Թվային գրադարան

Onleihe-ի օգտագործման համար անհրաժեշտ է մեկանգամյա գրանցում մեր կայքի՝ Mein Goethe.de-ի միջոցով։ Եթե դուք դեռ չունեք հաշիվ մեր կայքում, ապա խնդրում ենք հիմա գրանցվել։ Գրանցումն ու ծառայության օգտագործումը ձեզ համար անվճար են։ Մուտք գործելուց հետո բացեք «Իմ Onleihe» բաժինը և սեղմեք «Գրանցվել»։ Բացեք Onleihe-ի կայքը մեկ անգամ՝ ակտիվացման գործընթացը ավարտելու համար։

Այցելեք թվային մեր գրադարանի Onleihe հարթակը և օգտվեք առկա նյութերի առաջարկից։ Վերցրած էլեկտրոնային գրքերը, թերթերն ու ամսագրերը կարող եք այժմ հենց ձեր զննարկչում կարդալ։ Լրացուցիչ տեղեկություններ կարող եք գտնել Onleihe-ի օգնություն բաժնում։ 
 

Ներբեռնեք հավելվածը հավելվածների ձեր խանութից՝ Onleihe-ն սմարթֆոնով օգտագործելու համար։ Ներբեռնելուց հետո բացեք հավելվածը։

Գրանցվել Onleihe-ում

Բացեք Onleihe հավելվածի գլխավոր մենյուն (վերևի ձախ անկյունի երեք գիծը)։

• Որպես գրադարան ընտրեք Գյոթե ինստիտուտը։
• Մուտք գործեք Mein Goethe.de-ի ձեր տվյալներով։

Ներբեռնել մեդիան

Այժմ դուք գրանցված եք։ Անցեք «Որոնում» մենյուի կետը՝ մեդիա նյութեր որոնելու և ներբեռնելու համար։ 

Ընդունել օգտագործման պայմանները

Երբ դուք առաջին անգամ ներբեռնում եք որևէ մեդիա նյութ, համակարգը ավտոմատ կերպով խնդրում է հաստատել ձեր համաձայնությունը տվյալների պաշտպանության քաղաքականությանն ու օգտագործման պայմաններին։ Խնդրում ենք ձեր համաձայնությունը հաստատել։

Adobe-ID

Խորհուրդ ենք տալիս էլեկտրոնային գրքերը, ամսագրերը և թերթերը կարդալ Onleihe հավելվածի ներքին ընթերցիչով։
Եթե ցանկանում եք կարդալ դրանք արտաքին ընթերցիչ հավելվածներով (օրինակ՝ Aldiko, BlueFire կամ PocketBook), ապա դրա համար ձեզ անհրաժեշտ կլինի Adobe ID։
Երբ առաջին անգամ ներբեռնում եք որևէ մեդիա նյութ, անհրաժեշտ է մեկանգամյա կարգով մուտքագրել ձեր Adobe ID-ն։
Եթե դեռ չունեք Adobe ID, կարող եք այն անվճար ստեղծել։
Հետագա ներբեռնումների ժամանակ Adobe ID մուտքագրելու անհրաժեշտություն այլևս չի լինի։