විදේශිකයන් ලියාපදිංචි කිරීමේ කාර්යාලයෙන් මෙම පාඨමාලාව සහභාගී වීමට අවශ්ය සුදුසුකම් පිළිබඳව සහ පාඨමාලා සපයන්නන්ගේ ලැයිස්තුවක්, එනම් භාෂා පාසල් පිළිබඳව තොරතුරු ලබා ගත හැකිය. එවිට ඔබට ආසන්නතම භාෂා පාසලක් සොයා එහි ලියාපදිංචි විය හැකිය. සමහර භාෂා පාසල් මගින් මාර්ගගත ක්රමයට ද ඒකාබද්ධතා පාඨමාලා ඉදිරිපත් කරයි.

“වැදගත් ලිපිනයන්” යටතේ ඒකාබද්ධ කිරීමේ පාඨමාලා පවත්වනු ලබන සියලුම පාඨමාලා සපයන්නන්ගේ ලිපිනයන් ඔබට සොයාගත හැකිය. එහිදී ඔබට ඔබේ ප්රදේශයේ සිටින පාඨමාලා සපයන්නන් සොයා ගත හැකිය. එහිදී ඔබට පාඨමාලා සපයන්නගේ ලිපින, දුරකථන අංක ආදී සියළු තොරතුරු සිතියමක් මත දැක ගත හැකි වනු ඇත.

ඔබ ලියාපදිංචි වීමෙන් පසු පාඨමාලා සැපයුම්කරු විසින් ස්ථානගත කිරීමේ පරීක්ෂණයක් පවත්වනු ඇත. මෙය ඔබට සුදුසු පාඨමාලාවක් සොයා ගැනීමට උපකාරී වනු ඇත. ඔබට එක පාඩමක් සඳහා € 2.29 වැය වනු ඇත. සහභාගී වන සියළු දෙනා පාඨමාලාව සඳහා ගෙවිය යුතු නැත. මේ පිළිබඳ වැඩිදුර තොරතුරු සංක්රමණිකයන් හා සරණාගතයින් සඳහා වන ෆෙඩරල් කාර්යාලයෙන් ලබා ගත හැකිය. ඒකාබද්ධ කිරීමේ පාඨමාලාව භාෂා පාඨමාලාවකින් සහ හඳුන්වාදීමේ පාඨමාලාවකින් සමන්විත වේ.

සාමාන්ය භාෂා පාඨමාලාව පාඩම් 600 කින් සමන්විතය. මෙහිදී ඔබට සාප්පු සවාරි යාම, ජීවත්වීම, දරුවන්, මාධ්ය, විවේකය, පාසල සහ රැකියාව හෝ වෛද්යවරයා හමුවීම වැනි එදිනෙදා මාතෘකා යටතේ භාෂාව ඉගෙන ගත හැකිය.

පාඨමාලාව අවසානයේදී, ඔබ අවසාන විභාගයට ("සංක්රමිකයන්සඳහා ජර්මානු පරීක්ෂණය") මුහුණ දීය යුතුය. එම විභාගයෙන් පසු, ඔබට “ඒකාබද්ධ කිරීමේ පාඨමාලා සහතිකයක්" ලැබෙනු ඇත. ඔබට රැකියා සඳහා යෑමට මෙම සහතිකය ඉතා වැදගත් වේ. මන්ද බොහෝ රැකියා වලදී මෙම සහතිකය පිළිබඳ ව විමසනු ලබයි. ඇතැම් විට විදේශිකයන් ලියාපදිංචි කිරීමේ කාර්යාලය වැනි රජයේ කාර්යාලයක පවා මෙම සහතිකය අවශ්ය වේ. ඔබට ජර්මානු ජාතිකයෙකු වීමට අවශ්ය නම්, ඒකාබද්ධ කිරීමේ පාඨමාලාවේ සහතිකය බොහෝ ප්රයෝජනවත් වේ.

භාෂා පාඨමාලාවෙන් පසු, ඔබ හඳුන්වා දීමේ පාඨමාලාව හැදෑරිය යුතුය. හඳුන්වා දීමේ පාඨමාලාවේ පාඩම් 100කින් සමන්විතය. මෙහිදී ඔබ ජර්මානු නීති පද්ධතිය, ඉතිහාසය සහ සංස්කෘතිය පිළිබඳ බොහෝ දේ ඉගෙන ගනී. මෙම පාඨමාලාවේ ඇති අනෙකුත් වැදගත් මාතෘකා වන්නේ සාරධර්ම හෝ සමාජයේ එකට ජීවත් වීමයි. මෙම පාඨමාලාව අවසානයේදී, "ජර්මනියේ ජීවත් වීම" යන අවසාන පරීක්ෂණයට මුහුණ දෙනු ඇත.

ඔබ අවසන් විභාගය අසමත් ද? එසේ නම් ඔබට අමතරව තවත් පැය 300 ක පාඩම් ලබා ගත හැකිය. එමෙන්ම නැවත විභාගයට මුහුණ දීමට ද හැකිය.

වයස අවුරුදු 27 දක්වා තරුණ යින් සඳහා “තරුණ ඒකාබද්ධතා පාඨමාලාව” නම් විශේෂ ඒකාබද්ධතා පාඨමාලාවක් ඇත. . ඔබට ආධුනිකත්ව පුහුණුවක් ලබා ගැනීමට අවශ්ය නම් ඒ සඳහා ඔවුන් උපකාර කරනු ඇත. මේ පිළිබඳ තොරතුරු සංක්රමණිකයන් සහ සරණාගතයින් සඳහා වන ෆෙඩරල් කාර්යාලයෙන් ගත හැකිය. ඇතැම් නගරවල කාන්තාවන් සඳහා පමණක් පාඨමාලා, සාක්ෂරතා පාඨමාලා හෝ ළමයින් සමග පාඨමාලා වැනි විශේෂ පාඨමාලා ද ඇත. මේ පිළිබඳව භාෂා පාසලෙන් විමසා බලන්න.

ඔබ රැකියාවක් සොයන්නේද නැතහොත් ඔබේ රැකියාව සඳහා ඔබේ ජර්මානු භාෂාව වැඩි දියුණු කර ගැනීමට අවශ්ය? එසේ නම් ඔබට ඔබට වෘත්තීය භාෂා පාඨමාලාවක් හැදෑරිය හැකිය. මෙහිදී ඔබ රැකියාව සඳහා ජර්මානු භාෂාව ඉගෙන ගනු ඇත. ඔබ වෘත්තීය භාෂා පාඨමාලාවක් හැදෑරීමට නම් එක්කෝ ඔබ දැනටමත් ජර්මානු භාෂාව කතා කළ යුතුය නැත්නම් ඔබ දැනටමත් ඒකාබද්ධ කිරීමේ පාඨමාලාව සම්පුර්ණ කර තිබිය යුතුය. මේ පිළිබඳව රැකියා ස්ථානයෙන් හෝ ඔබේ සේවා යෝජකයාගෙන් විමසන්න.