ለአሰሪዎ አንዳንድ ሰነዶች ያስፈልጉታል። በመጀመሪያ የጤና ኢንሹራንስ እንዳሎትት ማረጋገጫ ያስፈልጎታል። ከጤና መድን ድርጅትዎ/የጤና መድን ሰጪዎ ማረጋገጫ ማግኘት ይችላሉ። በጀርመን ሁሉም ሰው የጤና ኢንሹራንስ ሊኖረው ይገባል። የባንክ ደብተር እንዳሎትም ማረጋገጫም ያስፈልጎታል። አሠሪዎ ደሞዝዎን በየወሩ ወደ ሂሳብዎ ያስተላልፋል። አሠሪዎ የመኖሪያ ፈቃድዎን ቅጂ ከሥራ ፈቃድ ጋር ያስፈልገዋል ፡፡(ስራ ፍለጋ የሚለውን ይመልከቱ). አንዳንዴ አሠሪዎ የፖሊስ የምስክር ወረቀት(ከወንጀል ነጻ እንደሆኑ ) ይጠይቆታል። ይህንን ከነዋሪዎች ምዝገባ ጽ / ቤት ማግኘት ይችላሉ፡፡

በጀርመን ሁሉም ሰው የጤና መድህን ዋስትና ሊኖረው ይገባል። ከመጀመሪያው ከስራ ቀኖ በፊት ይህንን ራስዎ ማጠናቀቅ አለብዎት። ተቀጣሪ እንደመሆንዎ መጠን ብዙውን ጊዜ ለማህበራዊ የመድህን ዋስትና መዋጮ ይገደዳሉ፡ ይህ ማለት የጡረታ ዋስትና፣ የስራ አጥ መድን፣ የጤና እንክብካቤ መድን እና የአደጋ መድን ይኖርዎታል ማለት ነው። አሠሪዎ የመድን ዋስትናውን በከፊል ይከፍላል፡፡ ቀሪውን ክፍል እርሶ ይከፍላሉ። ይሄም የሚሆነው ከደመወዝዎ እየተቀነሰ ነው።ተጨማሪ መረጃ „የመድህን ዋስትና“ በሚለው ጽሑፍ ውስጥ ማግኘት ይችላሉ፡፡

የግብር መለያ ቁጥር እና የኤሌክትሮኒክ የገቢ ታክስ ካርድ (ELStAM) ያስፈልግዎታል፡፡ ሁለቱንም ከግብር ቢሮ ማግኘት ይችላሉ። የኤሌክትሮኒካዊ የ ታክስ ካርዱ በቀጥታ ለቀጣሪው ቢሮ ይተላለፋል፡፡ ግብሩን እራስዎ መክፈል የለቦትም፡፡ አሰሪዎ ግብሩን ከደሞዞ በቀጥታ ወደ ታክስ ቢሮ ያስተላልፋል። በአንዳንድ ሁኔታዎች የገቢ ግብር ተመላሽ ማድረግ ይችላሉ ወይም ማድረግ አለቦት። ብዙ ጊዜ መጠነኛ ገንዘብ ስለሚያገኙበት መጠየቅ ይገባል፡፡ „ፋይናንስ እና ግብሮች“ በሚለው ዝርዝር ውስጥ ተጨማሪ መረጃ ማግኘት ይችላሉ፡፡

ሰራተኞች የስራ ውል ይቀበላሉ፡፡ እርስዎ እና አሰሪው ውሉን ይፈርማሉ። የቅጥር ውሉን በጥንቃቄ ያንብቡ ከዚያም ይፈርሙ፡፡

እርግጠኛ ካልሆኑ የአዋቂዎች የስደተኛ አማካሪ አገልግሎትን ይጠይቁ፡፡ በጉርምስና ዕድሜ ላይ የሚገኙ ወጣቶች እና ጎልማሶች እስከ 27 አመት ድረስ ከወጣቶች የስደት አገልግሎት መረጃ ማግኘት ይችላሉ። እንዲሁም ለፌዴራል የሠራተኛና ማህበራዊ ጉዳይ ሚኒስቴር የዜጎች የስልክ መስመር (+49 30 221 911 004) መደወል ይችላሉ። ከዚያም ስለ የሥራ መብት እና ግዴታ ጥያቄዎችን መጠየቅ ይችላሉ፡፡

