የመድህን ዋስትና አስቀድመው መግባት አለብዎት:: ውል ፈርመው በየወሩ ወይም በዓመት አንድ ጊዜ ለ መድህን ዋስትና ኩባንያው ገንዘብ ይከፍላሉ።

አንዳንድ የመድህን ዋስትናዎች በጀርመን ውስጥ ግዴታ ናቸው:: እነዚህ የመድህን ዋስትናዎች ሊኖርዎት ይገባል። ነገር ግን ለእነዚህ አንዳንድ ደንቦች አሉ:: ሌሎቹ የመድህን ዋስትናዎች ደግሞ በፈቃደኝነት ላይ የተመሰረቱ ናቸው:: የመድህን ዋስትና እንዲኖሮ ከፈለጉ መግባት ይችላሉ::

በጀርመን ውስጥ ጥሩ ማኅበራዊ ዋስትና አለ:: አሠሪ አለዎት? ከሆነ ለማኅበራዊ መድህን ዋስትና ይከፍላሉ:: „ሥራ መጀመር“ በሚለው ጽሑፋችን ውስጥ ያለውን መረጃ ያንብቡ:: የመድህን ዋስትና ገንዘብ ከደሞዝዎ ላይ ተቀናሽ ይደረጋል:: ገንዘቡን ለብቻዎ መክፈል የለብዎትም:: አሠሪዎ ግማሹን ይከፍላል። የሚከፍሉት የገንዘብ መጠን በደመወዞ ይለካል:: ብዙ የሚያገኙት የበለጠ ይከፍላሉ:: ትንሽ ደሞዝ የሚያገኙት ደግሞ የሚከፍሉት ያነሰ ነው። በዚህ መንገድ ትንሽ ገንዘብ ያላቸው ሰዎች እንኳን ሳይቀሩ ጥበቃ ሊያገኙ ይችላሉ::

በማህበራዊ መድህን ዋስትና ውስጥ ሕጋዊ የጤና መድህን ዋስትና ፣ ህጋዊ የረጅም ጊዜ እንክብካቤ መድህን፣ ህጋዊ የአደጋ መድህን ዋስትና፣ ሕጋዊ የጡረታ መድህን ዋስትና እና ሕጋዊ የሥራ አጥ መድህን ዋስትና ይጠቃለላሉ። በእነዚህ የመድህን ዋስትና ፖሊሲዎች ሁሉም ሰው በእኩልነት ይስተናገዳል:: ብዙ መክፈል ባይችልም ሁሉም ሰው ተመሳሳይ ጥቅሞችን ያገኛል።

በግል ሥራ የሚተዳደሩ ከሆነ ማለትም የራስዎ ኩባንያ ካለዎት ለሕጋዊ ማኅበራዊ መድህን ዋስትና አይከፍሉም:: የራስዎን መድህን ዋስትና መውሰድ አለብዎት። ሥራ የሌላቸው ወይም አነስተኛ ሥራ ያላቸው ሰዎች የማኅበራዊ መድህን ዋስትና አይከፍሉም::

የጤና መድህን ዋስትና በጀርመን ላሉ ሰዎች ሁሉ ግዴታ ነው። ሀኪም ጋር ከሄዱ፣ ሆስፒታል መሄድ ካለቦት ወይም መድኃኒት ከፈለጉ ዋስትናው ይከፍላል። ሕጋዊ እና የግል የጤና መድህን ዋስትናዎች አሉ። ቋሚ ሥራ ያላቸው ሰዎች ብዙውን ጊዜ በሕግ በተደነገገው የጤና መድህን ዋስትና ይሸፈናሉ። በሕግ በተደነገገው የጤና መድህን ዋስትና ለልጆችዎም የጤና መድህን ዋስትና ማግኘት ይችላሉ። የትዳር አጋርዎ ካልሠሩ ወይም በጣም ትንሽ ገቢ ካገኙም ይህ ሕግ ለእነሱም ይሠራል።

በግል ሥራ የሚተዳደሩ ሰዎች በፈቃደኝነት ሕጋዊ የመድህን ዋስትና ሊገቡ ይችላሉ። አልያም የግል የጤና መድህን ዋስትና ይኖራቸዋል። ቋሚ ሥራ ያላቸው የተወሰኑ የሙያ ዘርፎች ለምሳሌ አስተማሪዎች የግል የጤና መድህን ዋስትና አላቸው። በአብዛኞቹ ሁኔታዎች የግል የጤና ኢንሹራንስ ከፍተኛ ገቢ ላላቸው ግለሰቦች ብቻ ምክንያታዊ ነው ።

ከጤና መድህን ዋስትና ሰጪዎ የጤና መድህን ዋስትና ካርድ ያገኛሉ። ይህንን ሁልጊዜ ከእርስዎ ጋር ይዘው ወደ ሐኪም ሲሄዱ ማሳየት አለብዎት::

ስራዎን ካጡና አዲስ ሥራ ካላገኙ የሥራ አጥነት መድህን ዋስትና ገንዘብ ይቀበላሉ :: ምን ያህል ጊዜ እና ምን ያህል ገንዘብ እንደሚቀበሉ በብዙ ሁኔታዎች ላይ የተመሰረት ነው። ለምሳሌ ከዚህ በፊት የሠሩበት ጊዜ ርዝመት እና ባገኙት ገቢ መጠን ላይ ያተኩራል። ሆኖም ግን ይህ የሚሠራው ለሥራ አጥነት ድጎማ መብት ካሎት ብቻ ነው።

