යුරෝපා සංගමය තුළ රාජ්ය භාෂා 24ක් තිබේ. සියලුම යුරෝපා සංගම් ලේඛන සහ තොරතුරු මෙම භාෂාවලින් ලියා ඇත. යුරෝපා සංගමය මනාව ක්රියාත්මක කිරීම සඳහා, වැදගත් ආයතන තිබේ: යුරෝපීය පාර්ලිමේන්තුව, යුරෝපීය කොමිසම, යුරෝපා සංගමයේ කවුන්සිලය සහ වෙනත් අය මේ අතර වෙයි.

යුරෝපා සංගමය බිහිවූයේ දෙවන ලෝක යුද්ධයෙන් පසුවය. ජර්මනිය සහ තවත් රටවල් පහක් 1951 දී පළමු යුරෝපීය ප්රජාව ආරම්භ කළහ. ඔවුන්ට අවශ්ය වූයේ යුරෝපයේ ශක්තිමත් ආර්ථිකයක් ඇති කිරීමටය. එතැන් සිට යුරෝපා සංගමය වෙනස් විය. 2002 සිට යුරෝපා සංගමය තුළ පොදු මුදල් ඒකකයක් ලෙස යූරෝ භාවිතය ආරම්භ විය. යුරෝපා සංගමයට අයත් රටවල් 20ක් තුළ මුදල් ඒකකය ලෙස භාවිත වන්නේ යූරෝ ය.

යුරෝපා සංගමය යනු පොදු සාරධර්ම සහිත ප්රජාවකි. සාමය, ප්රජාතන්ත්රවාදය, නිදහස සහ සියලු ජනතාවට සමානාත්මතාවය මෙයට ඇතුළත් වේ. සාරධර්ම අපට නිවැරදි දේ සහ වැරදි දේ පෙන්වයි.

යුරෝපා සංගමයේ අරමුණු, උදාහරණයක් ලෙස: පරිසරය ආරක්ෂා කිරීම සහ ආර්ථිකය ශක්තිමත් කිරීම ආදිය වෙයි. එමෙන්ම යුරෝපය තුළ සිටින පුද්ගලයන් ගේ ස්ත්රී පුරුෂ භාවය, ඔවුන්ගේ ආගම, ඔවුන් පැමිණියේ කොහෙන්ද යන කරුණු නොසලකා සියල්ලන්ටම එක හා සමානව සැලකීම යුරෝපා සංගමයේ ප්රධාන අරමුණකි.

යුරෝපා සංගමයේ ප්රධාන අරමුණක් වන්නේ සැමට සමානව සැලකීමයි. කිසිදු හේතුවක් නිසා තවත් අයෙක් වෙනස් කොට නොසැලකිය යුතුය. ආගම, ස්ත්රී පුරුෂ භාවය, අබාධිත බව වැනි හේතු නිසා වෙනස් කොට සැලකීම නොකළ යුතුය. සැමට සමානව සැලකීමේ කාර්යාල මිනිසුන්ට මේ සඳහා උපකාර කරයි. මේ පිළිබඳ තොරතුඋර් හා උපදෙස් විවිධ භාෂා වලින් ලබා ගත හැකිය.

යුරෝපා සංගමයේ මිනිසුන්ට පහසුවෙන් එක් රටක සිට තවත් රටකට ගමන් කළ හැකිය. ඔබ පැමිණෙන්නේ යුරෝපා සංගමයේ රටකින් නම්, ඔබට යුරෝපා සංගමය තුළ නිදහසේ ගමන් කළ හැකිය. ඔබට වෙනත් යුරෝපා සංගමයේ රටක ජීවත් වීමට, වැඩ කිරීමට හෝ ඉගෙනීමට ද හැකිය.

ඔබ යුරෝපා සංගමයේ සාමාජික නොවන රටකින් පැමිණෙන්නේ ද? එසේ නම්, ඔබ තුන්වන රටක පුරවසියෙකුවේ. ඔබටත් යුරෝපා සංගමයේ සංචාරය කිරීමට, ජීවත් වීමට සහ වැඩ කිරීමට හැකිය. නමුත් ඒ සඳහා විශේෂ නීති රීති තිබෙනවා. නිදසුනක් වශයෙන්, ඔවුන්ට යුරෝපා සංගමයේ රටක ජිවත් වීම සඳහා නේවාසික බලපත්රයක් අවශ්ය වේ. ඔබ අදාළ රටේ වසර කිහිපයක් ජිවත් වී හොඳ ආර්ථික තත්වයක පසුවන්නේ නම් ඔබට අවසර පත්රයක් සඳහා ඉල්ලුම් පත්රයක් යොමු කළ හැකිය. එවිට ඔබටද යුරෝපා සංගමයේ වෙනත් රටවලට ද යා හැකිය.