Қазақстан мен Кырғызстан немістері

Германия Федеративті Республикасының шетел істері Министрлігінің тапсырмасы бойынша Қазақстан Гёте-Институты Қазақстан мен Қырғызстанда тұратын немістерді қолдау үшін түрлі жобаларды, мәдени бағдарламаларды және Германия туралы өзекті ақпараттарды таратуды жүзеге асырады.
 

ТІЛ АССИСТЕНТТЕРІ

Эми Цимерманн, Бишкек

Amy Zimmermann   Менің атым Эми, мен 26 жастамын, Берлиннен келдім. Мен Потсдам мен Берлинде саясат пен мәдениет саласында білім алдым. Оқу барысында мен шетелде, соның ішінде Ресейде, Грузияда, Өзбекстанда және Қырғызстанда біраз уақыт өткіздім. Мен Қырғызстанда үшінші рет болдым, Мен бұл елге және оның мәдениетіне қатты ғашық болдым. Сондықтан мен келесі тоғыз айда Бішкектегі тіл орталығында Тіл ассистенті ретінде жұмыс істей алатыныма қуаныштымын.
Бос уақытымда мен табиғатқа баруды, велосипед тебуді, фризби ойнауды және басқа да ашық ауада іс-шараларды ұнатамын. Менің ұраным: бақылаудың орнына оқиғалардың ортасында бол!

Бішкекте болған кезімде тіл ассистенті ретінде жұмыс істеуден басқа, мен келесі нәрселерді үйренгім келеді:

  • Лагманды қалай дайындау керектігін (Орта Азия тағамы).
  • Қоғамдық орындарда шахмат ойнау.
  • Атпен серуендеу.
  • Қырғыз тілінде қарапайым әңгімелесе алу.
  • Жазда Ыстықкөлде шомылу.
  • Киіз үйде түнеу.

Келесі айларда менің тізімімдегі барлық элементтерді орындай аламын ба, көрейік!
 

Давид Прайбиш, Қостанай

David Preibisch   Сәлем!
Менің атым Дэвид, 26 жастамын, мен Бад-Либенверда атты шағын қалада туып өстім. Потсдам университетінде география және орыс тілі кафедрасында оқыдым. Осылайша мен орыс тілін үйреніп, Шығыс Еуропа мәдениетімен таныстым.
Мен екінші рет Қостанай қаласында тіл ассистенті болып жұмыс істеймін. Мен Тілдерді оқыту орталығында сабақ беремін және «Возрождение» бағдарламасы аясында неміс диаспорасымен де ынтымақтастықтамын. Оларға Германиядағы әдет-ғұрыптар мен дәстүрлер жайлы, сондай-ақ музыка, спорт, саясат және Германиядағы аймақтық айырмашылықтар туралы  ақпарат беремін. Сондай-ақ ойын кештері, жиындар, кино кештері немесе жастарға арналған тіл клубтары сияқты шағын іс-шараларды жоспарлап отырамын.
Тіл орталығында жұмыс істеген алғашқы жылы маған осы ел, адамдармен жұмыс істеу өте ұнады. Сондықтан мен Қостанайда тағы да тіл ассистенті болып жұмыс істегеніме өте қуаныштымын және ризамын. Бір жағынан, мен өз жұмысымды жалғастыра және күшейте аламын. Екінші жағынан, менің ел мен адамдарды жақсырақ білуге, сондай-ақ қазақ мәдениетімен тереңірек танысуға мүмкіндігім бар.
 

Юлия Хемптенмахер, Павлодар

Julia Hemptenmacher   Сәлем,
менің атым Юлия Хемптенмахер (жасым 31-де), мен қазан айының соңынан бері Қазақстандамын. Алғаш рет әлемнің осы аймағында бола отырып, осы елмен, сондай-ақ халқымен, мәдениетімен және тілімен мүмкіндігінше тез танысқым келеді.
Мен Солтүстік теңізде өстім, содан кейін теңдессіз Геттинггенде орналасқан Георг Август университетінде латын және спорт, түрлі мәдениеттер арасында өзара байланыс жайлы және көптілділікті ( неміс тілін шет тіл, екінші тіл ретінде) оқыдым. Енді мен Павлодардағы тіл орталығы жұмысымен танысуға және оған ат салысуға өте қуаныштымын. Мен тіл орталығы оқытушыларына сабақ барысында қолдау көрсетемін, сонымен қатар фильмдерді бірге көруге немесе түрлі тақырыптарды талқылау мақсатында кездесулер ұсынамын. Сонымен бірге кезектен тыс түрлі жобалар ұсынылады. Сондай- ақ менімен Павлодарда “Видергебурт” неміс қоғамында кездесуге болады.
Мен өзім жайлы не айта аламын? Табиғат аясында немесе сыртта жасауға болатын барлық дүние мені қатты қызықтырады. Суретке түсіру, ұзақ серуендеу немесе Ертістің бойында жақсы кітаппен күннің батуын тамашалау. Менің туған күнім жаз мезгілінде болса да, мен нағыз қыстың баласымын және қар мен конькиді тағатсыздана күтемін!