የጡረታ መድህን ዋስትና ለሠራተኞች ግዴታ ነው:: እርጅና ሲደርስ መሥራት አይችሉም። የጡረታ መድህን ዋስትና በእርጅና አ መኖር እንዲችሉ ገንዘብ ይከፍልዎታል።

ሠራተኞች የአደጋ መድህን ዋስትና አላቸው። በሥራ ላይ አደጋ ቢደርስብዎት ወይም በሥራ ምክንያት ከታመሙ ይከፍላል::

የረጅም ጊዜ እንክብካቤ መድህን ዋስትና የረጅም ጊዜ እንክብካቤ ከፈለጉ ገንዘብ ይከፍላል:: አብዛኛዎቹ በጣም አዛውንቶች ናቸው። ነገር ግን ለምሳሌ ከባድ አደጋ ካጋጠማቸው በወጣቶች ላይም ሊከሰት ይችላል::

እነዚህ ዋስትናዎች በግል ሥራ ለሚተዳደሩ ሰዎች አይሠሩም። እነዚህ የመድህን ዋስትናዎች ግዴታ አይደሉም። ይሁን እንጂ በፈቃደኝነት ላይ የተመሰረተ የመድህን ዋስትና መግባት ይችላሉ::

የመኪና ወይም ሞተር ሳይክል ባለቤት ከሆኑ የመኪና መድህን ዋስትና ያስፈልግዎታል። አደጋ አጋጥሞታል? ሌላኛው መኪና ተጎድቷል? የመኪና መድህን ዋስትና ለጥገናው ሙሉውን ወይም የተወሰነውን ይከፍላል::

በጣም አስፈላጊዎቹ በበጎ ፈቃደኝነት ላይ የተመሰረቱ የመድህን ዋስትናዎች የተያዥነት መድህን ዋስትና እና የስራ ስንኩልነት መድህን ዋስትናዎች ናቸው። የሌላ ሰው የሆነ ነገርን አበላሽተዋል? ይህ በጣም ውድ ሊሆን ይችላል:: ይህ ካጋጠሞት የተጠያቂነት መድህን ዋስትና ይከፍላል:: ብዙ ወጪ አይጠይቅም።

ውሻ አለዎት? ከሆነ ለውሻዎ የየተያዥነት መድህን ዋስትናም መውሰድ አለብዎት።

የሥራ ስንኩልነት መድህን እንደዚህ ይሰራል:: በጠና ከታመሙ እና መሥራት ካልቻሉ ምንም ደመወዝ አያገኙም። ይህ በጣም መጥፎ ነው:: የሙያ ስንኩልነት መድህን በየወሩ ገንዘብ ይሰጥዎታል። የሥራ ስንኩልነት መድህን ውድ ነው። ለኢንሹራንሱ ብዙ የሚከፍሉ ብዙ ገንዘብ ያገኛሉ። ትንሽ የሚከፍሉ ደግሞ ትንሽ ያገኛሉ።

የቤት ንብረት መድህን ዋስትና እና የህይወት መድህን ዋስትና ጠቃሚ ሊሆኑ ይችላሉ። የቤት ንብረት መድህን ዋስትና በአፓርታማ ውስጥ ያሉ ነገሮች ለምሳሌ በውሃ ጉዳት ምክንያት ከተበላሹ ይከፍላል:: እና የህይወት እድህን ዋስትና ሲሞቱ ይከፍላል። ከዚያም ገንዘቡ ለምሳሌ ወደ ልጆችዎ ይሄዳል::

በሕግ የተደነገገው የጡረታ መድህን ዋስትና ብዙ ጊዜ በቂ አይከፍልም:: የግል የጡረታ መድህን ዋስትናዎችም አሉ። በእርጅና ጊዜ በደንብ ለመኖር ከፈለጉ ተጨማሪ የጡረታ መድህን ዋስትና አስፈላጊ ነው:: መንግስት ከእነዚህ የመድህን ዋስትናዎች የተወሰኑትን ይደግፋል።

ሌሎች ብዙ የ መድህን ዋስትና ዓይነቶች አሉ። ለእርስዎ እና ለህይወትዎ ሁኔታ ጠቃሚ ሊሆኑ ይችላሉ:: ነገር ግን ምን ዓይነት መድህን ዋስትና እንደሚፈልጉ በጥንቃቄ ያረጋግጡ:: እነዚህ በጣም ብዙ አይሆኑም:: እያንዳንዱ መድህን ዋስትና ገንዘብ ያስከፍላል:: የግል የአደጋ መድህን ዋስትና ለምሳሌ በትርፍ ጊዜ ለሚገጥም አደጋ ይከፍላል። የሕግ ወጪዎች ኢንሹራንስ ለጠበቃ ይከፍላል::

ለጉዞ፣ ለጥርስ፣ ለመነፅር፣ ለብድሮች ወይም ለሞባይል ስልኮች ኢንሹራንስ አለ። አስጊነቱ ምን ያህል ትልቅ እንደሆነ ያስቡበት:: እንዲሁም ለብዙ ነገሮች እራስዎ መክፈል ይችላሉ:: ለእያንዳንዱዋ ነገር መድህን ዋስትና መግባት አያስፈልግዎትም።