ሁሉም ደንቦች በቅጥር ውል ውስጥ ናቸው፡፡ እርስዎ እና አሰሪው እነዚህን ህጎች ማክበር አለብዎት። ለምሳሌ፡- በወር ምን ያህል እንደሚያገኙ፤ ስንት የእረፍት ቀናት እንዳሎት፤ ከታመሙ ምን ማድረግ እንደሚጠበቅቦት ይገልፃል፡፡ አዲስ ሥራ ሲጀምሩ አብዛኛውን ጊዜ የሙከራ ጊዜ ይኖርዎታል፡፡ የሙከራ ጊዜው በርዝመት ይለያያል። አንዳንድ ጊዜ ጥቂት ሳምንታት ብቻ ሲሆን አንዳንድ ጊዜ ግማሽ ዓመት ነው፡፡ በሙከራ ጊዜ ቀጣሪዎ በቅርበት ይከታተሎታል። ከሙከራ ጊዜ በኋላ በኩባንያው ውስጥ ስራ እንደሚቀጥሉ ይወስናል፡፡ ከሙከራ ጊዜ በኋላ እርሶም ይህን ስራ መቀጠል እንደሚፈልጉ ይወስናሉ፡፡ በሙከራ ጊዜ ስራ የማቋረጫ ጊዜ አጭር ነው፡፡ (ብዙውን ጊዜ ከ 2 እስከ 3 ሳምንታት) ፡፡ ከዚያ በኋላ ብዙውን ጊዜ 3 ወር ነው። ቋሚ እና ቋሚ ያልሆኑ ውሎች አሉ፡፡ የቋሚ ያልሆነው ውል ከተወሰነ የጊዜ ገደብ በኋላ ያበቃል፡፡ አሠሪው የስራ ማቋረጥ ማስታወቂያ መጻፍ የለበትም፡፡ ተጨማሪ መረጃ ስለ የሥራ ሰዓት, በዓላት; ሕመም እና ስለስራ መቋረጥ „የስራ ቦታዬ“ በሚለው ጽሑፍ ውስጥ ሊያገኙት ይችላሉ፡፡

በጀርመን ውስጥ አነስተኛ ስራዎችም አሉ፡፡ አነስተኛ ስራ በወር እስከ 538 ዩሮ ብቻ የሚያገኙት ወይም በቀን መቁጠሪያ አመት ቢበዛ 70 ቀናት የሚሰሩበት ስራ ነው። የአደጋ ጊዜ ዋስትና አለ፡፡ ነገር ግን የጤና እንክብካቤ መድን አይሸፈኑም። የራስዎ የጤና ኢንሹራንስ ሊኖሮ ይገባል፡፡ ለጡረታ ዋስትና መክፈልዎን ወይም ነፃ መሆንዎን እንደሚፈልጉ መወሰን ይችላሉ።

የስራ አጥነት ዋስትና አይኖሮትም።

በግል ነው የሚሰሩት ተቀጣሪ አይደሉም? የራስዎን ኩባንያ ለመመስረት ከፈለጉ የንግድ ፈቃድ ያስፈልግዎታል፡፡ እሱንም ከንግድ ቢሮ ማግኘት ይችላሉ። የከተማዎ ማዘጋጃ ቤትን በከተማዎ ውስጥ የንግድ ቢሮ ያለበትን መጠየቅ ይችላሉ፡፡ ለምሳሌ ሱቅ ወይም ሬስቶራንት ለመክፈት ቢፈልጉም የንግድ ፍቃድ ያስፈልግዎታል።

በትርፍ ጊዜዎ ይሰራሉ? ከሆነ ስራዎትን ከግብር ቢሮ ጋር ያስመዝግቡ። እንግዲያውስ ከግብር ቢሮ የግብር መለያ ቁጥር ማግኘት አለብዎት። የግብር መሥሪያ ቤቱ በዓመት ምን ያህል ትርፍ እንዳሎት በግምት ማወቅ ይፈልጋል። ከዚያም ምን ያህል ግብር እንደሚከፍሉ ይወስናል፡፡ የሚከፍሉትን ግብር ማስተላለፍ አለብዎት፡፡

የጤና መድንም ያስፈልግዎታል። ነገር ግን ለጤና ኢንሹራንስ እርሶ መክፈል አለቦት። የጡረታ ዋስትና ቢኖሮ ጥሩ ነው። በአንዳንድ ሙያዎች ለምሳሌ በዕደ ጥበብ ወይም እንደ አዋላጅ ሃኪም የጡረታ ዋስትና ሊኖርዎት ይገባል። ሌላ ኢንሹራንስም አስፈላጊ ሊሆን ይችላል፡፡ በ "ጀርመን ውስጥ ኩባንያ እያቋቋምን ነው" በሚለው መግቢያ ላይ የንግድ ሥራ ስለመጀመር ጉዳይ ብዙ ጠቃሚ ምክሮች አሉ፡፡