He aha e ako ai i te reo Tiamana?
Tekau ngā Take hei Ako Reo Tiamana

He ahakoa ō rautaki mō āpōpō, ka nui ake te wāhi e āhei ai koe mā te mōhio ki te reo Tiamana. Ka ako ana koe i te reo Tiamana ka whiwhi i ētahi atu pūkenga katoa hei āwhina i a koe i tōu ao, ā, ki te mahi anō hoki:

  • Pakihi © colourbox.com
    Pakihi: Mā te mōhio ki te reo o ō hoa pakihi Tiamana ka tui ake i te whanaungatanga e pai ake ai te whakawhitiwhiti kōrero tahi me te whakatutuki whāinga.
  • Te tūranga kaimahi o te ao Whakaahua: Getty Images/Adam Gault
    Te tūranga kaimahi o te ao: Mā te mōhio ki te reo Tiamana ka nui ake te whai mahi māu ki ngā kamupene Tiamana me ngā kamupene o tāwāhi hoki kei toū ake whenua kei tāwāhi rānei. Mā te mātau ki te reo Tiamana e nui ake ai tō whai hua mō te kaituku mahi e tūhono ana ki te ao pakihi o te ao.
  • Te ahumahi tūruhi me te manaaki tangata © Fotolia / corbisrffancy
    Te ahumahi tūruhi me te manaaki tangata: Ko ngā tūruhi mai i ngā whenua kōrero Tiamana ka haerere haere i te ao, ka mutu kāore i kō atu mō te whakapau moni i te hararei. Ka pai hoki ki a rātou te hunga kaimahi tūruhi, manaaki tangata hoki e kōrero Tiamana nei.
  • Te Pūtaiao me te Rangahau Whakaahua: PantherMedia / Darren Baker
    Te Pūtaiao me te Rangahau: Ko te reo Tiamana te reo nui tuarua o te ao pūtaiao. Ko Tiamana hoki te whenua tuatoru o ngā mea nui mō te rangahau me te whakawhanaketanga ka tuku karahipi kaimahi rangahau hoki ki ngā kaipūtaiao mai i tāwāhi.
  • Te Whakawhitiwhiti Kōrero © Goethe-Institut/Bernhard Ludewig
    Te Whakawhitiwhiti Kōrero: Ko ngā whanaketanga o te pāpāho, o te hangarau whakawhitiwhiti kōrero hoki me whai tāngata reo maha. Tērā ētahi tino ipurangi katoa kei te reo Tiamana puta atu ki te ao whānui, ko Tiamana hoki te tuarima mō te whakaputa pukapuka hou ia tau. Nā reira mā te mōhio ki te reo Tiamana ka nui ake ngā kōrero hei whāwhā atu māu. [Wikipedia, 2014]
  • Tikanga ā-Iwi © Getty Images / Neil Guegan
    Tikanga ā-Iwi: Mā te ako reo Tiamana ka mārama hoki koe ki te oranga Tiamana, ki ngā tūmanako hoki o te iwi ki ngā whenua kōrero Tiamana, ka whānui kē atu tō paerangi.
  • Haerenga © Getty Images/Manuel Gutjahr
    Haerenga: Ka nui ake tō whai hui ki ngā whenua kōrero Tiamana, tae atu hoki ki ētahi atu whenua katoa o Ūropi e nui ana te kōrero Tiamana, tae rawa ake ki Ūropi Rāwhiti.
  • Ka ngahau te ao tuhituhinga, waiata, mahi toi, rapunga whakaaro hoki © Goethe-Institut/Loredana La Rocca
    Ka ngahau te ao tuhituhinga, waiata, mahi toi, rapunga whakaaro hoki: Ko te reo Tiamana te reo ake o Goethe, Kafka, Mozart, Bach me Beethoven. Aronui ki te pānui ki te whakarongo rānei ki ā rātou mahi mā roto i tō rātou ake reo.
  • Whai wāhi ki te akoako/mahi ki roto Tiamana © Getty Images/Matthias Tunger
    Whai wāhi ki te akoako/mahi ki roto Tiamana: He huhua ngā karahipi me ētahi atu tautoko e tohaina ana e Tiamana mō te whai akoranga ki Tiamana. He whakaaetanga mahi hararei mō ngā rangatahi nō ētahi whenua katoa o tāwāhi, ā, he whakaaetanga mahi motuhake hoki e tukuna ana ki te hunga whai pūkenga te kaimahi pūkenga rānei.
  • Whai wāhi mō te tauwhitiwhiti © iStock / Neustockimages
    Whai wāhi mō te tauwhitiwhiti: He maha ngā hōtaka tauwhitiwhiti mō ngā ākonga kura me ngā ākonga whare wānanga i waenganui o Tiamana me ētahi atu whenua katoa o te ao.