Қазақстан мен Кырғызстан немістері

Гёте-Институт этникалық немістер үшін Қазақстан және Қырғызстанның тілдік оқу орталықтарымен, серіктестермен тығыз ынтымақтаса отырып, неміс тілінің мектептен тыс тегін тілдік курстарын ұсынады. Шет тілдерін меңгерудің Жалпыеуропалық құзыреттілігіне сәйкес А деңгейінің тілдік курстары ұсынылады.

Неміс тілінің мектептен тыс курстары Қазақстан және Қырғызстанның этникалық немістеріне ғана емес, сонымен қатар басқа да неміс тілін үйренуге қызығушылық танытқандарға да ашылуы қажет. Тілдік курстарды өткізу үшін бір топта этникалық неміс өкілдері - тыңдаушылардың аз дегенде 40 % құрауы маңызды шарт болып табылады.

Гёте-Институт Қазақстан және Қырғызстанның тілдік оқу орталықтарымен, серіктестермен ынтымақтаса отырып, оқу құралдарын да ұсынады, неміс тілін оқытудың әдістемесі мен дидактикасы бойынша неміс қауымын оқытушылардың біліктілігін арттыру үшін семинарлар ұйымдастырады.

Өтініш
Сауалнама
Ақпарат
Мұғалімдерге арналған ақпарат
 

ТМД елдеріндегі этникалық неміс диаспорасын қолдау  аясында Гёте-Институт германист- тіл ассистенттерін  Ресей, Қазақстан, Қырғызстан және  Украинаның оқу орындарына жібереді.
Германияның сыртқы істер министрлігінің тапсырысы бойынша әлемде мәдениаралық және тіларалық алмасу жүргізу үшін Гёте-Институт  қолдау көрсетеді.
 

Менің есімім Элиас Венневальд, мен Солтүстік Рейн-Вестфалия Федералды жерінде  орналасқан көрікт Бохум қаласынан келдім. Ондағы РУР университетінің германистика және тарих факультетін тамамдадым. Одан соң Алматыдағы Қазақ-Неміс университетінде бір жыл қызмет еттім. Мен жаңа тіл үйренуге, өзге мәдениетті танып-білуге құштармын. Сондықтан Орталық Азияны жақын тани-білу мүмкін болатынына қуаныштымын. Қазан айынан бастап мен Қырғызстанда, Бішкектегі Неміс тілі орталығына қолдау жасап келемін. Мұнда маған ұнайтыны ерекше табиғат пен мейірімді адамдар . Менің ойымша, неміс тілі бай және ерекше тіл, сондықтан мен оны меңгерген барлығы үшін қуаныштымын. Мен неміс тілін үйренуге тырысатындардың барлығына көмектесуге әрдайым дайынмын. Бос уақытымда мен өнермен, мәдениет пен спортпен айналысамын. Сіздердің сұрақтарыңыз бен ұсыныстарыңызды асыға күтемін!
 

Менің атым Мартин Беккер, мен 33 жастамын және Берлиннен келдім. Ол алуан түрлі шығармашылық пен ерекше оқиғаларға толы қала. Саяхатқа құмар адам  ретінде мен барлық континентте бірнеше рет болдым, түрлі мәдениетпен, тілмен және адамдармен таныстым. Бұл тәжірибе менің әлем жайлы көзқарасымды қалыптастырды және мен мәдениетаралық  өзара алмасуды ерекше бағалайтын болдым. Алайда, Орталық Азия мен Қазақстан мен үшін тың әлем. Қаңтардан маусымға дейін мен Астанадағы Неміс тілі Орталығында ассистент болып жұмыс істеймін және мұндағы адамдармен өзімнің неміс тілі мен мәдениетіне деген сүйіспеншілігіммен бөлісуді және ерекше аймақпен танысуды асыға күтемін. Мен үшін ана тілінде сөйлейтін маман ретінде неміс тілін жанды және түсінікті ету өте маңызды - тіпті ауызекі тіл мен жастар сленгінен бастап анық сөйлеу мәнеріне дейін. Мен үшін тіл үйренуде  көңілді, ашық және ынталандыратын атмосфера жасау, әрі тілдің жанды болуы маңызды. Мен осы бағдарламаға қатысуға мүмкіндік алғаныма өте ризамын. Мен сіздермен бірге болып, ұмытылмас әсер алар сәтті асыға күтемін.
 

Менің атым Фредерик Бельхофф. Мен 26 жастамын және Солтүстік Рейн-Вестфалиядағы Хаан бақша- қаласынан келдім. Мен Дюссельдорфта Генрих Гейне университетінде  тарих пен германистиканы оқыдым. Оқу барысында мені әрқашан жаңа елдер, мәдениет пен тілдер қызықтырды. "Ақылды адам саяхатта ең жақсы білім алады", - деген Гёте, мен де осы философияны қуана ұстанамын! Мен үшін саяхат жасау, шетелде адамдармен кездесу және оларға неміс тілін үйренуге және Германияны жақсы білуге көмектесу үлкен бақыт. Алдағы алты айда мен Қостанайда сіздердің тілден көмекшіңіз боламын және жергілікті оқытушыларға қолдау көрсетемін. Рюкзакпен саяхаттаудан басқа, мен кітап оқығанды жақсы көремін (тек Гете ғана емес), спортпен шұғылданамын және Германия мен әлемдегі саяси оқиғаларды қызығушылықпен қадағалаймын. Сіздермен кездесуді асыға күтемін! Жақын танысқанға дейін!
 

Мен Филипп Брунспын, әдетте салқын болатын, Гамбург қаласында жаздың өте ыстық күнінде дүниеге келдім. Сондықтан мен әрдайым жылы жаққа әуестігім таңқаларлық емес. Осы уақытқа дейін  мен Франция, Жапония, Англия (әрине оңтүстігінде), Италия, Түркия, Қытай мен Камерунға саяхат жасадым. Қазір мен Қазақстанда, дәлірек айтсақ, Қарағандыда тұрамын. Бұл жер де жылы екен. Кездейсоқ па? Мүмкін. Бірақ менің көптеген қызығушылығымның тіл орталығындағы жұмысыма қосылғаны кездейсоқ емес: гуманитарлық ғылымдарды оқығаннан бері мені шабыттандырған тілдер мен идеялар; психологияны оқымас бұрын мені ашуландырған және баурап алған адамдар; менің құмарлығым мен әрқашан ерекше  айналысатын шығармашылық, әсіресе өнер, кино мен театрды оқу  кезінде болған, енді  мен қазір осының бәрімен бөліскім келеді.