2008 жылдың ақпан айында Германия сыртқы істер министірлігі “Мектептер: Болашақ серіктестер” (PASCH) атты бастамасын жария етті.  PASCH бастамасы әлемнің түпкір-түпкірінен  1700 астам мектептерді бір жүйеге біріктіреді. Гёте-Институт  әлемнің 100 мемлекетіндегі 550-ге жуық PASCH мектептеріне қолдау көрсетеді.

PASCH жұмысы сыртқы істер министірлігімен ұйымдастырылады және де  шет елдегі мектептердің басқару орталығымен, Гёте-Институтпен, Неміс акадмиялық алмасу қызметімен және мәдениет министірлігінің педагогикалық тәжиірбе алмасу қызметімен бірлесе іске асырылады.

Неміс тілі дипломын ұсынатын Германияның шет елдегі мектептердің жүйесінің жұмысы күшейтіле түспек. Сонымен қатар мектептермен бірлесе жұмыс істеу бастамасы құрылып, ұлттық білім беру жүйесі неміс тілі шет тілі пәні ретінде ары қарай бекітілмек. Оған қоса Германияға оқуға стипендиялар бөлініп, оқушылармен алмасу мүмкіндігін және мектептер арасында серіктестік орнатуға бағытталады.

PASCH мақсаты

Бұл бастама жасөспірімдер арасында Германияға, оның халқына және неміс тіліне деген қызығушылық тудыруы тиіс. Германияның әлемдегі  серіктес мектептермен ортақ жүйесі қалыптасады;  мектептер өзара ортақ байланыс орнатып, тәжиірбе алмасу арқылы халықаралық білім беру қоғамын қалыптастырады.

PASCH қызықты ұсыныстары арқылы оқушылар мен мұғалімдердің білім деңгейін арттыруда, сондай ақ олардың Германияда білім алуларына және болашақта ары қарай мамандық игерулеріне мүмкіндіктер жасайды. Бұл бастаманың мақсаты Германиямен тұрақты байланыстан басқа, мектептердің оқушылар мен мұғалімдердің ашық пікір алыса отырып, ортақ ынтымақтастық құруын көздейді.  PASCH сыртқы істер және мәдениет және білім беру министірлігінің басқа да бастамаларымен тығыз байланыста болады. Мысалы „ Kulturweit“ атты волонтерлар қызметімен байланысы бар.

Гёте-Институтының мақсаты мен іс-шаралары

Гёте-Институт 550-ден астам PASCH мектептерін қолдай отырып, осы мектептерде неміс тілі пәнін мектеп пәні ретінде енгізілгеніне мүмкіндік жасайды. Ол мұғалімдерге медотикалық-дидактикалық кәсіби даярлық пен неміс тілі курстарын ұсынады және мектептерді жаңа мультимедиалық оқыту, оқу, және ел тану материалдарымен жабдықтандырады. Одан басқа осы бастама аясында Гёте-Институт серіктес мектептерді арнайы мамаңдармен қамтамасыз етеді. Осы бастама аясында Германияда жасөспірімдерге арналған курстарда тіл білімінің сапасының жақсаруына, халықаралық қатынастарды және ел танытуды күшейтуге міндет ретінде алған.

Вебсайт www.pasch-net.de үш бөлімнен тұрады:

• Жалпы бөлім
• Оқытушылар бөлімі
• Оқушылар бөлімі

Жалпы бөлім

Жалпы бөлім осы бастамаға қатысатын мекемелер мен олардың жұмысы жайында хабардар етеді. Бұған PASCH бастамасы аясында жүргізілетін проектілер, барлық елден қатысып отырған қызметкерлер блогы, PASCH-тың жасөспірімдерге арналған Германиядағы тіл курстары және халықаралық мектептер серіктестігінің биржасы жатады. Интерактивті әлем картасында серіктес мектептер жүйесі және сол мектептер жайлы қысқа мәліметтер жарияланған.

Оқытушылар бөлімі

Бұл бөлімде оқытушылардың PASCH-net жүйесі арқылы сабақта оқушыларды ынталандыру жайында пікір алмасуына, оқу материалдары мен методикалық-дидактикалық тақырыптарға байланысты ақпаратты жүктеп алуларына мүмкіндігі бар. PASCH-оқу платформасы оқытушыларға виртуалды курстар құруға немесе бар курсты қолдануға мүмкіндік береді.

Бірлестік материалдармен алмасуға және жобаға байланысты ойларды серіктестерден іздеуге мүмкіндік береді. Бірлестікте оқытушылар блог немес оқу платформасы арқылы өздерінің жобаларын жүзеге асыра алады. Мысалы: аймақтық онлайн-мектеп газеті немесе подкасттар.

PASCH-оқу платформасында PASCH-net жүйесі мұғалімдерге онлайн-кәсіби даярлықты ұсынады. Онлайн курстар кезінде мұғалімдер парақшаның ұсыныстарымен танысады, мысалы: бірлестікпен, оқу платформасымен және PASCH-Global оқушылар газетімен. Moodle-Führerschein онлайн курсында олар Moodle бағдарламасымен жұмыс істейтін PASCH-оқу платформасын сабақта немесе оқытушыларды кәсіби даярлау курстарын қалай қолдану керек екендігінен хабардар бола алады.

Байланысу үшін: lernplattform@pasch-net.de

Оқушылар бөлімі

PASCH-мектептерінің оқушылары бірлестікте бір-бірімен пікір алмаса алады. Ол жерде мәтінді, фото және видеоны жүктей алады, топтар құрып және форумда бір-бірімен әр түрлі тақырыптарды талқылай алады.

Көптеген жобалар мен жарыстар оқушыларды ынталандырады. Әр түрлі деңгейдегі мәтіндер Германия жайлы және сол жерде білім алу жайында хабар береді.

Тұрақты түрде белгілі бір ортақ тақырыптарды талқылау, ойындар өткізу және бірігіп жұмыс істеу неміс тілін жаттықтырады.

Кім PASCH-net жүйесіндегі бірлестікте немесе оқу платформасында белсенді болғысы келсе, онда оған тіркеліп, E-Mail-адресімен және құпия сөзін/пароль енгізуі керек. Байланысу үшін: service@pasch-net.de

PASCH – жүйесі әлемнің түпкір-түпкірінен  1700 астам мектептерді ортақ  бір жүйеге біріктіреді. Гёте-Институт  әлемнің 100 мемлекетіндегі 550-ге жуық PASCH мектептеріне қолдау көрсетеді. “Мектептер: Болашақ серіктестері” бастамасының қолдауыменен кейбір мектептерде неміс тілі пәні мектеп пәні ретінде жаңадан енгізілген. Мектептерде неміс тілі екінші шет тілі ретінде жүреді. PASCH жүйесіне сондай-ақ шет елдегі мектептердің басқару орталығы (ZfA)  қарамағындағы шет елдердегі 142 неміс мектептері және 1000 жуық неміс дипломынын беретін ұлттық мектептер кіреді.