Во Германија многу деца посетуваат детска градинка (Кита). Таму играат со други деца и се запознаваат со нови другарчиња. Вашето дете може да остане и дома со Вас. Но, детската градинка има многу предности. Вашето дете учи германски и други работи.

Градовите и општините имаат повеќе детски градинки, во зависност од големината. Постојат и детски градински од црквата или други организации, како што е Каритас. Има и приватни детски градинки и иницијативи на родители. Иницијативата на родители е основана од родители. Некои детски градинки се двојазични. Таму се зборуваат два јазици, на пример германски и шпански. Постојат и детски градинки каде децата се надвор цел ден.

Повеќето детски градинки се плаќаат. Приватните градинки често се поскапи од дрќавните. Цените се различни во секоја покраина. И не секој мора да плаќа исто. Тоа зависи од различни фактори: колку заработувате? Колку години има Вашето дете? И колку време дете то престојува во градинка? Во некои покраини и градови, грижата за децата е бесплатна. Ова важи понекогаш за сите места за грижа, а понекогаш само за градинката. Повеќето деца добиваат оброк и пијалоци во градинката. За тоа мора да плаќате месечен износ. Доколку помалку заработувате, има поддршка. Можете да се информирате во Центарот за вработување или во социјалната служба.

Од 2013 година, децата над 12 месеци имаат право на место во детска градинка. Тоа значи: Секое дете над 1 година може да посетува градинка ако родителите сакаат. За жал, тоа често не е возможно. Има премалку места во детските градинки и премалку воспитувачи и воспитувачки во Германија. Треба да се пријавите многу рано. Треба да го пријавите вашето дете во неколку детски градинки. Ако не добиете место, можете да поднесете жалба. Тоа значи: Судот одлучува дали ќе добиете финансиска помош. На пример, затоа што не можете да работите или работите помалку поради недостигот на место за грижа. Или затоа што друго згрижување чини повеќе пари.

Вие и Вашиот партнер/партнерка работите и имате малечко дете (неколку месеци до 3 години)? Тогаш можете да го запишете детето во бебешка група. Има многу малку места во бебешките групи. Често родителите ги пријавуваат своите деца уште додека се мајките бремени.

Вашето дете може да остане и кај дневна мајка или дневен татко. Негата е во домот на дневната мајка или татко. Тие се грижат само за мала група деца.

Не ви е потребна грижа за секој ден? Но сакате Вашето дете да воспоставува контакт со други деца? Постојат и игралишта. Родителите и децата можат да ги посетуваат заедно. Или децата ќе бидат згрижени само неколку часа. Постојат и други понуди за родители и деца, како што е пливање за бебиња, заедничко пеење или движење. Таму можете да запознаете и други родители.

Од 3 години до почетокот на училиште, децата одат во градинка. Таму можат да играат, пеат, сликаат и прават рачни изработки. Повеќето градинки имаат големи дворови. Во многу градинки, воспитувачите и воспитувачките во лето одат со децата во природа или прават други излети.

Најдоцна со 5 години, сите деца треба да посетуваат градинка. Тоа е важна подготовка за училиште. Во многу градинки има настава за развој на јазикот. Таа им помага на децата кои не зборуваат добро германски. Понекогаш и германските деца имаат потешкотии со германскиот јазик. Воспитувачите и воспитувачките, на пример, прават јазични игри со децата, им читаат и им раскажуваат приказни.

Градинки има и во помали места. Пријавете го Вашето дете на време во градинка. И тука нема толку многу места. Во градинката Вашето дете ќе запознае другарчиња, ќе зборува германски и брзо ќе се запознае со новата средина.

Некои градинки се отворени само до пладне (од 7 или 8 часот до 12 или 13 часот). Други градинки се отворени цел ден (од 7 или 8 часот до 16 или 17 часот).

Децата од 6 или 7 години треба да одат во училиште. Постои обврска за посетување училиште. Повеќе информации за тоа можете да прочитате во нашиот информативен текст „Училишен систем“. Ако работите, Вашето дете може да оди во целодневно училиште или после училиште во попладневна грижа или во менза. Најчесто Вашето дете може да јаде во училиштето. Во попладневната грижа Вашето дете може да остане до 16 или 17 часот. Мензата обично не трае толку долго.