የብስክሌት መንገድ በሌለበት ቦታ ላይ ጎልማሶች ብስክሌታቸውን አስፓልት ላይ መንዳት አለባቸው። ዕድሜያቸው እስከ 8 ዓመት የሆኑ ልጆች በከተማው ውስጥ የእግረኛ መንገድ ላይ መንዳት አለባቸው። ዕድሜያቸው እስከ 10 ዓመት የሆኑ ልጆች በእግረኛ መንገድ ላይ እንዲጓዙ ይፈቀድላቸዋል። የትራፊክ ህጎች አሉ።ለምሳሌ ፣ በቀይ መብራት ይሄዳሉ? ወይም ደግሞ ብስክሌትዎ ላይ ያለው መብራት ተበላሽቷል? ፖሊስ ይህንን ካየ፣ የቅጣት ክፍያ መክፈል ይኖርብዎታል።

በከተሞች ውስጥ እንደ የከተማ ፈጣን ባቡር፣ የምድር ባቡር፣ የመንገድ ላይ ባቡር (በደቡብ ጀርመን የከተማ ኤሌክትሪክ ባቡር ) እና አውቶቡስ ያሉ የህዝብ ማመላለሻዎች አሉ። በሁሉም ከተማ የህዝብ ማመላለሻ መተግበሪያ አለ። በመተግበሪያው ውስጥ ቲኬቱን በበይነ መረብ ላይ በቀላሉ መግዛት ይችላሉ። በባቡር ጣቢያዎች እና ማቆሚያዎች ላይ ማሽኖችም አሉ:: በባቡር ጣቢያዎች ውስጥ የቲኬት ሽያጭ ቆጣሪዎች አሉ። አንዳንድ ጊዜ ትኬቱን በአውቶቡስ ወይም በኤሌክትሪክ ባቡር ውስጥ መግዛት ይችላሉ።

በብዙ ከተሞች ትኬቱን ማረጋገጥ አለቦት። ለዚያ የሚሆኑም ማሽኖች አሉ። ብዙ ጊዜ ካርዱን ወደ ማሽኑ ማስገቢያ ያስገባሉ። ማሽኑ በቲኬቱ ላይ ማህተም ያስቀምጣል። በአንዳንድ ከተሞች ትኬቶቹ ወዲያውኑ የሚሰሩ ናቸው። በእነሱ ላይ ጊዜው ተጽፏል። እነዚህን ትኬቶች ማረጋገጥ አይጠበቅቦትም።

እንዲሁም የቀን ትኬት፣ ሳምንታዊ ትኬት፣ ወርሃዊ ትኬት ወይም ዓመታዊ ትኬት መግዛት ይችላሉ። ብዙ ጊዜ የህዝብ ማመላለሻ የሚጠቀሙ ከሆነ ዋጋው ቅናሽ ነው። ልጆች፣ የትምህርት ቤት ተማሪዎች፣ አዛውንቶች ብዙ ጊዜ ቅናሽ ያገኛሉ። አነስተኛ ክፍያ ይከፍላሉ። አካል ጉዳተኞች በተለምዶ የህዝብ ማመላለሻን በነፃ መጠቀም ይችላሉ።

የጉዞ መስመር ሰሌዳውን በፌርማታዎች እና በባቡር ጣቢያዎች ማግኘት ይችላሉ። የጉዞ ሰሌዳው ላይ አውቶቡሶች እና ባቡሮች መቼ እና የት እንደሚሄዱ ያሳያል። በተጨማሪ በትራንስፖርት ኩባንያው ድረ-ገጽ ላይ ማንበብ ወይም በመተግበሪያው ውስጥ ማየት ይችላሉ።

በባቡር ጣቢያዎች መግቢያ ላይ ብዙውን ጊዜ ምንም እንቅፋቶች የሉም።ወደ ውስጥ በቀላሉ መግባት ይችላሉ። ነገር ግን ትኬት ሊኖርዎት ይገባል። በአውቶቡሶች እና ባቡሮች ውስጥ የቲኬት ቁጥጥር አለ። በፍተሻ ወቅት ትኬት ሳይኖሮ ከተገኙ ቅጣት መክፈል ይኖርቦታል።

