በብዙ ቤተሰቦች ውስጥ ሁለቱም ወላጆች ልጆችን ያሳድጋሉ። ብዙውን ጊዜ አንዱ ወላጅ ትንሽ ጊዜ ይሠራና ከልጆች ጋር ብዙ ጊዜ ያሳልፋል። ይህም የሚሆነው በአብዛኛው ጊዜ በእናት በኩል ነው፡፡ነገር ግን ለረጅም ጊዜ ሳይሰሩ ልጆችን የሚንከባከቡ አባቶችም አሉ።

አንዳንድ ወላጆች ይለያያሉ፡፡ ምንም እንኳን በአንድ ቤት ውስጥ ባይኖሩም ብዙዎች ልጆቹን አብረው ይንከባከባሉ። ነገር ግን ከአንድ ወላጅ ፣ እናት ወይም አባት፣ ጋር ብቻ የሚኖሩ ብዙ ቤተሰቦችም አሉ። ብቸኛ አሳዳጊ ይባላሉ። ፡፡ ልጆች ሁለት እናቶች ወይም ሁለት አባቶች ያሏቸው (የቀስተ ደመና) ቤተሰቦች አሉ። ከተለያዩ ወላጆች የተወጣጡ ልጆች አብረው የሚኖሩባቸውም ቤተሰቦች እሉ። ዘመዶች ወይም አሳዳጊ ልጆችን የሚንከባከቡባቸው ቤተሰቦችም አሉ።

ከልጆች ጋር ህይወት የሚጀምረው በነብሰ ጡርነትና ወቅት ነው፡፡ ስለ ነብሰ ጡርነትና ተያያዥ ጥያቄዎች ካለዎት ወደ የነብሰ ጡር ምክር እርዳታ መሄድ ይችላሉ፡፡

በነብሰ ጡርነት ወቅት የማህፀን ሐኪም ጋር አዘውትሮ መሔድ አለብዎት፡፡ እሱ ወይም እሷ ለጥያቄዎችዎ መልስ ይሰጣሉ እናም የልጅዎን ጤንነት ይከታተላሉ። የአዋላጅም ተመሳሳይ ተግባር አላት። በነብሰ ጡርነት ወቅት እና ልጅዎን ከወለዱ በኋላ ምክር እና ድጋፍ ትሰጣለች፡፡ በወሊድ ጊዜ አዋላጅዋም ትገኛለች። ሐኪምዎ የማህፀን ሐኪም እና/ወይም አዋላጅ ለማግኘት ሊረዳዎት ይችላል። ብዙ ሴቶችም የቅድመ ወሊድ ዝግጅት ስልጠና ይወስዳሉ። ለመውለድ ብዙ ጠቃሚ ምክሮችን በዚህ ስልጠና ያገኛሉ እናም ከሌሎች ነብሰ ጡር ሴቶች ጋር መተዋወቅ ይችላሉ፡፡

ቋሚ ሥራ ካሎት ከመውለዶ በፊት የወሊድ ፈቃድ መውሰድ ይችላሉ፡፡ በዚህ ጊዜ ውስጥ የመሥራት ግዴታ የለቦትም፡፡ በአብዛኛዎቹ ሙያዎች ይህ የሚሆነው ከመወለዱ ስድስት ሳምንታት በፊት ነው፡፡ የወሊድ ፈቃድ በአጠቃላይ ቢያንስ 14 ሳምንታት ይቆያል ወይም ሊራዘም ይችላል፡፡ በዚህ ጊዜ አሠሪዎ ከሥራ ቦታ ሊያሰናብትዎ አይፈቀድለትም።

ከወሊድ ፈቃድ በኋላ የወላጅነት ፈቃድ መውሰድ ይችላሉ፡፡ በዚህም ወቅት ቤት ውስጥ ሆነው ሥራ ሳይገቡ ልጅዎን ይንከባከባሉ፡፡ የወላጅነት ፈቃድ እስከ ሦስት ዓመት ድረስ ሊቆይ ይችላል፡፡ ነገር ግን ለምሳሌ አንድ ወይም ሁለት አመት የወላጅ ፈቃድ ብቻ መውሰድ ይችላሉ። እስከ 8ኛ የልደት በዓላቸው ድረስ የልጆችዎን የወላጅ ፈቃድ መውሰድ ይችላሉ። ይህ ለእያንዳንዱ ወላጅ ይሠራል። ከዚያ ወደ ሥራዎ መመለስ ይችላሉ፡፡

ከስራ እና ከቤተሰብ ጋር ሁልጊዜ ቀላል አይደለም፡፡ በጀርመን የወላጅ አበል ያለ ሲሆን ወጣት ቤተሰቦችን ለመደገፍ የተዘጋጀነው፡፡ በመጀመሪያዎቹ አስራ ሁለት ወራት ውስጥ በወላጅ ፈቃድ የወላጅ አበል ያገኛሉ። ባለቤቶ የወላጅ ፈቃድ ከወሰደ/ች14 ወራት ይሆናል። ተጨማሪ የወላጅ አበል ክፍያም ይኖራል፡፡ ይህም እስከ 24 ወራት ድረስ ያገኛሉ። የወላጅ አበል መጠን በተጣራ ደሞዝ ላይ የተመሰረተ ነው፡፡ ለወላጅ አበል ማመልከት አለቦት። ሥራ ባይኖሮትም ክፍያው ያገኛሉ።

