ЕУ има 24 службени јазици. Сите документи и информации на ЕУ се достапни на овие јазици. За да функционира, ЕУ има важни институции како Европскиот парламент, Европската комисија, Советот на Европската Унија и други.

ЕУ настана по Втората светска војна. Германија и уште пет други земји во 1951 година ја основаа првата европска заедница. Нивната цел била создавање силна економија во Европа. Од тогаш, ЕУ се менува и развива. Во 2002 година беше воведена заедничката валута – еврото, со кое денеска се плаќа во 20 земји-членки.

ЕУ е заедница со заеднички вредности како мир, демократија, слобода и еднаквост за сите луѓе. Овие вредности го покажуваат правиот пат и помагаат во донесување на исправни одлуки.

Целите на ЕУ вклучуваат заштита на животната средина, зајакнување на економијата и обезбедување благосостојба за сите. Сите луѓе треба да бидат третирани подеднакво, без разлика на полот, потеклото или религијата.

Во ЕУ постои Канцеларија за еднаков третман, која се грижи сите да бидат третирани правично. Никој не треба да биде дискриминиран поради потеклото, религијата, полот или попреченоста. Канцеларијата нуди информации и консултации на различни јазици.

Граѓаните на Европската Унија можат лесно да патуваат од една во друга земја. Ако сте од земја-членка на ЕУ, слободно можете да се движите, да живеете, работите или студирате во друга земја-членка.

Доколку доаѓате од земја која не е дел од ЕУ, се сметате за државјанин на трета земја. И вие можете да патувате, живеете и работите во ЕУ, но според посебни правила. На пример, потребна Ви е дозвола за престој во одредена земја на ЕУ. Мора да живеете таму неколку години и да можете финансиски да се издржувате. Потоа можете да поднесете барање за дозвола која Ви овозможува преселба во други земји на ЕУ.