Во рамките на проектот FilmED вклучени се културни и образовни организации, филмски фестивали, кина и други филмски институции. Тие се поддржани да го споделат своето знаење за независно кино, филмска историја и филмска техника со други наставници и едукатори.

Институциите развиваат наставни програми и сценарија за филмско образование, кои ќе можат директно да се интегрираат во наставната рутина. За таа цел е креиран интерактивен сајт кој нуди обука на заинтересираните едукатори за практични насоки и конкретна поддршка. Овие практични, реални сценарија за учење кои може да се имплементираат директно во наставата го формираат јадрото на веб-страната.

На овој начин ќе се дојде до илјадници студенти од Централна и Југоисточна Европа и со филмското образование ќе се продлабочи нивната свест и знаење за европскиот филм. Понатаму, во наставните сценарија, филмот ќе се користи како медиум за промовирање на разбирањето на социјалните и политичките контексти.

За да се увериме дека проектот дава простор на разновидна, обесправена публика, ќе соработуваме со различни ранливи групи и ќе вклучиме филмови кои се занимаваат со нивните проблеми и ги претставуваат нивните гласови.

Активностите на проектот се одвиваат во Чешка, Словачка, Полска, Унгарија, Северна Македонија и Германија.

Доколку сакате да учествувате и да бидете во тек со активностите, обратете се на Тереза Штастна: tereza.stastna@goethe.de