Whakamārama anō

Whakahokia ki te Goethe-Zertifikat A1: Start Deutsch 1

He maramara keke: ngā wāhanga whakamātautau

Kei te whakamātautau Goethe-Zertifikat A1: Start Deutsch 1 he wāhanga mahi pānui, whakarongo, tuhituhi, kōrero anō hoki. Ka mahia ā-rōpūtia te wāhanga kōrero o te whakamātautau. 
Ka rite tonu te whakahaere me te arotake i te whakamātautau puta noa i te ao.
 

Pānui

Ka tonoa koe ki te pānui i ngā tuhituhi pēnei i te tuhinga rāpopoto, pānui tauhokohoko, pou tohu, pānui whakaahua, me te whakatutuki i ētahi mahinga mō aua pānuitanga.

Te roa: 25 meneti

Tuhituhi

Ka tonoa koe ki te whakakī pepa tono ngāwari, ki te tuhi kōrero poto hoki mōu ake mō tētahi kaupapa noa o ia rā.

Te roa: 20 meneti

Whakarongo

Ka tonoa koe ki te whakarongo kōrero o ia rā, karere ā-waea, me ngā pānuitanga pāho marea, ka whakatutuki mahinga mō ngā mea i whakarongohia.

Te roa: 20 meneti

Kōrero

Ka tonoa koe ki te whakaatu ki te rōpū ko wai koe, hei mua i te whakautu patapatai mō ngā take o ia rā me te tono mea atu i tētahi o te rōpū.

Te roa: 15 meneti

Ngā Whakaritenga

Ko te Goethe-Zertifikat A1: Start Deutsch 1 he whakamātautau reo Tiamana mō te pakeke.

E tuwhera ana ngā whakamātautau a te rōpū Goethe-Institut ki ngā tāngata katoa ahakoa te pakeketanga ahakoa te iwi.
  • Kia neke atu i te 16 tau rawa te pakeke ka pai hei mahi i te whakamātautau Goethe-Zertifikat A1: Start in Deutsch 1.
  • Hei mahi i te whakamātautau Goethe-Zertifikat A1: Fit in Deutsch 1, me eke ngā pūkenga reo Tiamana o ngā kaitono ki te taumata tuatahi (A1) o te Taumata Anga Reo Ūropi (CEFR).
  • Kia eke ki tēnei taumata, te tikanga kua oti kē i te kaitono tōna 80 ki te 200 ngā akoranga motuhake e 45 meneti ia mea, ā, kei te āhua tonu hoki o tōna mātauranga o mua atu me ngā mea hei akoakoranga.