በብዙ ትላልቅ ከተሞች ውስጥ የኢሌክትሪክ ቢስክሌቶች አሉ። እነዚህን መበደር ይችላሉ። ለዚያ መተግበሪያ ያስፈልግዎታል። ለእያንዳንዱ ጉዞ ክፍያ የሚፈፅሙት በመተግበሪያው ነው። የኢሌክትሪክ ቢስክሌቶች በአቅራቢያ እንዳለ ለማየት በመተግበሪያው ውስጥ መፈለግ እና ወዲያውኑ መሄድ ይችላሉ። የኢሌክትሪክ ቢስክሌቶች መድረሻዎ ላይ ያቆማሉ። በአቅራቢያዎ ምንም የህዝብ ማመላለሻ ፌርማታ ከሌለ ይህን አማራጭ መጠቀም ብዙውን ጊዜ ተመራጭ ይሆናል።

ብዙ ጊዜ የህዝብ ማመላለሻ ይጠቀማሉ ወይንስ ብዙ ጊዜ ጀርመን ውስጥ ይጓዛሉ? እንግዲያውስ የጀርመን ትኬትን መጠቀም ይችላሉ። በወር በ49 ዩሮ (እ.ኤ.አ ከ2024 ጀምሮ) ሁሉንም አውቶቡሶች፣ የከተማ የኤሌትሪክ ባቡሮች፣ የምድር ውስጥ ባቡር፣ የፈጣን ባቡርና የክልል ባቡሮችን መጠቀም ይችላሉ። የጀርመን ትኬት ለረጅም ርቀት አውቶቡሶች፣ ለሃገር አቋራጭ ባቡሮች አይሰራም። ለዚህ ተጨማሪ ትኬት ያስፈልጎታል። የጀርመን ትኬት በደንበኝነት በሚከፈል ክፍያ ብቻ ይገኛል። ይህ ማለት ትኬቱን በአንድ ወር ውስጥ ገዝተው በሚቀጥለው ወር በመደበኛነት አዲስ ትኬት ያገኛሉ። ስለዚህ በየወሩ 49 ዩሮ መክፈል አለቦት። ትኬቱን ካልፈለጉ መሰረዝ አለቦት። ይህ የሚሰራው ወር በገባ እስከ 10ኛው ቀን ብቻ ነው።

በገጠር የሚኖሩ አብዛኞቹ ሰዎች የራሳቸውን መኪና ይነዳሉ። እዚያ ብዙ ጊዜ የህዝብ ማመላለሻ ትንሽ ነው አልያም ምንም አይኖርም። በከተማ ውስጥም አንዳንድ ሰዎች መኪናዎችን ይጠቀማሉ። በከተሞች ውስጥ የመኪና ማቆሚያ ቦታዎች እና የመኪና ማቆሚያ ቤቶች አሉ፡፡ በመንገድ ዳር ላይ ያሉ ምልክቶች እነዚህን የመኪና ማቆሚያ አማራጮች ያሳዩዎታል። ለእነዚህ የመኪና ማቆሚያ ቦታዎች ብዙ ጊዜ የተወሰነ መክፈል አለቦት። ብዙውን ጊዜ የመኪና ማቆሚያ ቦታ ማግኘት ቀላል አይደለም።

የመኪና መጋራት በብዙ ከተሞች ይገኛል። ለምሳሌ ከቤተሰብ ጋር ለጉዞ መሄድ ከፈለጉ በመተግበሪያ በኩል መኪና መከራየት ይችላሉ። ለአንድ ኪሎ ሜትር ወይም ለተጠቀሙበት ጊዜ ይከፍላሉ። የመኪና መጋራት ከመኪና ባለቤትነት የበለጠ ቅናሽ ነው።

