Германия университетіне жол. Интенсив курс.
Ақылы бағдарлама

„Германия университетіне жол. Интенсив курс“ атты ақылы бағдарлама математика, информатика, жаратылыс тану және техникалық пәндерден оқу үлгерімі өте  жоғары болатын, неміс тілін  кем дегенде  В2 деңгейінде меңгерген  11- сынып оқушыларына  арналған. Олсонымен қатар  Германия университеттерінің тыныс-тіршілігімен, оқыту және білім алу ерекшеліктерімен, сонымен бірге студенттік өмірмен танысуды қамти.

2015 жылдан бастап Германиядағы серіктес университеттер „Германия университетіне жол“ бағдарламасына арнап белгілі мөлшерде оқуға орындар бөлетін болды. Осы дайындау бағдарламасын табысты аяқтағандар мектер бітіргеннен кейін бірден университетке түсуге өтінім бере алады.

Артықшылықтары

• Серіктес неміс жоғары оқу орнына тікелей түсу мүмкіндігі
• Тіл курстары, емтихандар (TestDaF, TestAS), арнайы кәсіби лексика курстары және мәдениетаралық тренинг арқылы кешенді дайындық
• Бағдарлама бойы Goethe-Institut тарапынан жеке қолдау
• Іріктеуден сәтті өткен қатысушылар үшін серіктес ЖОО-нан оқу квоталары
• Жаратылыстану ғылымы, математика, инженерия және экономика (MINT) салалары бойынша қызықты оқу бағдарламалары
• Серіктес ЖОО-на құжат тапсыру рәсімі жеңілдетілген
• Германияда оқу басталған кезде серіктес ЖОО тарапынан қолдау

Өтінім беру тәртібі Германия университетіне жол» бағдарламасына өтінім төмендегі шарттарды орындаған 10- сынып оқушыларынан ( байқау кезінде) қабылданады:

• 10 сынып аяқталған болу керек (бағдарлама басталған кезде)
• неміс тілінен білімі кем дегенде В2 деңгейінде: Гёте-Институт сертификаты В2 болуы керек
• Германияда оқуға деген жоғары ынтасын негіздеме хаты арқылы көрсету, оқушылар олимпиадасына, байқауларға, аймақтық және халықаралық жобаларға қатысқаны туралы құжаттар, т.б.
• Аттестаттағы бағасы орташадан жоғары болу керек, әсіресе MINT математика, информатика, жаратылыс тану және техникалық пәндерден
• Ата-анасының немесе қамқоршысының жазбаша рұқсаты