TestDaF

TestDaF Foto: Goethe-Institut/Sonja Tobias

Ka pai tēnei mō te ...

  • te akoako, te rangahau rānei, te whai mahi rānei ki Tiamana,
  • mahia te whakamātautau reo e whai mana ana ki ngā whare wānanga katoa, whare akoranga teitei katoa hoki ki Tiamana,
  • hei tohu hoki i tō mōhio ki te reo Tiamana mō ngā whare rangahau me ngā kaituku mahi.

Ko te TestDaF he whakamātautau reo taumata nui. Ka kapi i tēnei ngā taumata B2 ki te C1 o ngā wehenga mātauranga e ono o te Taumata Anga Reo Ūropi (CEFR).
 
Ko te tiwhikete e whakawhiwhia ana mō te whakaoti i ngā wāhanga e whā katoa o te whakamātautau TestDaF taumata 4 hei tohu i te mātauranga reo e urutomo ai ki ngā kaupapa katoa tonu, ngā tohu katoa tonu o ngā whare wānanga me ngā whare akoranga teitei puta noa i Tiamana. Ko te whakamātautau reo TestDaF hoki hei tohu whai mana ki tāwāhi e eke ana tō mātauranga reo Tiamana ki te taumata e tika ai mō te kaupapa mahi pūtaiao, hei kaimahi pūkenga rānei ki ngā whare wānanga.
 
Kāore he whakaritenga pūkenga mātauranga motuhake hei mahi i te whakamātautau nei.

Huri noa i te ao

Kei ngā pokapū whakamātautau whai mana anake mahia ai te whakamātautau TestDaF. I tēnei wā ko tōna 450 ngā pokapū whakamātautau mō te whakamātautau nei. Rapua ngā pokapū whakamātautau kei Tiamana kei te ao katoa rānei ki raro ake nei:

Ngā pokapū whakamātautau ki Tiamana
Ngā pokapū whakamātautau huri noa i te ao

Ngā whakaritenga

  • Ka tohu te TestDaF i te pūkenga reo o te ākonga ki te taumata mātauranga tuawhā/tuarima (arā te B2 me te C1) o te Taumata Anga Reo Ūropi (CEFR). Hei mahi ake i te whakamātautau nei, me eke rawa tō reo Tiamana ki te taumata mātauranga B2 neke atu rānei.
  • Hei mua i te rēhitanga mō tēnei whakamātautau, te tikanga kua oti kē i te kaitono tōna 700 ki te 1,000 ngā akoranga reo Tiamana motuhake e 45 meneti te roa o ia mea. Hei aha noa te whakaatu tohu reo Tiamana hei rēhita mai mō tēnei whakamātautau.
Rēhita mai mō te whakamātautau TestDaF ināianei!

E āhei te rēhita mō te whakamātautau TestDaF nei kia eke rawa tō mātauranga reo Tiamana. Hei mua i tō mahitanga i te whakamātautau TestDaF, ka pai kia mōhio koe he aha ngā mea kei roto. E eke ai ki tēnā he pai tonu kia mahi ake i te akoranga whakangungu e whakahaeretia ana e te rōpū Goethe-Institut e ētahi atu pokapū whakamātautau rānei, tērā rānei ka mahi ā-ipurangitia te akoranga whakangungu a te rōpū Goethe-Institut. Mā ēnei akoranga ka mōhio koe ki te āhua tonu o te whakamātautau me ōna whakahaere.

E ono rawa ngā wā ia tau e taea ana te mahi ake i te whakamātautau TestDaF nei huri noa i te ao. Peka mai ki www.testdaf.de hei rēhita. He motuhake ake ngā wā ki Haina, ka mutu ka rēhita kē hoki ki te Manatū Whakamātautau Mātauranga o te Whenua.

Ko ngā kaitono hauā me wawe te whakamōhio atu ki te pokapū whakamātautau, me te whakaatu tiwhikete hauā, e tika ai te whakarite ake i ngā whakahaerenga o te whakamātautau.