መኪና የሚነዱ ከሆነ የጀርመን የትራፊክ ደንቦችን ማወቅ ያስፈልግዎታል። ለምሳሌ የትራፊክ ምልክቶቹ ምን ማለት እንደሆኑ ወይም ምን ያህል ፍጥነት ማሽከርከር እንደሚችሉ ማወቅ አለቦት። እንዲሁም ሁል ጊዜ መንጃ ፍቃድ ይዘውት መንቀሳቅስ ይገባል። ለእራስዎ መኪና የተሽከርካሪ ምዝገባ ሰነድ ያስፈልግዎታል። በፍተሻ ወቅት፣ ፖሊስ ስለ ጉዳዩ ይጠይቅዎታል። ከጀርመን ወይም ከሌላ የአውሮፓ ህብረት ሀገር የመንጃ ፍቃድ ያስፈልግዎታል።

የትውልድ ሀገርዎ የአውሮፓ ህብረት አካል አይደለም? እንግዲያውስ በመጀመሪያዎቹ ስድስት ወራት ውስጥ የመንጃ ፈቃድዎን በጀርመን ውስጥ እንደገና ማውጣት አለብዎት። በተቻለ ፍጥነት ያውጡት። በቀድሞ መንጃ ፈቃድዎ ለስድስት ወራት ብቻ እንዲነዱ ይፈቀድልዎታል። በአከባቢዎ የመንጃ ፍቃድ ቢሮ ይመዝገቡ። የመንጃ ፍቃድዎ በስድስት ወራት ውስጥ አልታደሰም እናም መንዳት ይፈልጋሉ? እንግዲያውስ በጀርመን ውስጥ አዲስ የመንጃ ፈቃድ ማግኘት አለብዎት።

ወደ ሌሎች የጀርመን ከተሞች ወይም ወደ ውጭ አገር መሄድ ይፈልጋሉ? ከሆነ የባቡር የአውሮፕላን እና የአውቶቡስ አማራጮች አሉ።

ብዙ ሰዎች ጀርመን ውስጥ በባቡር ይጓዛሉ። በአብዛኛዎቹ መንገዶች ላይ የሚሰራው በዶይቸ ባህን (ዲቢ) የተባለው ባቡር ነው። በአንዳንድ ግዛቶች ሌሎች ትራንስፖርት አቅራቢዎችም አሉ። ልጆች ያሏቸው ቤተሰቦች ከዶይቸ ባህን(ዲቢ) በጀርመን ባቡር ጋር በርካሽ መጓዝ ይችላሉ። ልጆች ከወላጆቻቸው ወይም ከአንዱ ወላጆቻቸው ጋር ከተጓዙ እስከ 14 ዓመት እድሜ ድረስ በነፃ ይጓዛሉ። የባቡር ትኬት ዘግይተው ከቆረጡ ብዙ ጊዜ ውድ ናቸው። የቁጠባ አቅርቦቶችን ይጠቀሙ። ቀደም ብለው ቦታ ከያዙ ትኬቶችን በቅናሽ ማግኘት ይችላሉ። የጀርመን ትኬት በዶይቸ ባህን ለሚተዳደሩ የክልል ባቡሮች የሚሰራ ነው። የክልላዊ ባቡሮች ጋር የሚደረገው ጉዞ ሁልጊዜ የከተማ አቋራጭ ባቡሮች የበለጠ ትንሽ ጊዜ ይወስዳል።

በአብዛኛዎቹ ከተሞች የረጅም ርቀት የአውቶቡስ ማቆሚያዎች ከዋናው ባቡር ጣቢያ አጠገብ ይገኛሉ። በጀርመን እና በአውሮፓ ውስጥ በተለያዩ ከተሞች ይጓዛሉ። ቀደም ብለው ቦታ ካስያዙ፣ ትኬቶች በደንብ ቅናሽ ሊሆኑ ይችላሉ። የረጅም ርቀት አውቶቡሶች ምቹ ናቸው እና ብዙ ጊዜ ገመድ አልባ የበይነ መረብ አገልግሎት አላቸው።

በጀርመን ውስጥ በርካታ ዓለም አቀፍ አየር ማረፊያዎች አሉ። ትላልቅ መርከቦች በሰሜን ባሕር እና በባልቲክ ባሕር ውስጥ ወደሚገኙ ደሴቶች ይጓዛሉ።