Եվրոպական համագործակցություն

Հայաստանում ԵՄ պատվիրակության հետ գործընկերության շրջանակում Գյոթե ինստիտուտը նպաստում է տեղական մշակութային կյանքի զարգացմանը և Եվրոպական միության ու Հայաստանի միջև մշակութային կապերի ընդլայնմանը։
Հատուկ ուշադրություն է դարձվում նաև երիտասարդների ներգրավմանը․ «Երիտասարդական խորհրդի» ստեղծմամբ ձևավորվում է մի հարթակ ակտիվ մասնակցության, համատեղ ձևավորման և սերունդների միջև համագործակցության համար։

«Եվրոպական միության ազգային մշակութային ինստիտուտների ցանցը» (EUNIC) եվրոպական մշակութային հաստատությունների համաշխարհային ցանցն է։ EUNIC-ը նպատակ ունի մշակույթը ամրապնդել որպես միջազգային հարաբերությունների առանցքային բաղադրիչ և այս ոլորտում հանդես է գալիս որպես Եվրոպական միության ռազմավարական գործընկեր։ Որպես ցանց՝ EUNIC-ը իր անդամներին և գործընկերներին առաջարկում է գիտելիքների փոխանակման և հմտությունների զարգացման հարթակ։ EUNIC-ի հայաստանյան կլաստերը 2024 թվականից ակտիվ գործունեություն է ծավալում երկրում։

Այս նախագիծը նպատակ ունի գնահատել կայուն զարգացման մակարդակը Հայաստանի մշակույթի և արվեստի ոլորտում և մշակել ուղեցույցներ՝ պատասխանատու գործելակերպեր խթանելու համար։ Նախագիծը կուսումնասիրի մշակութային հաստատությունների՝ ինչպիսիք են թանգարանները, պատկերասրահները, թատրոնները և փառատոնները, կայունությանն ուղղված ջանքերը, ինչպես նաև անհատական արվեստագիտական գործելակերպերը։