Тіл үйрену — бұл тек грамматика, сөздік қор мен емтихандар ғана емес. Кейде шынымен де күлкілі жағдайлар болады — ұмытылмайтын, есте қаларлық көңілді сәттер! Қате қолданылған сөздер, шатысқан сөйлемдер немесе жай ғана қызық оқиғалар. Біз дәл осындай сәтті көргіміз келеді!
Бұл байқау Қазақстандағы Goethe-Institut, Астана, Бішкек, Қарағанды, Қостанай мен Павлодардағы Неміс Тілі Орталықтарының бірлескен жобасы болып табылады және біздің 25 жылдық табысты ынтымақтастығымызды мерекелеуге арналады. Өзіңнің сабақ туралы әңгімеңді (үш минуттай) неміс тілінде (қазақ, қырғыз немесе орыс тіліндегі субтитрмен) бейнебаянға түсіріп жібер.
Видеоны/суреттерді интернеттен алуға болмайды.
Қазақстандағы Goethe-Institut, Астана, Бішкек, Қостанай, Қарағанды және Павлодардағы Неміс Тілі Орталықтарында өтетін неміс тілі курсы мен смарт-сағат ұтып ал! 2-орын алған қатысушылар сымсыз құлаққапқа ие болса, 3-орын алғандар смарт-бағана ұтып алады.
Кім қатыса алады?
Қазақстан мен Қырғызстандағы мектеп оқушылары мен студенттерін осы байқауға қатысуға шақырамыз. Бұл байқауға неміс тілін білсең немесе неміс тілін үйренуді енді ғана бастасаң да қатыса аласың.
Бізге бейнебаяныңды (кез келген Filehoster арқылы)
09.11.2025 дейін
мына электронды адреске жібер:
bkd-almaty@goethe.de немесе өз әлеуметтік желілеріңе де қоюыңа болады.
Егер бейнебаянды әлеуметтік желіге қойсаң, онда постта мына хэштектерді пайдалан: #GIKasachstan #Deutschlernen #slz2025 және міндетті түрде өз постыңның сілтемесін мына адреске жіберуді де ұмытпа:
bkd-almaty@goethe.de . Сенің Инстраграммдағы не Тик-Токтағы профилің ашық болуы керек.
Ең креативті 3 бейнеролик (1-, 2- және 3-орындар) Қазақстандағы Goethe-Institut қазылар алқасының сыйлығына ие болып, байқау нәтижелері
онлайн форматта жарияланады (нақты күні кейінірек хабарланады).
Байқауға қатыса отырып, жіберген бейнематериалдың Қазақстандағы Goethe-Institut пен Неміс Тілі Орталықтарының веб-парақшасында және әлеуметтік желілерінде мақсатты түрде жариялануына автоматты түрде келісім береген боласың. Бұл келісімнен кез келген уақытта бас тарта аласың, ол үшін мына электронды адреске:
anna.melnik@goethe.de қысқаша хабар беру керек.
Біз бейнебаян түсіру мен қатысуыңа табыс пен сәттілік тілейміз!
