAHRIG. Die deutsche Rechtschreibung” (he whakaputanga nō te tau 2006).

Ko ngā tikanga o nāianei kei:
Duden. Die deutsche Rechtschreibung
Der Duden Produktkatalog
Bertelsmann WAHRIG. Verlagsprogramm
Institut für Deutsche Sprache (IDS)
DUDEN. Sprachberatung
Kei tēnā kei tēnā. Ko te roa kia eke taumata kei tēnā kei tēnā: ko tō ū, ki te mahi, ko te wā ki a koe, ko tō whakamahi hoki i ngā rauemi tautoko.

Mehemea kua ako kē koe i tētahi reo i ētahi rānei, tēnā ka tere ake tō ako i te reo Tiamana. He tino rerekē ina mahi ake koe i tētahi kaupapa ako reo ki tō ake whenua, ki Tiamana rānei, kia rongo ai koe i te reo Tiamana ki waho i te akomanga.

Ka whai take hoki te nui o te whakaakoranga (hei tauira ko te rūmaki reo ko ngā akoranga ahiahi noa rānei). Tēnā koa whakapā mai ki te wāhi whakamātautau e pīrangi ana koe hei tono hui.
Mō ia taumata whakamātautau he “rauemi paratihi whakamārama hoki” hei tango ake
  • mō te kore ut
  • ina tono rauemi ana i tua atu.
Tēnā pea ka whiwhi rauemi hoki koe mai i te tari reo o te rōpū Goethe-Institut e tata ana.
Kei ētahi whakamātautau he rauemi ako mai i tawhiti me ngā akoranga ā-ipurangi hoki.
Te Ako Reo Tiamana mā te akoranga mai i tawhiti
Mō te whakamātautau katoa kāore he aukati i te maha o ngā wā mahinga. Ko ngā whakamārama mō te mahi anō i te whakamātautau i tētahi wāhanga rānei o te whakamātautau kei ngā Tikanga whakahaere whakamātautau.
Kāore e pau te mana o ngā tiwhikete Goethe-Zertifikats A1 ki C2.

Otirā he maha ngā whare akoako me ngā kaituku mahi e hiahia ana ki te tiwhikete iti ake i te rua tau te mana tā.

Ko ngā tiwhikete o te Zentrale Oberstufenprüfung (ZOP), te Kleines Deutsches Sprachdiplom (KDS) me te Großes Deutsches Sprachdiplom (GDS) ka whakamanahia ā muri i te putanga ake o ngā tiwhikete hou nei Goethe-Zertifikat C2: Großes Deutsches Sprachdiplom me te hurihanga o te whakamātautau mō te taumata C2 e tīmata ana i te 01.01.2012.
Kāore e tukuna atu he tāruatanga.

Mehemea i whakamātautauhia i roto i te tekau tau nei, ka tukuna mō te paku utu he pepa whakakapi e te wāhi i whakamātautauhia ai koe.
Inā tīni kē tō ingoa (nā te mārena rānei, nā te whāngai, nā te poro mārena rānei, aha atu) kāore e tukuna he tiwhikete hou he pepa whakakapi rānei.

Ka whakamanahia te tīni ingoa mā te pepa whakamana ā-ture a te manatū hāngai (tiwhikete whānau, raihana mārena, aha atu) tēnā rānei he kape o taua pepa kua hainatia e te mana ture.

Ko te ingoa ko te tuhi hoki i te ingoa ka rēkoatahia mā te whakaahua ID rawa i te wā rēhitatanga o te wāhi whakamātautau. Ko te tiwhikete o te whakamātautau ka tukuna i runga i tēnei kōrero mōu i rēkoatahia i mua atu.
Ka hainatia ā-turehia tō tiwhikete - mō te take pēnei i te mahi akonga ki Tiamana - e tētahi mana haina ā-ture (kōti, tari kāwanatanga, kura, pēke, aha atu). Mō te nuinga o ngā kaituku mahi me haina ā-ture e te tari ture rawa.
Ka whakamāoritia ā-turehia e te kaiwhakamāori ā-ture o te motu e te tari kaiwhakamāori rānei.