Logo Goethe-Institut

Հայաստան

Մեր նախագծերը

Մարդկանց բազմություն դպրոցի լուսավորված բակում © Գյոթե ինստիտուտ Հայաստան

Հայաստանի Գյոթե- ինստիտուտը խթանում է երկրի ժամանակակից մշակութային դաշտը՝ խորացնելով գործակցությունը Գերմանիայի հետ։ Մեր գործունեության կենտրոնում է տեղացի արվեստագետների և մշակութային գործիչների աջակցումը, մասնագիտական ցանցերի ամրապնդումը, ինչպես նաև երկարաժամկետ միջազգային համագործակցությունների զարգացումը։
Բացի այդ, մենք անդրադառնում ենք կայունության, համայնքային կյանքի և քաղաքային զարգացման հարցերին, ինչպես նաև մշակույթի կարևոր դերին՝ էկոլոգիական և սոցիալական փոփոխությունների գործընթացներում։ Մշակույթը մեզ համար միջազգային երկխոսության և հասարակական փոփոխության կարևոր տարածք է։

Ակտուալ

  • Անցյալ ապագայի շունչը

    «Անցյալ ապագայի շունչը» ցուցահանդեսը միավորում է գերմանացի լուսանկարիչ Մարգրետ Հոպպեի և հայ արվեստագետ Նվարդ Երկանյանի աշխատանքները։ Ցուցադրության կենտրոնում է մոդեռնիզմի ճարտարապետությունը, դրա պատմությունը և տարբեր դիտանկյուններից արված արվեստագիտական նոր ընթերցումները։
    «Անցյալ ապագայի շունչը» ցուցահանդեսը ազդարարում է Լայպցիգի և Երևանի մշակութային տարվա պաշտոնական մեկնարկը։

    Ցուցահանդեսի պաստառը @ Նվարդ Երկանյան @ Մարգրետ Հոպպե @ Նվարդ Երկանյան @ Մարգրետ Հոպպե

  • BiblioGreen – Կանաչ Գրադարան

    Գրադարանները որպես փոխակերպման վայրեր․ 10 Գյոթե ինստիտուտներ հրավիրում են համատեղ մշակելու կայուն զարգացման տեսլականներ, կիսվելու գիտելիքներով և ձևավորելու գրադարանները՝ որպես էկոլոգիական պատասխանատվության և հասարակության ապագայի կենդանի տարածքներ։

    Մուգ կանաչ ֆոնին երևում է լոգոն, ներքևում էլ գրքի վիզուալ է պատկերված © Գյոթե ինստիտուտ © Գյոթե ինստիտուտ

  • Էկոլոգիական ապագաներ

    «Էկոլոգիական ապագաներ» նախագիծը ուսումնասիրում է այն էկոլոգիական և սոցիալական մարտահրավերները, որոնք բխում են կլիմայի փոփոխությունից և հասարակական զարգացումներից։ Ծրագիրը միավորում է ուրբանիստական ոլորտի մասնագետների, արվեստի և մշակույթի ներկայացուցիչների, ինչպես նաև թաղամասերի բնակիչների՝ միասին լուծելու համար իրենց համայնքների առկա խնդիրները և օգտագործելու ձևավորվող հնարավորությունները։

    Սպիտակ ֆոնին կապույտ տառերով գրված է վերնագիրը «KOND: The Natural History of Networking Architecture»։ Ներքևում պատկերված է ոճավորված, շրջանաձև քաղաքի քարտեզ՝ տարբեր կապույտ երանգներով։ © Գյոթե ինստիտուտ Հայաստան / CSN Lab © Գյոթե ինստիտուտ Հայաստան / CSN Lab

Հետևե՛ք մեզ