ተማሪዎቹ ብዙውን ጊዜ በሕዝብ ትምህርት ቤቶች ይማራሉ። እዚህ ምንም የትምህርት ቤት ክፍያዎች የሉም። ለቅጂዎች ፣ ቁሳቁሶች ወይም ለሽርሽር አነስተኛ ክፍያዎች አሉ። በግል ትምህርት ቤቶች የትምህርት ቤት ክፍያ መክፈል አለቦት።

ልጅዎ ገና ጀርመንኛ በደንብ አይናገርም? ልዩ የጀርመን ቋንቋ ድጋፍ ያስፈልገዋል? እንግዲያውስ ትምህርት ቤቱን በቀጥታ ያነጋግሩ።

የተለያዩ አይነት ትምህርት ቤት አይነቶች አሉ። ዕድሜያቸው 6 ወይም 7 እና ከዚያ በላይ የሆኑ ሁሉም ልጆች ወደ አንደኛ ደረጃ ትምህርት ቤት ይሄዳሉ። ከ 4 ኛ ክፍል በኋላ ልጆቹ ወደ ሁለተኛ ደረጃ ትምህርት ቤት ይሄዳሉ። በ 4 ኛ ክፍል የመጀመሪያ ደረጃ ትምህርት ቤቱ ልጅዎ የትኛው ትምህርት ቤት መሄድ እንዳለበት ምክር ይሰጣል፡፡ በፌዴራል ግዛት ላይ በመመስረት ብዙ የተለያዩ ሁለተኛ ደረጃ ትምህርት ቤቶች አሉ፡፡

ሁለተኛ ደረጃ ት/ቤት ወይም መካከለኛ ደረጃ ከ5ኛ እስከ 9ኛ ወይም 10ኛ ክፍል፡- እንደ እደ ጥበብ ወይም ቴክኒካል ስዕል ያሉ ተግባራዊ ትምህርቶችን ይሰጣል። ሁለተኛ ደረጃ ትምህርት ቤት ከ9ኛ ክፍል በኋላ የሁለተኛ ደረጃ ትምህርት ቤት ሰርተፍኬት ወይም ብቁ የሆነ የሁለተኛ ደረጃ ትምህርት ቤት ሰርተፍኬት ያገኛሉ። በሁሉም የፌደራል ግዛቶች ሁለተኛ ደረጃ ትምህርት ቤቶች የሉም። ብዙውን ጊዜ መካከለኛ ትምህርት ቤቶችም አሉ። በሁለተኛ ደረጃ ትምህርት ቤት ተማሪዎች ብዙ የተግባር ልምድ አላቸው። እዚህ ከ9ኛ ክፍል በኋላ የሁለተኛ ደረጃ ዲፕሎማ ወይም ብቁ የሆነ ሁለተኛ ደረጃ ዲፕሎማ ማግኘት ይችላሉ። እንዲሁም ከ10ኛ ክፍል በኋላ በመካከለኛ ደረጃ ትምህርት ቤት የመካከለኛ ደረጃ ትምህርት ቤት መልቀቂያ ሰርተፍኬት ማግኘት ይችላሉ። ከዚያ በኋላ ሙያ መማር ወይም ሁለተኛ ደረጃ ትምህርት ቤት መከታተል ይችላሉ ።

ሁለተኛ ደረጃ ትምህርት ቤቶች (ከ5ኛ እስከ 10ኛ ክፍል) አሉ፡ ከፍተኛው ሁለተኛ ደረጃ ት/ቤት ነው፡ከዚያም በሁለተኛ ደረጃ ማጠቃለያ ፈተና ያኖረዋል። ከዚያ በኋላ ሙያ ተኮር የሆነ ትምህርት መማር ወይም ቀጣይ ደረጃ ትምህርት ቤት መሄድ ይችላሉ፡፡

ጂምናዚየም (ከ5ኛ እስከ 12ኛ/13ኛ ክፍል)፡- በጂምናዚየም የዩኒቨርስቲ መግቢያ ፈተና ከወሰዱ በኋላ የዩኒቨርሲቲ ትምህርታቸውን መቀጠል ይችላሉ። በሁለተኛ ደረጃ ትምህርት ቤት ተማሪዎች ብዙውን ጊዜ እንደ እንግሊዝኛ እና ፈረንሳይኛ ያሉ ሁለት ወይም ሶስት የውጭ ቋንቋዎችን ይማራሉ። ተማሪዎች የዩኒቨርስቲ መግቢያ ፈተና የሚወስዱት ከ12ኛ ክፍል (ከ8) በኋላ ወይም ከ13ኛ ክፍል (ከ9) በኋላ ነው፡፡ ይህም እንደ ፌዴራል ግዛቱ ይለያያል።

አጠቃላይ ትምህርት ቤት (ከ5ኛ እስከ 13ኛ ክፍል)፡ በአንዳንድ የፌደራል ግዛቶች አጠቃላይ ትምህርት ቤቶች አሉ። እዚህ፣ ሁለተኛ ደረጃ ትምህርት ቤት ፣ ሪል ሹለ እና ጂምናዚየም ሁሉም በአንድ ህንፃ ውስጥ ናቸው። የሁለተኛ ደረጃ ትምህርት ቤት ሰርተፍኬት፣ የሪያልሹል ሁለተኛ ደረጃ ትምህርት ቤት ሰርተፍኬት ወይም የሁለተኛ ደረጃ ዲፕሎማ ማግኘት ይችላሉ። አንድ ልጅ ትምህርት ቤት መቀየር ከፈለገ፣ ለምሳሌ ከሃውፕትሹለ ወደ ሪያልሹል፣ ቀላል ነው። ትምህርት ቤቶቹ የተለዩ ከሆኑም መቀየርም ይችላሉ፣ ግን ያን ያህል ቀላል አይደለም።