ልጆችን ማሳደግ ብዙ ገንዘብ ይጠይቃል። በጀርመን ያሉ ቤተሰቦች ከመንግስት የገንዘብ ድጎማ የሚሰጣቸው በዚህ ምክንያት ነው። ድጎማው ልጆቹ ጥሩ ህይወት እና ጥሩ የወደፊት ዕድል እንዲኖራቸው ለማድረግ ይጠቅማል። ከፌዴራል የቅጥር ኤጀንሲ ለልጆች ድጎማ ማመልከት አለብዎት። የልጅዎ አስራ ስምንተኛ የልደት ቀን ድረስ የልጆች ድጎማ ያገኛሉ። ትንሽ ገቢ ያላቸው ተጨማሪ ገንዘብ ሊያገኙ ይችላሉ፡፡

የልጆችዎ ጤና ዋና ጉዳይ ነው፡፡ በጀርመን ውስጥ ለሕፃናት መደበኛ ቅድመ ምርመራዎች የሚስጡት በዚህ ምክኒያት ነው፡፡ በእነዚህ ቅድመ ምርመራዎች ወቅት የሕፃናት ሐኪም ልጅዎን በቅርበት ይመለከታል፡፡ በዚህ መንገድ ሊከሰቱ የሚችሉ ችግሮች እና በሽታዎች ቀደም ብለው ሊታወቁ ይችላሉ፡፡ ለምሳሌ ዶክተሩ የልጅዎን ክብደት እና ቁመት ይመረምራል፡፡ ሕፃኑ በተገቢው ሁኔታ እያደገ መሆኑን ያረጋግጣል፡፡ ዶክተሩ እያንዳንዱን ምርመራ በማስታወሻ ደብተር ውስጥ ይመዘግባል፡፡ ምርመራዎቹ ከክፍያ ነፃ ናቸው። ቅድመ ምርመራዎቹን አለመዘንጋት አስፈላጊ ነው፡፡ የሕፃናት ሐኪሙ ለልጅዎ ክትባት ይሰጣል፡፡

አካል ጉዳተኛ ወይም ሥር የሰደደ ሕመም ያለበት ልጅ አሎት? እባክዎን በጽሑፎቻችን ውስጥ ያለውን መረጃ ያንብቡ፡፡ „ማካተት፡ ከአካል ጉዳተኛ ጋር መኖር“.

በጀርመን ልጆችዎን ለመንከባከብ የተለያዩ አማራጮች አሉ። እባክዎ የእኛን የመረጃ ጽሑፍ „የልጅ እንክብካቤ“ ያንብቡ፡፡

ከልጆችዎ ጋር በትርፍ ጊዜዎ ብዙ ነገር ማድረግ ይችላሉ፡፡ ለትንንሽ ልጆች ከቤት ውጭ የመጫወቻ ሜዳዎች አሉ፡፡ ትልልቅ ልጆች ለምሳሌ የስፖርት ክለብን መቀላቀል ይችላሉ። በበጋ የውጪ መዋኛ ገንዳዎች እናም በክረምት የቤት ውስጥ መዋኛ ቦታዎች አሉ። ትምህርት ቤት በሚዘጋበት ወቅት ከተማዎች ብዙ ወጪ የማይጠይቁ ለልጆች ልዩ አቅርቦቶች አሏቸው። ከወጣቶች የወጣቶች ቢሮ እና በከተማዎ ካለው ማዘጋጃ ቤት መረጃ ማግኘት ይችላሉ። ብዙ ክለቦች በተለይ ለህጻናት የመዝናኛ አቅርቦቶች ይሰጣሉ። ተጨማሪ መረጃ በእኛ የመረጃ ፅሑፍ „የመዝናኛ ጊዜ“ ውስጥ ይኖራል፡፡

በጀርመን ልጆች ብዙውን ጊዜ ከጓደኞቻቸው ጋር ይገናኛሉ፡፡ ለምሳሌ ቤት ውስጥ ተገናኝተው ይጫወታሉ፡፡ አንዳንድ ጊዜ ልጆች ሌሎች ልጆችን በቤታቸው እንዲያድሩ ይጋብዛሉ፡፡ ብዙ ልጆች ልደታቸውን በድግስ ያከብራሉ። ለድግሱ ሌሎች ልጆችን ይጋብዛሉ፡፡ ድግሱ ብዙ ጊዜ በቤት ውስጥ ነው፡፡ አስደሳች ጨዋታዎች እና ኬኮች አሉ፡፡ ወላጆች ከልጆች ጋር ሽርሽር የሚሄዱባቸው ጉዞዎችም አሉ፡፡

የቤተሰብ ሕይወት ሁልጊዜ ቀላል አይደለም፡፡ ልጆችን ማሳደግ በጣም አስጨናቂ ሊሆን ይችላል፡፡ ልጆች ሲያድጉ፣ሲጎረምሱ ቀላል ጊዜ አይደለም፡፡ የተለያዩ ሀሳቦች፣ ቅናት ወይም ያልታሰቡ የህይወት ሁኔታዎች በቤተሰብ ውስጥ ወደ ክርክር እና ቀውሶች ያመራሉ፡፡የምክር ማዕከላት አንድ ላይ መፍትሄ ለማግኘት ያግዛሉ፡፡

በእውነቱ በቤተሰብዎ ውስጥ መጥፎ ነገር እየተከናወነ ነው? አካላዊ ወይም ወሲባዊ ጥቃት አለ? ቃላቶችም ሁከት ሊሆኑ ይችላሉ። በአስቸኳይ እርዳታ ያግኙ። የአደጋ ጊዜ ቁጥሮች እና የምክር ማዕከላት አሉ። አያመንቱ። ለሴቶች ልዩ የእርዳታ አቅርቦቶችም አሉ።