Sigurimi duhet të lidhet paraprakisht. Nënshkruhet një kontratë dhe paguhet çdo muaj ose një herë në vit.

Disa sigurime janë të detyrueshme në Gjermani: Duhet t’i keni këto sigurime. Por ka rregulla të caktuara për to. Sigurime të tjera janë vullnetare: Mund t’i keni këto sigurime, nëse dëshironi.

Në Gjermani ekziston një siguri e mirë sociale. A keni një punëdhënës? Atëherë paguani në sigurimin social. Lexoni informacionin në tekstin tonë "Fillimi i punës". Paratë për sigurimin zbriten nga paga. Ju nuk duhet t’i paguani të gjitha vetë. Punëdhënësi juaj paguan gjysmën. Shuma varet nga paga. Kush fiton shumë, paguan më shumë. Kush fiton pak, paguan më pak. Kështu edhe njerëzit me pak para mund të marrin mbrojtje.

Në sigurimin social përfshihen sigurimi shëndetësor ligjor, sigurimi i kujdesit ligjor, sigurimi i aksidenteve ligjore, sigurimi i pensioneve ligjore dhe sigurimi i papunësisë ligjore. Në këto sigurime të gjithë trajtohen njësoj. Secili merr të njëjtat përfitime. Edhe nëse nuk mund të paguajnë shumë për to.

Nëse jeni të vetëpunësuar, pra nëse keni kompaninë tuaj, nuk paguani për sigurimin social ligjor. Ju duhet të siguroni veten. Njerëzit pa punë ose me një minipuni nuk paguajnë sigurime sociale.

Një sigurim shëndetësor është i detyrueshëm për të gjithë në Gjermani. Me atë sigurim paguani kur shkoni te mjeku, kur duhet të shkoni në spital ose kur keni nevojë për medikamente. Ka sigurime shëndetësore ligjore dhe private. Kush ka një punë stabile, zakonisht është i siguruar ligjërisht. Ju mund të siguroni fëmijët tuaj pa pagesë në sigurimin shëndetësor ligjor. Kjo vlen edhe për bashkëshortin ose bashkëshorten tuaj, nëse ai ose ajo nuk punon ose fiton shumë pak.

Të vetëpunësuarit mund të sigurohen vullnetarisht ligjërisht. Ose kanë një sigurim shëndetësor privat. Edhe disa grupe profesionesh me një vend pune stabile kanë sigurim shëndetësor privat, për shembull mësuesit. Zakonisht një sigurim shëndetësor privat është i dobishëm vetëm për ata që fitojnë shumë.

Nga sigurimi shëndetësor ju merrni një kartë sigurimi shëndetësore. Këtë duhet ta merrni gjithmonë me vete dhe ta tregoni kur shkoni te mjeku.

Nga sigurimi i papunësisë merrni para nëse humbisni punën dhe ende nuk keni një punë të re. Sa kohë dhe sa para merrni varet nga shumë pika: për shembull, sa kohë keni punuar më parë dhe sa keni fituar. Kjo vlen vetëm nëse keni të drejtë për përfitime të papunësisë.

Edhe sigurimi i pensioneve është i detyrueshëm për punonjësit: Kur të jeni të moshuar dhe nuk mund të punoni më. Sigurimi i pensioneve ju paguan para për jetesë.

Punonjësit kanë gjithashtu një sigurim aksidentesh. Ky paguan nëse keni një aksident në punë ose nëse sëmureni për shkak të punës.

Sigurimi i kujdesit paguan para nëse keni nevojë për kujdes të përhershëm. Zakonisht këto janë njerëz shumë të moshuar. Por kjo mund t’u ndodhë edhe të rinjve. Për shembull, nëse kanë pasur një aksident të rëndë.

Të gjitha këto nuk vlejnë për të vetëpunësuarit. Ata nuk detyrohen t`i kenë këto sigurime. Por ata mund të sigurohen vullnetarisht.

Nëse keni një makinë ose motor, ju nevojitet një sigurim automjetesh. Nëse keni një aksident dhe një makina tjetër dëmtohet? Sigurimi i automjetit paguan për riparimin ose një pjesë të dëmit.

Sigurimet më të rëndësishme vullnetare janë sigurimi i përgjegjësisë dhe sigurimi i paaftësisë për punë. A keni dëmtuar diçka dikujt tjetër? Kjo mund të jetë shumë e shtrenjtë. Atëherë paguan sigurimi i përgjegjësisë. Ai nuk kushton shumë.

Keni një qen? Atëherë duhet të bëni një sigurim përgjegjësie edhe për qenin tuaj.

Sigurimi i paaftësisë për punë funksionon kështu: Nëse sëmureni rëndë dhe nuk mund të punoni më atëherë nuk merrni rrogë. Kjo situatë është shumë e rëndë. Sigurimi i paaftësisë për punë ju jep pastaj para çdo muaj. Një sigurim i tillë është i shtrenjtë. Kush ka paguar më shumë për sigurimin, merr më shumë para. Kush ka paguar më pak, merr më pak.

Edhe një sigurim për pajisjet e shtëpisë dhe një sigurim jetësor mund të jenë të dobishme. Sigurimi për pajisjet e shtëpisë paguan nëse gjërat në shtëpi dëmtohen, për shembull në rast dëmtimi nga uji. Ndërsa sigurimi jetësor paguan, në rast vdekjeje. Paratë pastaj i marrin për shembull fëmijët.

Sigurimi ligjor i pensioneve shpesh nuk paguan shumë. Ekzistojnë edhe sigurime private për pension. Një sigurim shtesë për pension është i rëndësishëm nëse dëshironi të jetoni mirë në pleqëri. Shteti mbështet disa nga këto sigurime.

Ka edhe shumë sigurime të tjera. Ato mund të jenë të dobishme për ju dhe situatën tuaj të jetës. Por shqyrtoni saktësisht se cilat sigurime ju nevojiten. Nuk janë edhe aq shumë. Çdo sigurim kushton para. Për shembull, sigurimi privat i aksidenteve paguan në rast aksidenti gjatë kohës së lirë. Ndërsa sigurimi i mbrojtjes juridike paguan për një avokat.

Ekzistojnë gjithashtu sigurime për udhëtime, dhëmbë, syze, kredi ose celularë. Mendoni se sa i madh është rreziku. Shumë gjëra mund të paguhen edhe vetë. Për këtë nuk është e domosdoshme një sigurim.