ልዩ ትምህርት ቤቶች፡ በእያንዳንዱ የፌደራል ክፍለ ሀገር ሁለት ቋንቋ ተናጋሪ ትምህርት ቤቶች፣ ልዩ ፍላጎት ትምህርት ቤቶች፣ የቴክኒክ እና ሙያ ሁለተኛ ደረጃ ትምህርት ቤቶችም አሉ። የስእል መረጃዎቻችን ውስጥ የበለጠ ዝርዝር መረጃ ማግኘት ይችላሉ።

በአብዛኛዎቹ ትምህርት ቤቶች ትምህርቶቹ የሚጠናቀቁት በቀትር ወይም ከሰዓት በኋላ (8 ወይም 9 ሰአት) ነው። ከዚያ በኋላ አንድ ልጅ ከሰዓት በኋላ ወደሚገኝ እንክብካቤ ተቋም ለምሳሌ ወደ የመዋዕለ ሕጻናት ማእከል መሄድ ይችላል፡፡ ከሰዓት በኋላ እዚያ ሊቆይ ይችላል። የሚበላ ነገር በልቶ የቤት ስራው በማሰራት ልጆቹ እርዳታ ያገኛሉ፡፡ ነገር ግን ለመዋዕለ ሕጻናት መክፈል አለቦት።

የሙሉ ቀን ትምህርት ቤቶች እየበዙ ነው። ልጆቹ በዚህ ትምህርት ቤት ቀኑን ሙሉ፣ አብዛኛውን ጊዜ እስከ ቀኑ 10 ወይም 11 ሰአት ይቆያሉ፡፡ ምሳ ይኖራቸዋል እና የቤት ስራቸው ላይም እገዛ ያገኛሉ። ልጆች ብዙውን ጊዜ እንደ ስፖርት፣ ስዕል ወይም ቲያትር የመሳሰሉ ልዩ ትምህርቶችን መውሰድ ይችላሉ። የግዛት ሙሉ ቀን ትምህርት ቤቶች ነፃ ናቸው። የግል የሆኑ የሙሉ ቀን ትምህርት ቤቶች የትምህርት ቤት ክፍያ መክፈል አለቦት።

ልጆቹ በትምህርት ቤት ብዙ የትምህርት ዓይነቶች አሏቸው። ይህ አካላዊ ትምህርትንም ይጨምራል። ብዙውን ጊዜ የዋና ትምህርቶችም አሉ። አብዛኞቹ ትምህርት ቤቶች የክርስትና ሃይማኖታዊ ትምህርት ይሰጣሉ። ነገር ግን የሃይማኖታዊ ትምህርት ላይ አለመሳተፍ ይችላሉ፡፡ እንደ አማራጭ የስነምግባር እና በአንዳንድ ትምህርት ቤቶች ለምሳሌ እስልምና ወይም ይሁዲነት ትምህርቶች አሉ።

ልጅዎ በአንድ ትምህርት ላይ ችግር ካጋጠመው፣ እሱ ወይም እሷ የማጠናከሪያ ትምህርት ከግል አስተማሪ ወይም ትምህርት ቤቱ አስተማሪ ማግኘት ይችላሉ ። የማጠናከሪያ ትምህርት ብዙውን ጊዜ ቅናሽ ነው።

የትምህርት ቤት ልጆች ብዙውን ጊዜ በአንድ ትምህርት ዓመት ጊዜ ሽርሽር ይሄዳሉ። ብዙውን ጊዜ ከ 3 እስከ 5 ቀናት ይቆያል። እንደክፍል አንድ ላይ ወደ ሌላ ከተማ ወይም ወደሌላ ቦታ ይጓዛሉ። የእግር ጉዞ ቀናትም አሉ። ልጆቹ አብረው ለሽርሽር ይሄዳሉ። ልጆቹ ስለ ታሪክ፣ ባህል እና ተፈጥሮ ይማራሉ። ትምህርት ቤቶቹ የትምህርት ቤት ፌስቲቫሎችንም ያዘጋጃሉ። ለምሳሌ በትምህርት ቤቱ የቲያትር ትርኢቶች ወይም ኮንሰርቶች አሉ።

እያንዳንዱ ትምህርት ቤት የወላጅ ተወካይ አለው፡፡ እነዚህ ከትምህርት ቤቱ ጋር አብረው የሚሰሩ ወላጆች ናቸው። በዓመት ውስጥ ብዙ ጊዜ የወላጆች ምሽቶች አሉ። ወላጆች ከአስተማሪዎች ጠቃሚ መረጃ ያገኛሉ እና እርስ በእርሳቸው ሊተዋወቁ ይችላሉ። እንዲሁም ከአስተማሪ ጋር ቀጠሮ መያዝ እና ከእነሱ ጋር በግል መነጋገር ይችላሉ። ይህ የወላጅ-አስተማሪ ስብሰባ ይባላል። ወላጆች ስለልጆቻቸው ትምህርት ላይ እንዴት እንደሆነ፤ ክፍል ውስጥ ያለው ብቃት፤ እንዲሁም ችግሮች ካሉ የሚነገራቸው ሰአት ነው፡፡